DARALO 69:13 - WUKE SUSI WATTI'U AL᷊AL᷊USASSA

¹³ I ya'u nabbal᷊i ipaal᷊umeme su tampa taumata uaammula, wuṛṛu antarin manga taṛṛa wu'anna su ola'u riri'u.

DARALO 69:13 ပူးပေါင်းရင်းမြစ်များ

PANDARIADDI 24:27

Wisarane, “Paddalote Mawu, Ruata mawu'u Abraham. Mawu sidutu matul᷊idda wuṛṛu mapia su mawu'u Abraham. I tou nangehetta si ya'u watukku manga tuṛṛangnge.”

ESTER 5:2

Napawe i tou naasilo si Wo'i Ester uarisikka su liudde, i tou naapendamma niumakkanni tou wuṛṛu nangul᷊ukku ta'inne wul᷊awanna si Ester. Ne Ester niumamatte, ana see nangeṛṛetta pentakku ta'inna udde.

ESTER 5:6

Sutempo ma'inumma anggore, ratu naiwal᷊o, “Orassa indi wal᷊oa'e apa apan ipaapulunu. Suapa apan raddorongannu sarun ta'u ionggolla, salaiwe sambageanganna wuassu araratuangku!”

ESTER 7:2

Lapiddu ma'inumma anggore, ratu naiwal᷊o apia si Ester, “Ne, Awingku, apa apan ipaapulunu? Wal᷊oa'e! I ya'u sarun mangonggolla salaiwe i'o maddorongnga sambageanganna wuassu araratuangku.”

DARALO 32:6

Ana waugu udde suapan taumata susi ṛinone umal᷊iomanna sutempo mamendamma asasusa, na'oman sara amungkangngu manawangngu asasusa rumanta, i tou tawe aeleṛṛanne.

DARALO 51:1

Su piaṛṛa'u mangangantari. Daralo niarangngi Daud

DARALO 91:15

Amungkangu i tou sumal᷊ande si Ya'u, i Ya'u sarun sumimbakka si tou. Sutempon asasusa, i Ya'u sarun umontolla si tou; i tou sarun Ta'u iliu wuṛṛu Ta'u onggol᷊anna aaddata.

DARALO 98:3

I Tou uanaungnga darangngu wuṛṛu apapia-Ne su Israel, al᷊aṛṛanang-Nge. Anambon walahanna su ahewallu runia naasilote Ruatan kite naauntunga.

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 55:6

Pabbelengke ringannu Mawu tantal᷊anna ta'e wotongnge; pailelarete si Tou tantal᷊anna i Tou ta'e marani.

LAL᷊ALLU 3:63

Wuassu marua allo maddatingngu ṛabbi, i ya'u niola'a punnu aal᷊uandaga.

MIKHA 7:20

Su uman-Nu, papapulunni Abraham wuṛṛu Yakub, I'o sarun mapal᷊iatta'u darangngu-Nu wuṛṛu aakkan-Nu apan tawe pattaal᷊anne udde ere buatte nipa're-Nu su al᷊amonan kami tiwatta.

LUKAS 1:72

Wuṛṛu mammasilo naungnge mapia su iupungngu al᷊amonang kite, pa'aire-Ne apan naukkassa sarun tipusan-Ne.

LUKAS 22:44

Mawu Yesus tumaniten uatataṛṛangnga sansara sulal᷊ummu naung-Nge na'oman sara i Tou u'al᷊iomanna atonna-tonna. Liahane naal᷊ihida raṛṛa tutturo su leta'a.]

2 KORINTUS 6:2

Sulal᷊ummu Wuke Susi, Ruata nabbisara, “Su tempo apan ipaapulu, i Ya'u buatte naddaringikka Si'o, wuṛṛu su allon pananal᷊amatta, i Ya'u buatte nantul᷊ungngu.” Naunge paapia-pia, ete orassa indi tempo apan ipaapulu-U udde. Ete orassa indi tempone ipanal᷊amatta.

IBRANI 5:7

Su tempo Mawu Yesus mabbiakka su runia indi, i Tou u'al᷊iomanna wuṛṛu sussal᷊ande ringannu u'ui wuṛṛu lulluai su Ruata, apan botongnge manal᷊amatta si Tou wuassu papate. Wuṛṛu ana waugu i Tou matuṛṛuta Ruata ringannu napeneng addatta, ne i Tou niraringiṛṛana.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

1 SAMUEL 25:8

Iwal᷊oi'o si mangitou, i mangitou sarun sumimbakka ringannu atonna hatto udde. Ana waugu udde, ya'u mangantimma tadea'u tantara'u sal᷊ohoanna ringannu mapia su wal᷊enu, ana waugu yami rumanta su allo wahewalla indi. Onggol᷊a'a lai su manga allangngu indi wuṛṛu lai si ya'u, i Daud, hawenu apan mapia, manga apa tumuṛṛuttu apulunu.”