2 TIMOTIUS 3:16 - WUKE SUSI WATTI'U AL᷊AL᷊USASSA

¹⁶ Sarangkanambone apan uawoṛṛetta sulal᷊ummu Wuke Susi, tinantiron Duata wuṛṛu pia gunane ipangaṛṛa'a al᷊aṛṛa'a su ṛinone, ipanaggu, wuṛṛu ipangapia apan nassal᷊a, wuṛṛu ipangaṛṛa'a taumata tadea'u mabbiakka tumuṛṛuttu apulun Duata.

2 TIMOTIUS 3:16 ပူးပေါင်းရင်းမြစ်များ

2 SAMUEL 23:2

Ghaṛṛahon Mawu buatte nabbisara si ya'u; tanata wuṛṛu ṛengetan-Ne indi su wiwi'u.

NEHEMIA 9:20

Ringannu taṛṛino-Nu apan mapia I'o mangngaṛṛa'a si mangitou. I mangitou u'anna manna wuṛṛu ma'inumma ua'e apan natimu.

DARALO 119:11

Al᷊aṛṛanang-Ngu ta'u sahipunanna sulal᷊ummu naungku, tadea'u i ya'u tawe marosa su saruan-Nu.

DARALO 119:130

Napawe ital᷊a'a, al᷊aṛṛang-Ngu mangngonggolu asasemakka, mangonggolu pasasunna su taumata wiasa.

DARALO 119:9

Taumata umbasanna maal᷊u'adda wiakke tawe sangkulle amungkangu i tou mabbiakka tuttuṛṛutta parenta-Nu.

AMSAL 15:10

Taumata apan ma'ola'a al᷊al᷊eo sarun sansaranna, taumata apan maddiri tagguanna sarun mate.

AMSAL 15:31

Taumata apan maddaringikka tatagu nareengnga taumata pande.

AMSAL 6:23

Manga tatantiron hagurangngu naal᷊ihidda sol᷊o apan masemakka; tataghun mangitou mannantiro si'o su lal᷊annu pabbiaṛṛanna apan mapia.

MIKHA 2:7

Imbaṛṛangnga massunna umattu Israel buatte niwontohannu Mawu! Mawu sarun tawe ma'ola'a olangnge aroddi. I Tou saran paassa tawe mawul᷊i asasabbare-Ne. Wal᷊inewe i Tou uahahatto ringannu masaṛṛionto'a su manga taumata apan ma'ola'a apapia?”

ZEFANYA 3:2

Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

MATIUS 21:42

Ne Mawu Yesus nabbisarate si mangitou, “I yamiu taambe naawasa apa apan uawoṛṛetta sulal᷊ummu Wuke Susi? ‘Watu apan tawe ipaattu maaola'a wal᷊e naola'e watu apan paarorone. Ete indi inolaannu Mawu; tumanite maṛṛamaga atonna!’ ”

MATIUS 22:43

“Amungkangngu aroddi,” aiwal᷊o Mawu Yesus, “anio Ghaṛṛahon Ruata nangaṛṛa'a si Daud managgon Ratum Punnu Sal᷊amatta ‘Mawu’? Ana waugu i Daud nabbisara,

MATIUS 26:54

Arawe amungkangngu aroddi, ereapa wotongnge mariaddi maola'a ere suete niapaasingkatta sulal᷊ummu Wuke Susi manungku ṛinone sarun mariaddi ere su orassa indi?”

MATIUS 26:56

Arawe atonna naṛṛinote aroddi tadea'u matipusse apa apan niwoṛṛettu manga nabi sulal᷊ummu Wuke Susi.” Wua'udde, manga mallal᷊aṛṛenggen-Ne tinumal᷊angke nanantangngu Mawu Yesus.

MARKUS 12:24

Mawu Yesus sinumimbakka, “I yamiu niumal᷊iwu atonna. Ana waugu yamiu tawe maasunna Wuke Susi wuṛṛu lai taṛṛinon Duata.

MARKUS 12:36

Wutte'e Daud sassane – ana waugu nirantannu Ghaṛṛaho Ruata – nabbisara, ‘Mawu nabbisara su Mawu-U: a'iante su samba'an uanang-Ku ma'oman sara i Ya'u ma'ola'a manga seennu massuṛṛubawa si'o.’

YOHANES 10:35

I ite masingkatta manungku apa apan uawoṛṛetta sulal᷊ummu Wuke Susi ipappaatta sarangkal᷊o'engnge. Nariaddi, amungkangngu Ruata mangonggolu aranna ‘mawu’ su manga taumata apan madaringikka wisara-Ne,

YOHANES 3:20

Suapan taumata apan ma'ola'a al᷊al᷊eo, maddirin asasemakka; tadea'u pallal᷊agune apan dal᷊eo tawe asiloanna.

WATTI'U MANGA RASUL 1:16

“Manga tuṛṛangnga! Apa apan uawoṛṛetta sulal᷊ummu Wuke Susi, udde sarun matipussa. Paarorone wuassi Daud, Ghaṛṛahon Ruata suete namasingkatta su ola'i Yudas, piaṛṛa'u manga taumata apan nanametta Mawu Yesus udde.

WATTI'U MANGA RASUL 18:25

see suete lai niaṛṛaanna manaṛṛassida al᷊aṛṛa'u Mawu Yesus. Ne ringannu apulu apan wahewalla i tou mangngaṛṛa'a ringannu ma'uddupa su ola'u Mawu Yesus, salaiwe wakkute sasaṛṛanin Yohanes niasingkatanne.

WATTI'U MANGA RASUL 20:20

Tuṛṛangnga masingkatta manungku i ya'u tawe illol᷊one mammasingkatta si yamiu apa apan mahuna si yamiu. I ya'u mangngaṛṛa'a si yamiu su tampa pasasombannu awadaalla wuṛṛu su manga wal᷊e.

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

WATTI'U MANGA RASUL 28:25

Ringannu ṛingidda uata'ae i mangitou nanantangngu tampa udde, napawe i Paulus nabbisara arendi si mangitou, “Mangke atonna papasingkattu Ghaṛṛahon Ruata si Nabi Yesaya su iupungngu al᷊amonan kamiu!

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

ROMA 2:20

tuṛṛangnga mangngaṛṛa'a taumata apan tawe addane, wuṛṛu mannantiro manga taumata woddo. I yamiu mangngantimma manungku sulal᷊ummu titan agama Yahudi tuṛṛangnga maasomba al᷊awo'u asingkata wuṛṛu al᷊aṛṛa'a apan atonna.

ROMA 3:2

Natantunna manambo auntunganne! Paarorone, ana waugu ete su taumatan Yahudi Ruata nanantillu manga wisaran Duata.

ROMA 4:23

Wisara “tinarimmatta maola'a sangkatou taumata apan maal᷊uassa naungngu Ruata” uawoṛṛetta wal᷊ine tumba'u si Abraham sassane,

1 KORINTUS 12:7

Su apapian kite sarangkanambone, Ghaṛṛahon Duata mammanara su taumata sambau-sambau.

GALATIA 3:8

Wuke Susi buatte na'ellega paarorone manungku Ruata namalanmanga taumata wal᷊ine Yahudi masasangkapia apia ringannu Ruata, amungkangngu i mangitou mangngimanna si Tou. Watti'u Al᷊al᷊uassa udde niapaasingkata paarorone si Abraham sulal᷊ummu paaire indi, “Wuassi'o, Ruata sarun mangal᷊amatta al᷊awo'u walahannu taumata su wowon runia indi.”

TAHIUL᷊E 29:29

Pia manga pira hatto apan iaadappingngu Mawu Ruatan kite; arawe tita-Ne buatte niapal᷊iatta'a si ite, wuṛṛu i ite see papapulunni ite ṛinone tumuṛṛutta saran mal᷊annu-l᷊annu.”

TAHIUL᷊E 4:36

Wuassu langitta i Tou napararingikku tingik-Ke si'o ipangaṛṛa'a si yamiu; su runia indi i Tou buatte namasilon putung-Nge apan bahewalla, wuṛṛu wuassu putungnga i Tou uahahatton kamiu.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

IBRANI 11:1

Pangangimanna eteudde mangngimanna atonna-tonna su manga apa apan a'antimanna, atappasanne pia pangangantima su apa apan tawe asiloanna.

IBRANI 3:7

Ana waugu udde, ere su wisaran Ghaṛṛahon Ruata, “Amungkangu su allo indi yamiu maaringikka tingikku Ruata,

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.