AMOS 6:11 - WUKE SUSI WATTI'U AL᷊AL᷊USASSA

¹¹ Napawe Mawu mangonggollu parenta, manga wal᷊en wahewalla wuṛṛu maraddio'a sarun hoaṛṛanna.

AMOS 6:11 ပူးပေါင်းရင်းမြစ်များ

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

DARALO 105:16

Mawu nandantan ṛutumma su wanua udde, wuṛṛu nanganu wiakke apan buatte nisaddia.

DARALO 105:31

Wuassu parentan Duata nirumantate manga lango, wuṛṛu manga namu'a namenete ahewallu wanua.

DARALO 105:34

Wuassu parenta-Ne, nirumantate taṛṛangassa, reenganne tumaniten manambo, tawe iareengnga.

MANNANASE 10:18

Atuppu wal᷊en sarun mal᷊assutta amungkangngu tawe apianna, wuṛṛu panginsueanne wal᷊en udde maṛṛenessa sombangngu amamalassa.

YESAYA 13:3

Mawu buatte namaggo manga atumannaṛṛanne apan nipile-Ne. I mangitou matohassa, mangngimanna watanganne wuṛṛu wotongnge pangantiman-Ne. Mawu nandolokki mangitou makkuumannu manga taumata apan niaṛṛinoannu asasa'u-Ne.

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

AMOS 3:15

Manga wal᷊en hunan tempon masunge wuṛṛu manga wal᷊en pangillol᷊oanna sutempon paddissa sarun Ta'u hoaṛṛanna. Manga wal᷊en apan nilogaṛṛannu gadinga sarun maṛṛa'a; anambon wal᷊en apan wahahewalla sarun maṛṛimunsa'a.

AMOS 5:11

I yamiu mangngallanga taumata asiangnga wuṛṛu gandumme niaṛṛon kamiu. Ana waugu udde i yamiu sarun tawe maatana'a sulal᷊ummu manga wal᷊enu apan mapia, apan buatte niapararisikki yamiu udde. I yamiu sarun tawe ma'inumma anggore wuassu manga wawail᷊annu anggore apan nisuanni yamiu.

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.

AMOS 9:9

I Ya'u sarun mangonggollu parenta wuṛṛu mattappa walahannu Israel ere taumata mattappa gandumma sulal᷊ummu niṛṛu. Su ipanahangginna sarangkanambone apan tawe gunane suwallatti yamiu, i Ya'u sarun malluakki mangitou suwallattu manga walahanna.

NAHUM 1:14

Eteindi inappuannu Mawu su ola'u walahannu Asyur, “I mangitou tate maasomba pallaṛṛite ipanassu walahanne. Manga paal᷊uanna sassubbanna apan sulal᷊ummu manga kuillu monganne, sarun Ta'u ṛimunsaanna. Pallabbingannu walahannu Asyur tantal᷊anna Ta'u sassaddianna, ana waugu i mangitou tawe ṛinone wiakka!”

ZAKARIA 14:2

Mawu sarun mangammullu anambon balahanna iapapangalo Yerusalem. Soa udde sarun iaanu, manga wal᷊ene nipangngaṛṛoanna, wuṛṛu manga wawine nilal᷊eo. Sambageanganna wuassu tumanangnge sarun ṛuwoana watukku pamamuanganna, arawe lambene sarun matana,a su soa udde.

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”

LUKAS 19:44

I mangitou sarun maṛṛimunsa'a si'o wuṛṛu anambon tumanangngu; wuṛṛu tawedu saran sambau itantangngi mangitou watu uaatokka su tampane, ana waugu i'o tawe manutukka tempone Ruata rumanta manal᷊amatta si'o!”