DARALO 66:3 - WUKE SUSI WATTI'U AL᷊AL᷊USASSA

³ Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 66:3 ပူးပေါင်းရင်းမြစ်များ

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

DARALO 18:45

Manga taumata raho uasuṛṛubawa si ya'u wuṛṛu tuttuṛṛutta napawe maaringikka tingi'u.

DARALO 47:2

Pattal᷊o'ape ringannu lulluassa, ei anambon walahanna! Paddalote Ruata ringannu huggio!

DARALO 65:5

Lal᷊umanna'a su taumata apan nipile-Nu, wuṛṛu I'o nangahe matana'a su Wal᷊en-Nu. I yami sarun lairannu al᷊awo'a apan mapia su Wal᷊en-Nu, tatanaan-Nu apan susi.

DARALO 68:30

Manga ratu uaapiddu sasamba Si'o su Wal᷊en-Nu su Yerusalem.

DARALO 76:12

Panipusse paairenu su Mawu Ruatanu. Ṛinone anambon walahanna apan uatana'a marani mangapiddu sasamba su Ruata apan iaata'utta.

DARALO 81:15

ne i Ya'u masasaṛṛawutta mapasuṛṛubawan seetti mangitou, wuṛṛu maparugin anambon ro'appi mangitou.

SASABANGNGA 15:21

I Miryam nangantarin aantari mangitou, “Pangantarite paddalo Mawu, ana waugu i Tou naauntungnga ringannu mapia atonna. Anambon awal᷊o wuṛṛu sumasa'ene nituntungngi Tou sulal᷊ummu Tahal᷊oangnga.”

YESAYA 2:19

Sutempo Mawu dumarisikka wuṛṛu mangio'u runia, taumata sarun sumutta sulal᷊ummu manga liangnga su manga wuiddu watu ara'e ma'al᷊i loṛṛangnga sulal᷊ummu leta'a tadea'u mal᷊iudda wuassu asasa'un Mawu wuṛṛu wuassu taṛṛino-Ne apan mawantuga. Amungkangngu allo udde nia'omante, manga pasasubba paal᷊uanna sal᷊a'a wuṛṛu wul᷊awanna apan nilanginni mangitou wuṛṛu sassubbanna, udde sarun itantangnga aroddi su wal᷊awo wuṛṛu pani'i.

YESAYA 25:3

I'o sarun daloannu manga walahanna apan matohassa, wuṛṛu ia'ata'utta su manga soan walahanna apan maṛṛagissa.

YESAYA 40:26

Paningngarate langitta, wuṛṛu panutukke! Isaite apan nallanginnu manga anumpitanna? I Tou apan mangngatokki mangitou naal᷊ihidda ere barisanna, i Tou masingkattu anambon mangitou sarangkanambone, wuṛṛu mammaggo sambau-sambau ringannu aranne. Tawe saran sambau apan mawul᷊i ana waugu ahewallu taṛṛinon Mawu!

YESAYA 64:3

I'o buatte na'ola'a inolaanna apan bahewalla, apan tawe niaṛṛangngo kami. I'o sinumossokka, wuṛṛu su saruan-Nu manga wowone niumio'a.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (