AYUB 4:6 - WUKE SUSI WATTI'U AL᷊AL᷊USASSA

⁶ Wal᷊inewe i'o satia su Ruata; wal᷊inewe wiakku tawe sangkulle? Amungkangngu aroddi, udde naṛṛinote i'o mangngimanna wuṛṛu tawe awul᷊iannu antimma.

AYUB 4:6 ပူးပေါင်းရင်းမြစ်များ

2 MARARATU 20:3

“Mawu, naungewe manungku i ya'u indi buatte tinumuṛṛutta Si'o ringannu maadunna wuṛṛu ringannu ahewallu lal᷊ummu naungku. I Ya'u sidutu maddea'a tadea'u maatuṛṛutta apulu-Nu.” Ana see i Hizkia nilumuai ringannu massusa.

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

AYUB 16:17

Arawe i ya'u tawe nilumawangnga; nasemakke aal᷊iomangku matul᷊idda su Mawu.

AYUB 17:15

Suapa pangangantimangku udde; isai apan naasilo lal᷊umanna'a si ya'u?

DARALO 26:1

Daralon Daud. Onggol᷊eten atatul᷊idda si ya'u, oh Mawu, ana waugu i ya'u mabbiakka ringannu naungnga matul᷊idda. I ya'u uaantimma Mawu, wuṛṛu tawe mapapadua sarangkadio'a.

DARALO 27:3

Salaiwe i ya'u tatalliwunannu tantara apan manambo, i ya'u tawe mata'utta. Salaiwe rumanta pangalo lumawanganga si ya'u, i ya'u sidutu uaantimma.

AMSAL 14:26

Taumata apan mangngimanna Mawu mabbal᷊i mal᷊angnganna, wuṛṛu amonanne uatahuanna mandariagane.

AMSAL 3:26

Mawu sarun mallu'adda si'o. I Tou tawe mamalanu mataṛṛo sulal᷊ummu sedda.

YESAYA 33:6

wuṛṛu mangonggollu atatammudda su uman-Ne. Darotongnga apan naapanal᷊amatta si mangitou uddewe apapande wuṛṛu asingkatta see lai addatta su Mawu.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.