DARALO 7:9 - WUKE SUSI WATTI'U AL᷊AL᷊USASSA

⁹ I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

DARALO 7:9 ပူးပေါင်းရင်းမြစ်များ

PANDARIADDI 20:5

I Abraham sassane nabbal᷊o manungku wawine udde tuarine, wuṛṛu wawine udde nabbisara aroddi lai. I ya'u buatte na'ola'a udde ringannu naungnga waresi, nariaddi ya'u tawe nassal᷊a.”

1 MARARATU 8:32

oh Mawu, antimanna I'o maddaringikka wuassu surga wuṛṛu mamutussa hatto manga allang-Ngu indi. Ṛuumana'e iapa nassal᷊a uasul᷊ungngu inolaanne wuṛṛu pallosa'e iapa tawe sal᷊ane.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

DARALO 10:15

Paddite taṛṛinon taumata lal᷊eo wuṛṛu mal᷊awangnga; ṛuumana'e i mangitou ana waugu inolaanne ma'oman sara i mangitou mawal᷊u.

DARALO 10:18

Ana'a asisi wuṛṛu taumata mallangnga I'o nanamba'a hattone, tadea'u tawe taumata apan maata'utta si mangitou.

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

DARALO 139:1

Su piaṛṛa'u mangangantari. Daralon Daud. Oh Mawu, I'o maasunna si ya'u wuṛṛu masingka'u.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 18:21

Mawu nabbal᷊issa inolaangku apan naṛino; I Tou nangal᷊amatta si ya'u ana waugu i ya'u tawe sal᷊ane.

DARALO 26:2

Saṛṛasirewe i ya'u, oh Mawu, wuṛṛu sal᷊u'ate'o i ya'u, parikisewe apulu'u wuṛṛu ṛingirangku.

DARALO 35:23

Darisikke panamba'a hatto'u, oh Ruata'u wuṛṛu Mawu'u, ontol᷊ewe i ya'u!

DARALO 37:23

Mawu mangngehetta taumata sulal᷊anna apan ṛinone amatanne, i Tou mannohassa taumata mabbiakka tuttuṛṛuta apulu-Ne.

DARALO 40:2

Ringannu sabare i ya'u uaṛṛaddo sasumbalan Mawu; ana see i Tou na'ellega si ya'u wuṛṛu naddaringikka sasal᷊ande'u.

DARALO 43:1

Onggol᷊eten atatul᷊idda si ya'u, oh Ruata, sambaaite i ya'u su saruannu walahanna apan dal᷊eo. Liuaawe i ya'u wuassu taumata lal᷊eo wuṛṛu taṛṛa wahia.

DARALO 44:21

Unnu wisara i yami tate lai massubba Ruata, ewe'e u'al᷊iomante su mawu waine,

DARALO 58:6

apan tawe maaringikka tingikku hurune apan pande, ara'e tingikku mandaroa apan pande.

DARALO 9:9

I Tou uaparenta al᷊awo'u walahanna ringannu atatul᷊idda wuṛṛu makkuungngi mangitou ringannu ṛinone.

DARALO 96:10

Wattia'e su manga walahanna, “Mawu udde Ratu! Runia matohassa tawe ia'io'a; i Tou sarun makkuungngu manga walahanna ringannu atatul᷊idda.”

DARALO 96:13

Ana waugu Mawu rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 20:12

Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

1 TESALONIKA 3:13

Ringannu aroddi Mawu sarun manohassa naungngu, na'oman sara i yamiu ma'ukkasa wuṛṛu tawe sal᷊ane su saruannu Ruata Iamangngi ite, su tempo Mawun kite Yesus rumanta suadio'a ringannu anambon taumata apan naola'a pussa'a-Ne.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.