DANIEL 8:4 - WUKE SUSI WATTI'U AL᷊AL᷊USASSA

⁴ I ya'u naasilo domba esakka udde mannandu'a watukku waṛṛatta, sawanakka wuṛṛu timukka. Tawe saran sambau winatangnga lai apan wotongnge maaro'appa ara'e maatal᷊angnga wuassu taṛṛionne. I tou ma'ola'a walate apulun naungnge wuṛṛu nabbal᷊i mawunga.

DANIEL 8:4 ပူးပေါင်းရင်းမြစ်များ

1 MARARATU 22:11

Sangkatou suwallattu manga nabi udde aranne i Zedekia ana'i Kenaana, na'ola'a manga tatandu'a atta'a ana see nabbisara si Ahab, “Eteindi apan niwal᷊on Mawu, ‘Ringannu manga tatandu'a ereindi i Tuangnga sarun namaddon Siria wuṛṛu makkimunsa'a si mangitou.’ ”

AYUB 10:7

Ṛinone I'o masingkatta wuṛṛu maatutukka, manungku i ya'u tawe sal᷊ane, arawe naṛṛino. I'o masingkatta manungku saran sangkatou tawe maatottolla manal᷊amatta si ya'u wuassu lima-Nu.

DARALO 44:5

Ete I'o Ratu'u wuṛṛu Ruata'u, apan nangonggolu auntunganna su al᷊aṛṛanang-Ngu.

DARALO 50:22

Panutukke, i yamiu apan naabul᷊iten Duata; paatehampe arie ma'oman sara i yamiu Ta'u pateanna, wuṛṛu taweddu manal᷊amatta.

DARALO 7:2

Oh Mawu Ruata'u, i ya'u massirungnga ringan-Nu; sal᷊amatewe wuṛṛu liuaawe i ya'u wuassu anambon taumata apan mangngenggenna si ya'u.

YEHEZKIEL 34:21

I yamiu mangke mannenggeka see mannandu'a domba apan marada'a na'oman sara i mangitou naṛṛa'e wuassu ammul᷊annu domba.

DANIEL 11:16

Ratun banua sawannakka udde sarun ma'ola'a walate apulun naungnge ringannu tawe naasomba tatompolla sarang kaddio'a. I tou lai sarun matana'a su leta'a apan maṛṛansangnga wuṛṛu anuanna abbi.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 5:19

I tou aroddi ahewalle, na'oman sara manga taumata wuassu al᷊awo'u walahanna, ṛuanganu walahanna, wuṛṛu wahasa, mangngiladda wuṛṛu matta'utti tou. Amungkangngu i tou mappulu manal᷊amatta sangkatou taumata, i tou mangke manal᷊amatta taumata udde. I tou mapatanggakka wuṛṛu mapaawawon sai-sai tumuṛṛuttu apulune.

DANIEL 5:30

Su rabbi udde lai nippatete Belsyazar ratun Babel udde.

DANIEL 7:5

Winatangnga aruane lihidde ere beruangnga. I tou uarisikka su ledda ne su liudde, wuṛṛu uaapiddu tallun paddi duṛṛin rusu'a suwallattu manga isine. I ya'u naaringikka tingikka nabbisara si tou, “Otte, inasse ṛemessa anambone suapawe ipaapulunu!”

DANIEL 8:7

I ya'u nanutukka i tou namangalo domba esakka udde. I tou aroddi aṛṛaginne na'oman sara nanumbu'a domba esakka udde, wuṛṛu namaddi tandungnge ruan bua. Domba esakka udde tawe naal᷊ore mando'appa. I tou natuntungnga su leta'a wuṛṛu manke lakkindanna, tawe saran sangkatou apan mantul᷊ungnge.

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

TAHIUL᷊E 33:17

I Yusuf uatahuanna atatohassu sambau bantenga, wuṛṛu tatandu'u sapin ahuranganna esakka eteudde su ṛiwune Manasye wuṛṛu su pul᷊o ṛiwune Efraim. Manga walahanna nihesangnge wuṛṛu nilimbuaṛṛanni mangitou naddatingngu manga pentakku runia.”