2 TIMOTIUS 4:5 - WUKE SUSI WATTI'U AL᷊AL᷊USASSA

⁵ Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

2 TIMOTIUS 4:5 ပူးပေါင်းရင်းမြစ်များ

YESAYA 62:6

Su darandungngu Yerusalem i ya'u nangaddo mandariagga; allo ṛabbi i mangitou tawe wotongnge mangillol᷊o, arawe ṛinone uata'a mannaungnga Ruata su pa'aire apan buatte niolang-Nge.

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

YEHEZKIEL 3:17

“Ei taumata apan mattate, i'o Ta'u nitenega maola'a mallal᷊u'addu walahannu Israel. Wal᷊oa'a si mangitou pananaungnga apan Ta'u nionggolla indi.

YEHEZKIEL 33:2

“Ei taumata apan mattate, wal᷊oa'e su walahannu manungku napawe i Ya'u mandantan pangalo su sambau wanua, eteindi apan sarun mariaddi. Tumana'u wanua udde sarun mamile suwallatti mangitou sangkatou mandariaga.

YEHEZKIEL 33:7

Ei taumata apan mattate, i'o Ta'u pileanna maola'a mandariaga walahannu Israel. Wal᷊oa'a si mangitou tatagu indi:

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.

MARKUS 13:34

Olangnge isumandingnga ere sangkatou apan nanantangngu wal᷊ene see inai su tampa marau. I Tou nandolokku manga ralol᷊oṛṛanne mandiaga wal᷊ene, wuṛṛu nangagillu manara si mangitou sangkatou-sangkatou. Su mandariaga ngara, i tou nananata tadea'u mandiaga mapia-pia.

MARKUS 13:37

Apa iwabbisara-U indi si yamiu, iwabbisara-U lai su manga taumata: paariagate!”

LUKAS 12:37

Tumanite naauntunga manga mangangimbe apan aratinganna tantal᷊anna uaraṛṛaddo tempone mawune rumanta. Pangimante: mawune udde uasaddiate wuṛṛu mandolokku mangangimbene udde uma'ianna, see i tou nangimbete si mangitou.

WATTI'U MANGA RASUL 21:8

Tiṛṛabbine i yami nassenggotte apia, see na'omate su Kaisarea. Isudde i yami inaite ringannu mabawatti'u ṛengetannu Mawu, aranne i Filipus, see natana'e su wal᷊ene. I tou sangkatou wuassu wallattu sire pitu apan napile su Yerusalem.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

EFESUS 4:12

Indi niolang-Nge tadea'u al᷊aṛṛana'u Ruata masuungnga wuṛṛu wotongnge mangimbe Mawu wuṛṛu mapararisikku wadangngi Kristus.

KOLOSE 1:25

Ruata nandolo'u maola'a mangangimbe jamaan-Ne hunan kamiu. I ya'u ṛinone mapaasingkatu watti'a wuassu Ruata, sarangkanambone;

KOLOSE 4:17

Wuṛṛu wal᷊oa'a si Arkhipus, “Insuete manara apan nionggolla si'o ipangngimbe Mawu.”

1 TESALONIKA 5:6

Ana waugu udde imbaṛṛangnga i ite tumba'u mattiilla ere taumata waine. I ite ṛinone uariagga wuṛṛu ṛingiṛṛanni ite ṛinone masemakka.

1 TIMOTIUS 4:12

Arie mamalan sangkatou taumata ma'ellega si'o addio'a ana waugu i'o ta'e umbasanna. Arawe ṛinone i'o maola'a tul᷊adda su manga taumata apan mangngimanna hattonu wuṛṛu pallal᷊agunu, su ola'u darangngunu su sansul᷊ungu wuṛṛu mangngimanna Mawu Yesus Kristus, ringannu naungnga apan waresi.

1 TIMOTIUS 4:15

Pammanarate sarangkanambone udde ringannu atonna-tonna, tadea'u manaranu asiloannu awadaalla.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

2 TIMOTIUS 2:3

I'o ṛinone sarun matataṛṛangnga lai ere tantaran Kristus Yesus apan matuṛṛutta.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

SONDAPPA 3:2

Ana waugu udde apu'ote, wuṛṛu panohasse apa apan ta'e pia si yamiu tantal᷊anna udde taambe nate abbi. Ana waugu i Ya'u naaratingnga manungku inolaanni yamiu, taambe saran sambau apan nasuungnga su saruannu Ruata.