AMSAL 5:2 - WUKE SUSI WATTI'U AL᷊AL᷊USASSA

² tadea'u i'o masingkatta ereapa ṛinone mangapiddu watangannu wuṛṛu mabbisara ere taumata apan pia asingkatta.

AMSAL 5:2 ပူးပေါင်းရင်းမြစ်များ

AMSAL 16:23

Ṛingirannu taumata mapia maaola'a manga wisarane pande, wuṛṛu al᷊aṛṛangnge lembon apangimananna.

AMSAL 15:7

Manga wisaran taumata pande napenen asingkatta, arawe ṛingirannu taumata woddo tawe aroddi.

ANTARI MAWANTUGA 4:11

Mapia manga wisaranu, pare'u, naal᷊ihidda pul᷊a tutune wuṛṛu susu. Laungngu awangngine ere Wowon Libanon.

AMSAL 15:2

Manga wisaran taumata pande maaola'a asingkatta maawol᷊engnga naungnga; manga wisaran taumata woddo lal᷊oṛṛone tumba'u awawoddo.

AMSAL 10:21

Wisaran taumata apan mapia, maola'a al᷊amatta su anambon taumata; awawoddon taumata woddo mammate watanganne sassane.

DARALO 119:13

Ringannu ma'ikkata i ya'u u'al᷊iata anambon tita apan nionggolu Mawu.

DARALO 71:15

Su al᷊o'engngu allo i ya'u mabbatti'u manga inolaan-Nu apan matul᷊idda, wuṛṛu asasal᷊amatta wuas-Si'o apan tawe iareengnga.

DARALO 45:2

Manga wisara maṛṛamaga sinumabbanga wuassu naungku, antari'u nionggola sasamba su ratu. Naal᷊ihidda penan sangkatou panden bisara, lila'u nasaddiate maapasabbangu sasanato'a.

AMSAL 20:15

Manga wisara apan lal᷊oṛṛoannu asingkatta, maareganna wuassu wul᷊awanna ara'e berlianna.

AMSAL 3:21

Ana waugu udde, paaṛṛamiate su asingkatta wuṛṛu su paṛṛaringidda apan mapia, ana'u! Arie saran paassa udde ipallossa,