2 TIMOTIUS 4:2 - WUKE SUSI WATTI'U AL᷊AL᷊USASSA

² Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

2 TIMOTIUS 4:2 ပူးပေါင်းရင်းမြစ်များ

DARALO 40:9

I ya'u mal᷊uassa tuttuṛṛuta apulu-Nu, oh Ruata, tita-Nu ta'u sinahipunna sulal᷊ummu naungnga.”

YUNUS 3:2

Wisara-Ne, “Roote watukku Niniwe, soa wahewalla udde, wuṛṛu wal᷊oa'e su tumanangnge, tanata apan Ta'u nionggolla si'o.”

LUKAS 7:23

Lal᷊umanna'a su taumata apan tawe pinangiananne ipanol᷊a-U.”

LUKAS 7:4

Napawe na'omate ringannu Mawu Yesus, i mangitou mangke sussal᷊ande tadea'u i Tou mantul᷊ungngu tembonanne udde. “Tembonanne udde ṛinone itul᷊ungngi Iamangnga,” unni mangitou su Mawu Yesus,

LUKAS 9:60

Mawu Yesus sinumimbakka, “Wala'e taumata nate mallabingngu taumatane nate sassane. Arawe i'o roote wuṛṛu wal᷊oa'e watti'a manungku Ruata mannattakke mammarenta.”

WATTI'U MANGA RASUL 13:5

Napawe na'omate su Salamis i mangitou nabbati'u wisara Mawu su manga wal᷊em pattataṛṛamawuannu Yahudi. I Yohanes Markus nallal᷊ima su amatanni mangitou.

WATTI'U MANGA RASUL 16:13

Su allon Sabatta i yami inai su winggin sal᷊ukka su liuddu ngara pasalangannu soa, ana waugu i yami mammendamma isudde pia tampa pangngal᷊iomanannu taumatan Yahudi. See yami inuma'iante wuṛṛu nagahatote manga wawine apan uaammulla su tampa udde.

WATTI'U MANGA RASUL 20:7

Ṛabbing kallo misa i yami na'ammulla umanna suadio'a naola'a ere sangkatuṛṛanganna. I Paulus uahahatto manga taumata, ana tiṛṛabbine i tou maṛṛingidda inaite umamatta. Na'oman sara alloarane i Paulus uahahatto.

WATTI'U MANGA RASUL 28:16

Napawe na'omate su Roma, i Paulus niwala matana'a sassane wuṛṛu rariagannu sangkatou tantara.

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

GALATIA 6:6

Taumata apan mannengkama al᷊aṛṛa'i Kristus, ṛinone mattahia ringannu hurune anambon apa apan mapia apan tatahuannanni tou.

KOLOSE 1:25

Ruata nandolo'u maola'a mangangimbe jamaan-Ne hunan kamiu. I ya'u ṛinone mapaasingkatu watti'a wuassu Ruata, sarangkanambone;

KOLOSE 4:3

I yami lai aal᷊iomana'a tadea'u Ruata mangoggolu allo mapia si yami manal᷊iawukku watti'a su ola'a addapingingi Kristus. Ana waugu olangnge udde ne i ya'u orassa indi uatana'a sulal᷊ummu tuttupanna.

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.

1 TESALONIKA 5:14

I yami maddoronga lai, manga tuṛṛangnga, taggue ringannu paddarame taumata apan maddiri mammanara; tohassa naungngu taumata apan matta'utta; tul᷊unga'a taumata apan wotongnge iatul᷊unga, wuṛṛu paasabare su saruannu awadaalla.

1 TESALONIKA 5:20

Arie mangaddio'a manga watti'a apan nionggolu Ghaṛṛahon Duata.

1 TIMOTIUS 4:13

Tantal᷊anna udde, ma'oman sara i ya'u rumanta, i'o ṛinone paaṛṛimadda mabbasan Wuke Susi su saruannu manga taumata, wuṛṛu mannasa si mangitou wuṛṛu mangngaṛṛa'a si mangitou.

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

2 TIMOTIUS 3:10

Arawe i'o suete tinumuṛṛuta manga al᷊aṛṛa'u, pallal᷊agu'u, wuṛṛu tuddan pabbiaṛṛangku. I'o suete naasilo sassane ereapa i ya'u atonna-tonna mangngimanna si Yesus Kristus wuṛṛu marangngu su sansul᷊ungngu taumata. I'o lai masingkatu asasabare'u wuṛṛu atatammu'u.

TITUS 1:13

Apa apan suete niwisara nabi udde mangke atonna. Ana waugu udde ṛinone i'o managu si mangitou ringannu maṛṛagissa; tadea'u i mangitou siddutu uaagassa al᷊aṛṛa'a su ṛinone,

TITUS 2:15

Tantiroa'e sarangkanambone udde, wuṛṛu aṛṛa'ete see tagguete manga maddararingikka si'o ringannu saṛṛaungnga. Arie mapaawalan saran sangkatou mangaddio'a si'o.

IBRANI 13:22

I ya'u sumal᷊ande tadea'u i yamiu tumuṛṛutta manga tatantiro'u indi ringannu masabare, ana waugu sura'u indi tawe tumaniten mal᷊o'e.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.