DARALO 7:4 - WUKE SUSI WATTI'U AL᷊AL᷊USASSA

^4-5 Oh Mawu Ruata'u, i ya'u na'ola'a pallal᷊inga, na'ola'a al᷊al᷊eo susaruannu sandingananna ara'e namaddon seetta ringannu tawe pinangiananne, unnu wisara i ya'u na'ola'a aroddi,

DARALO 7:4 ပူးပေါင်းရင်းမြစ်များ

PANDARIADDI 44:4

I mangitou taambe marau wuassu soa udde, su tempo i Yusuf nabbisara su tembonannu amonanna, “Paal᷊ihakka enggene manga taumata udde. Napawe niaenggenante, wal᷊oa'a si mangitou, ‘Anio apapia niwal᷊isanni yamiu al᷊al᷊eo?

PANDARIADDI 44:9

I Tuangnga, unnu wisara saranapa udde niasombanganna su sangkatou suwallati yami, wala'e i tou iṛṛuumanna mate, wuṛṛu i yami maola'a allangngi Tuangnga.”

2 SAMUEL 16:8

I'o buatte nangaṛṛo araratuanni Saul! Orassa indi i'o niṛṛuumannu Mawu ana waugu tumaniten manambo namate tuṛṛangngi Saul. Mawu buatte nangonggollu araratuannu su anangngi i Absalom. Orassa indi i'o natete, i'o taṛṛa pate!”

AYUB 31:22

ne wala'ewe ta'iakka ruan ba'a mapaddi na'oman sara mattal᷊ei wuassu wambangku.

AYUB 31:7

Unnuwisara i ya'u buatte sinumewadda wuassu lal᷊anna apan naṛṛino, ara'e naungku ninumemman al᷊al᷊eo, napawe lima'u nappeta'u rosa,

DARALO 109:5

I mangitou nabbal᷊issa apapia'u ringannu al᷊al᷊eo, wuṛṛu darangngu'u ringannu ararantinna.

DARALO 55:20

Ruata mammarenta wuassu panattaṛṛanne sarun maddaringikka si ya'u wuṛṛu namaddon mangitou. Ana waugu i mangitou maddiri mawal᷊u, wuṛṛu tawe mata'uttu Ruata.

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

WATTI'U MANGA RASUL 16:28

Arawe i Paulus inumui ma'ikka-ikkatta, “Arie pamate ririnu! I yami sarangkanambone ta'e isindi!”

1 SAMUEL 20:1

Ne i Daud tinumal᷊angke wuassu Nayot maranin Rama wuṛṛu inaite naisasomban Yonatan, ana see naiwal᷊o, “Apa pasasal᷊a'u? Al᷊al᷊eo apa apan buatte ta'u niola'a wuṛṛu apa rosa'u su saruannu iamangngu na'oman sara i tou maapulu mamate si ya'u?”

1 SAMUEL 22:14

Ana see i Ahimelekh sinumimbakka, “Arawe wal᷊inewe i Daud tembonannu tantaran Tuangnga apan atuṛṛutanne? Ete i tou mananambon Tuangnga, wuṛṛu lembon a'addatannu anambon taumata sulal᷊ummu wal᷊en araratuanni Tuangnga.

1 SAMUEL 24:7

I tou nabbisara tantarane, “Antimanna Mawu mallu'adda tadea'u ya'u imbaṛṛangnga ma'ola'a al᷊al᷊eo su saruannu ratu'u apan nipilen Mawu!”

1 SAMUEL 26:21

Ana see i Saul sinumimbakka, “I ya'u buatte na'ola'a pasasal᷊a. Pabbelengke Daud, Ana'u! I ya'u tate ma'ola'a al᷊al᷊eo apia si'o ana waugu i'o buatte namala'u wiakka masaṛṛabbi. Pallal᷊agu'u tumaniten longonna. I ya'u atonna-tonna nial᷊iwunete!”

1 SAMUEL 26:24

Nariaddi, ere lai i Tuangnga namalan allangngu wiakka su allo indi, aroddi lai antimanna allangngu lal᷊u'arannu Mawu wuṛṛu iapal᷊iu wuassu anambon asasilaka!”