AYUB 21:20 - WUKE SUSI WATTI'U AL᷊AL᷊USASSA

²⁰ Wala'ewe taumata marosa mamasanna rosane sassane, wala'ewe i tou maapendamma asasa'un Duata Apan Atanggaṛṛanne.

AYUB 21:20 ပူးပေါင်းရင်းမြစ်များ

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

YESAYA 51:17

Pabbangunte, ei Yerusalem, pabbangunte! Ṛuumanna apan niema'u Mawu ana waugu asasa'u-Ne buatte niamannu na'oman sara nasue.

DARALO 75:8

Arawe ete Ruata sassane apan makkuungnga, i Tou mapawawon sangkatou wuṛṛu mapatanggaku waine.

SONDAPPA 19:15

Wuassu moṛṛo-Nge sinumabanga sammata hal᷊ele apan maṛṛoro wuṛṛu ringannu hal᷊ele udde i Tou sarun mapaarugi manga walahanna, wuṛṛu i Tou sarun mamarenta si mangitou ringannu tatumma'ina atta'a. I Tou sarun mamakkan anggore sulal᷊ummu pamamakkannu anggoru asasa'un Ruata Apan Lembon Taṛṛino.

LUKAS 16:23

Su runian taumata nate i tou uatataṛṛangnga. Wuṛṛu napawe i tou naningngara wua poiaroddi, i tou naasilo si Abraham su tampa apan marau wuṛṛu i Lazarus su sandiṛṛanni Abraham.

YEREMIA 51:7

Babel dorone ere halasi wul᷊awanna apan Ta'u aagassanna wuṛṛu na'ola'a ahewallu runia wu'anna. Manga walahanna ma'inumma anggore wuassu halasi udde, na'oman sara i mangitou nabbewa.

DARALO 60:3

I'o nanol᷊a'i yami, oh Ruata, wuṛṛu namalan kami niawaddo.

AYUB 27:19

I tou lullallowangnga naal᷊ihidda taumata ala, arawe i tou tawe mapamelengnga apia, sutempo i tou matimpu'o wuassu matiilla, nawul᷊i nahangginna paa'alane.

REENGANNA 14:28

Iraddua ṛinone sumimbakka si mangitou arendi: Mawu nabbisara, ‘I Ya'u massalu sulal᷊ummu arang-Ku apan wiakka manungku i yamiu sarun Ta'u olaanna ere lai buatte niwisaran kamiu su saṛuang-Ku. I Ya'u, Mawu, buatte nabbisara.

AYUB 6:4

Anaanna wuassu Apan Lembontaṛṛino nallappassa su wadangku; pasangkadde niumalinna su ahewallu wadangku wuṛṛu ṛimuu'u. Al᷊aṛṛaubbu Ruata mangke maata'utta, wuṛṛu mammangalo si ya'u naal᷊ihidda ammul᷊annu seetta.

AYUB 21:21

Amungkangngu taumata nia'omante auuṛṛanne su runia, ta'e mannaungnga i tou tanne amonanne su lal᷊ummanna'a?

AYUB 21:30

I mangitou mabbisara, “Su allo Ruata mangonggollu ṛuumanna, manga mandal᷊al᷊eo sarun iapasal᷊amatta.”

YEREMIA 31:30

ewe'e isai umanna wua apan mapakkadda, ete i tou sassane apan maapendamma mangirassa su isine. Suapan taumata sarun nate ana waugu rosane sassane.”

YEHEZKIEL 18:4

Niawa suapan taumata uddewe tatahuanang-Ku, mawae ete niawan taumata timmadde aroddi lai niawan anange. Taumata apan marosa, ete i tou apan sarun nate.

DARALO 75:9

Asasa'un Mawu naal᷊ihidda cawanna su lima-Ne, cawanna udde lal᷊oṛṛoannu anggore maattikka. Ruata nallal᷊innu lal᷊oṛṛone, anambon taumata lal᷊eo su runia ṛinone ma'inumma sara masue.