AMOS 8:14 - WUKE SUSI WATTI'U AL᷊AL᷊USASSA

¹⁴ Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

AMOS 8:14 ပူးပေါင်းရင်းမြစ်များ

1 MARARATU 12:32

Wua'udde i Yerobeam nangaddo manga imam udde su Betel tadea'u mammanara poiaroddi wuṛṛu i tou sassane nangonggollu sasamba su manga sapi wul᷊awanne apan niolangnge udde. Ana see i tou nanantunna allo mapul᷊o l᷊ima wul᷊anna aual᷊une maola'a allo wahewan Israel, ere lai allo wahewa su Yehuda. Su allo udde i Yerobeam inaite watukku Betel wuṛṛu nangonggollu sasamba ipallaghu allo wahewa apan buatte tinantunne udde.

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

1 MARARATU 16:24

Arawe wua'udde i tou namalli sambau wowone areggane 6.000 roitta sal᷊a'a wuassu sangkatou aranne i Semer. Ana see i tou napararisikku sambau soa su wowone udde wuṛṛu nisaggone Samaria, tumuṛṛuttu aranni Semer, tatahuannu wowone udde dorone.

2 MARARATU 10:29

Ana waugu udde, Mawu nabbisara arendi si Yehu, “Al᷊awo'u parenta-U si'o apan nipa'ola'a su papapulunni Ahab buatte niolangngu. Ana waugu udde i Ya'u maddiandi manungku papapulunnu ma'oman sara aiappatu ṛawanne sarun maola'a ratu su Israel.” Arawe i Yehu tawe ringannu ahewallu naungnge tuttuṛṛuta Titan Mawu, Ruatan Israel. I tou nangaṛṛussa inolaanni Yerobeam apan naarosa taumatan Israel ringannu massubba sapi wul᷊awanna apan niola'a su Betel wuṛṛu su Dan.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

DARALO 140:10

Arie pabbala'a see'u maauntunga; wala'e manga wisara lal᷊eo apan iwisaran mangitou maṛṛia'a su watanganni mangitou apan mallobbossa si ya'u.

DARALO 36:12

Arie pabbala'a i ya'u pangaloannu taumata mawunga, ara'e limbuaṛṛannu taumata lal᷊eo.

AMSAL 24:16

Ana waugu, salaiwe taumata matul᷊idda masokka manawo, i tou sidutu sarun rumarisikka apia. Arawe mawal᷊i'a, taumata lal᷊eo sarun maṛṛimunsa'u asasilaka.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YESAYA 24:20

Al᷊imatan dunia lullengge naal᷊ihidda taumata wu'anna, wuṛṛu niumio'a naal᷊ihidda sambengessa nitiuppu anginna al᷊isusu. Runia naṛṛa'a ana waugu mawakkatta rosane. I tou naṛṛimunsa'a wuṛṛu tate maapabbuatta apia.

YESAYA 43:17

I tou nandolokku tantara wuṛṛu manga piaṛṛangnge mapapangalo, wuṛṛu i mangitou inaite ringannu keretan awal᷊o. Arawe i mangitou nanawo, tate maararisikka apia, i mangitou nate naal᷊ihidda nanal᷊in sol᷊o apan nappaddumma.

YEREMIA 25:27

Wua'udde Mawu nabbisara si ya'u, “Wal᷊oa'e su manga taumata udde manungku i Ya'u, Mawu Apan Lembontaṛṛino, Ruatan israel, nandolokki mangitou ma'inumma ma'oman sara iwu'anne wuṛṛu mammuta. I mangitou Ta'u olanna mal᷊iundu'a wuṛṛu tate maapabbangunna apia ana waugu pangalo apan Ta'u niaparanta si mangitou.

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

HOSEA 10:5

Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

AMOS 5:1

Paddaringikke ei umattu Israel! I Ya'u mangantararite si yamiu sambau aantarin lullal᷊o:

AMOS 5:2

Nanawote Israel apan ta'e parawanna, i tou sarun tate maarisikka apia! Su wowon letangnge sassane i tou niwala taweddu massumbala si tou dumarisikka.

AMOS 5:5

Imbaṛṛangnga inai watukku Bersyeba mattaṛṛamawu. Arie maddea'a si Ya'u su Betel, ana waugu Betel sarun mawuli. Arie lai inai watukku Gilgal, ana waugu taumana'u soa udde sarun ṛuwoanna watukku pamamuanganna.”

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

WATTI'U MANGA RASUL 18:25

see suete lai niaṛṛaanna manaṛṛassida al᷊aṛṛa'u Mawu Yesus. Ne ringannu apulu apan wahewalla i tou mangngaṛṛa'a ringannu ma'uddupa su ola'u Mawu Yesus, salaiwe wakkute sasaṛṛanin Yohanes niasingkatanne.

WATTI'U MANGA RASUL 19:23

Iraṛṛangngo ete su tempo udde lai nariaddi patatatiakka apan wahewa su Efesus ana waugu su ola'u al᷊aṛṛa'u Mawu Yesus.

WATTI'U MANGA RASUL 19:9

Arawe su wallattu manga taumata udde pia sire pira apan puane maattika wuṛṛu maddiri mangngimanna. Su saruannu awada'alla apan uasemodda isudde i mangitou mapaasal᷊an al᷊aṛṛa'a su ola'u Ruata manal᷊amatta taumata sulal᷊ummu Mawu Yesus. Ana waugu udde i Paulus nanantangngi mangitou, see inaite ringannu manga mallal᷊aṛṛenggennu Mawu Yesus su tampam pananantiroannu Tiranus. Isudde miallo-miallo i tou uaaiwal᷊o manga taumata.

WATTI'U MANGA RASUL 24:14

Atonna ṛinone i ya'u manga'u si Tuangnga manungku i ya'u massubba Ruatan iupungngu al᷊amonang kami tumuṛṛuttu al᷊aṛṛa'u Mawu Yesus apan sassunnanni mangitou nassal᷊a. Arawe i ya'u ta'e mangngimanna sarangkanambone apan uawoṛṛetta sulal᷊ummu Wuke Musa wuṛṛu Wuke Manga Nabi.

WATTI'U MANGA RASUL 9:2

wuṛṛu madorongnga surattu parenta inai su manga piaṛṛa'u wal᷊en pattataṛṛamawuannu taumatan Yahudi su Damsyik, tadea'u amungkangngu i tou maaratingnga poiaroddi manga taumatan apan mangngimanna Mawu Yesus, i tou wotongnge manametta wuṛṛu mangapiddi mangitou su Yerusalem.

TAHIUL᷊E 33:11

Mawu, ontol᷊ewe ṛuanganna indi tadea'u matohassa, antimanna I'o mal᷊uassa ringannu manaran mangitou. Patete anambon seetti mangitou ma'oman sara tate maararisikka apia.”

TAHIUL᷊E 9:21

Paal᷊uanna sapi logamma niolangngu, ta'u iwareta sulal᷊ummu putungnga. Ana see ta'u ṛimunsa'a wuṛṛu niwalu ma'oman sara al᷊ussa naal᷊ihidda awu, wuṛṛu awu udde ta'u niwareta sulal᷊ummu ana'u sal᷊ukka apan mangngelekka wuassu wowone udde.