DARALO 69:7 - WUKE SUSI WATTI'U AL᷊AL᷊USASSA

⁷ Arie pabbala'a i ya'u mandantan asasili su manga taumata apan uaantimma Si'o, oh Ruata, Ruata Apan Lembontaṛṛino. Arie pabbala'a i ya'u mandantan lal᷊ela su manga taumata apan massubba Si'o oh Ruatan Israel!

DARALO 69:7 ပူးပေါင်းရင်းမြစ်များ

DARALO 44:15

I Yami niolang-Ngu pappasendeṛannu manga walahanna; i mangitou uapapa'ilinga lapiddu mangngadio'a si yami.

DARALO 44:22

Ruata sarun maasingkata, ana waugu i Tou maatutukka addapingu naungngi yami.

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

YEREMIA 15:15

Wua'udde i ya'u nabbisara, “Mawu, I'o ma'asunna. Naungewe, wuṛṛu ontol᷊ewe i ya'u. Wal᷊isete i mangitou apan mangngenggenna wuṛṛu mangngallangnga si ya'u. Ariewe tumaniten masabbare si mangitou ma'oman sara i mangitou wotongnge maapate si ya'u. Naungete manungku ana waugu I'o i ya'u nial᷊uandahanna.

LUKAS 23:11

I Herodes wuṛṛu manga tantarane mannalangnga wuṛṛu mangngal᷊uandaga Mawu Yesus, see nilluṛṛeannu laubbu awawantuga, wua'udde i Tou nirolokka apia ringanni Pilatus.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.