DARALO 113:3 - WUKE SUSI WATTI'U AL᷊AL᷊USASSA

³ Wuassu ra'i maddatingngu waṛṛatta arannu Mawu ṛinone raloanna.

DARALO 113:3 ပူးပေါင်းရင်းမြစ်များ

DARALO 18:3

Mawu naal᷊ihidda tanda'a watu apan matohassa tampa i ya'u uatullindumma. Ruata'u naal᷊ihidda wowon batu tampa i ya'u uasirunga. Naal᷊ihidda allunga i Tou, uataappa si ya'u, wuṛṛu ual᷊u'adda si ya'u tadea'u sidutu mal᷊angnganna.

DARALO 48:10

Sulal᷊ummu Wal᷊en-Nu i yami mannaungnga darangngu-Nu, oh Ruata.

DARALO 50:1

Daralon Asaf. Mawu, Ruata Apan Lembontaṛṛino, nabbisara, I Tou nassinaukka su ahewallu runia wuassu ra'i naddatingngu waṛṛatta.

DARALO 72:11

Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 49:13

Pangantarite ei langitta, paggiote ei runia, ei manga wowone, paggioten al᷊al᷊uassa! Ana waugu Mawu nirumanta mallimbatta uman-Ne, I Tou mandangngu uman-Ne apan niallangnga.

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”