2 TIMOTIUS 4:18 - WUKE SUSI WATTI'U AL᷊AL᷊USASSA

¹⁸ Wuṛṛu i ya'u napallose wuassu papate. Atonna Ruata sarun mamallosa wuassu al᷊awo'u pandumma apan lal᷊eo su riri'u. I Tou sarun mangapi'u ringannu sal᷊amatta sulal᷊ummu araratuan-Ne su surga. Ṛinone i Tou wantuhanna saran mal᷊annu-l᷊annu! Amin.

2 TIMOTIUS 4:18 ပူးပေါင်းရင်းမြစ်များ

PANDARIADDI 48:16

ete i Tou mala'ekatta apan buatte namallo'u wuassu al᷊awo'u asasilaka. Antimanna Ruata udde mangal᷊amatta manga ana'a indi. Antimanna arangku wuṛṛu aranni Abraham wuṛṛu i Ishak sidutu wiakka ana waugu wuassu manga ana'a indi! Antimanna i mangi tou maṛṛana'a mappulunna, wuṛṛu pia papapulunna manambo su runia.”

1 TAWARIKH 4:10

Arawe i Yabes niumal᷊iomanna su Ruata apan sassubbannu taumatan Israel, wisarane, “Oh Ruata, al᷊amatewe i ya'u, wuṛṛu antimanna hewal᷊anna wageangngu leta'a paparentangku. Tannoiwe i ya'u wuṛṛu paaraua'a asasilaka tadea'u i ya'u tawe matataṛangnga.” Ne Ruata naddaringikka darorongnge.

DARALO 121:7

Mawu sarun mallu'adda si'o wuassu asasilaka, i Tou uariaga si'o tadea'u wiakku sal᷊amatta.

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

DARALO 73:24

I'o nangehetta si ya'u ringannu tatantiro, wuṛṛu I'o nanengkamma si ya'u ringannu addata.

DARALO 92:10

I yami masingkatta seen-Nu sarun pateanna, oh Mawu, anambon taumata lal᷊eo sarun isal᷊iawukka.

AMSAL 14:32

Taumata lal᷊eo nate ana waugu al᷊al᷊eo, taumata mapia nilu'arannu apapiane.

MATIUS 13:43

Wuṛṛu manga taumata apan ma'ola'a apulun Ruata sarun lumansiangnga ere matannallo sulal᷊ummu Runia Wakkun Ruata, Iamangngi mangitou. Nariaddi, amungkangngu pia tal᷊inga paddaringikka!”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

LUKAS 11:4

Ampungnge manga rosang kami, ana waugu i yami lai mangngampungnga taumata sangkatou-sangkatou apan nassal᷊a si yami. Wuṛṛu arie mamalang kami awul᷊iannu pangangimanna su tempo i yami uasaruanna wawal᷊intongnga.’ ”

LUKAS 12:32

“I yamiu apan tumba'u matul᷊ungnga anambone, arie paata'utta! Ana waugu Iamangngu mal᷊uassa mangagillu al᷊amatta si yamiu wuassu Araratuan-Ne.

LUKAS 22:29

Ere lai Iamangnga suete nangonggolu taṛṛino si Ya'u ipamarenta, aroddi lai Ya'u sarun mangonggolu taṛṛino udde si yamiu.

YOHANES 17:15

I Ya'u tawe madorongnga tadea'u Iamangnga mangal᷊appa si mangitou wuassu runia indi, arawe i Ya'u madorongnga tadea'u iamangnga mallu'adda si mangitou wuassi Ral᷊eo.

ROMA 11:36

Ruata apan nandiaddi sarangkanambone. Sarangkanambone udde wuassu Ruata wuṛṛu udde lai hunane su Ruata. Paddalote Ruata ma'oman sarangkal᷊o'engnge! Amin.

ROMA 16:27

Ete i Tou Ruata tinggassa, i Tou lembon apandeanne. Antimanna i Tou wantuhanna sarangkal᷊o'engnge sulal᷊ummu Mawu Yesus Kristus! Amin. Tabea wuassi yami, Paulus, allangngi Kristus Yesus

1 KORINTUS 1:21

Ana waugu salaiwe ereapa apanden taumata, i tou tawe maaillal᷊a Ruata wuassu apandene sassane. Arawe ana waugu Ruata lembon pande, i Tou wotongnge manal᷊amatta manga taumata apan mangngimanna si Tou wuassu Watti'a apan buatte niapaasingkati yami apan sassunannu runia indi awusu.

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

1 KORINTUS 15:50

Pandumangku, manga tuṛṛangnga, eteudde: wadangnga apan niola'a wuassu ṛaṛṛa wuṛṛu ṛemessa, tawe maasutta su Runia Wakkun Duata; wuṛṛu wadangnga apan wotongnge mate tawe mattatana'a sarangkal᷊o'engnge.

2 KORINTUS 1:10

Ete i Tou apan suete nanal᷊amatta si yami wuassu silaka wuṛṛu papate apan wahewa udde. Wuṛṛu ete i Tou sarun manal᷊amatta si yamiu su allo sal᷊immurine, ana waugu ete si Tou i yami mangngantimma.

GALATIA 1:5

Daralo su Ruata ma'oman sara mal᷊annu-l᷊annu! Amin.

1 TESALONIKA 5:23

Antimanna Ruata sassane mangonggolu paddarame si ite, ma'ola'a si yamiu taumata apan atonna-tonna mabbiakka hunan Duata sassane. Doronganna Ruata mallu'adda ahewallu wadangngu, mawae ghaṛṛaho, ṛimuudda, wuṛṛu lai wadangngu, ma'oman sara tawe sangkule su tempo Mawun kite Yesus Kristus rumanta apia.

2 TESALONIKA 3:3

Arawe Mawu matuṛṛuta. I Tou sarun manohassa si yamiu wuṛṛu mallu'adda si yamiu wua si Lal᷊eo.

1 TIMOTIUS 1:17

Ruata, Ratu su al᷊o'engngu tempo, ṛinone addatanna wuṛṛu siddutu raloanna, ana waugu ete i Tou punnu sal᷊amatta sarangkal᷊o'engnge, apan tawe iasilo wuṛṛu tinggassa! Amin.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

IBRANI 11:16

Arawe nasemakke, manungku i mangitou maapulun sambau soa lembon mapia, eteudde Soa su surga. Ana waugu udde Ruata tawe masili amungkangu i mangitou managone Ruata mangitou, ana waugu Ruata suete nanaddia sambau soa si mangitou.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 PETRUS 5:11

Ete i Tou apan uataṛṛino sara mal᷊annu-l᷊annu. Amin.

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

1 SAMUEL 25:39

Sutempo i Daud naaringikka manungku i Nabal natete, i tou nabbisarate, “Dalo su Mawu! I Tou buatte nabbal᷊issa aal᷊uandaga apan buatte niola'i Nabal si ya'u, wuṛṛu buatte namo'a allangngu indi ma'ola'a al᷊al᷊eo. Mawu buatte nakkuumanni Nabal ana waugu al᷊al᷊eone.” Wua'udde i Daud nandolokku daroloṛṛanna iapa'onokka si Abigail maola'a awingnge.