2 TIMOTIUS 2:7 - WUKE SUSI WATTI'U AL᷊AL᷊USASSA

⁷ Ṛingira'a wisara'u udde, ana waugu Mawu sarun mangonggolu ṛingidda si'o ipassunna sarangkanambone udde.

2 TIMOTIUS 2:7 ပူးပေါင်းရင်းမြစ်များ

1 TAWARIKH 22:12

Wuṛṛu antimanna Mawu Ruatanu mangonggolu asingkatta wuṛṛu pasasunna si'o ipamarenta Israel uasul᷊ungngu manga tita-Ne.

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

DARALO 119:125

I ya'u allang-Ngu, olaawe i ya'u maasunna, tadea'u i ya'u maasunna parenta-Nu.

DARALO 119:144

Parenta-Nu sidutu matul᷊idda; i ya'u onggol᷊eten pasasunna tadea'u i ya'u sidutu wiakka.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

DARALO 64:9

I mangitou nate ana waugu wisaran mangitou sassane; sarangkanambone apan naasilo mappapa'ilinga.

AMSAL 24:32

Napawe i ya'u nanutukka wuṛṛu naṛṛingiddu olangnge udde, i ya'u naasomba al᷊aṛṛa'a indi:

YESAYA 1:3

Sapi maaillal᷊a tatahuanne, keledai maaillal᷊a tampan aannananne apan buatte nisaddian mawune, arawe uma-U Israel tawe; i mangitou tawe maatutukka.”

YESAYA 28:26

I tou masingkatta ola'u manarane, ana waugu buatte niaṛṛaannu Ruatane.

YESAYA 5:12

Su manga andeangnga pia tingikku kecapi, gambus, rebana wuṛṛu wansi see lai anggore. Arawe i yamiu tawe mandeengngu manaran Mawu wuṛṛu apa apan a'olaan-Ne.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

LUKAS 9:44

“Paatutuṛṛe pa'apia-pia wuṛṛu arie paabul᷊iane manga wisara-U indi: Ana'u Taumata sarun itantilla su taṛṛinon taumata.”

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 16:13

Arawe amungkangngu Ghaṛṛaho udde rumanta, eteudde i Tou apan napaal᷊iatta'u atatul᷊iddu Ruata i yamiu sarun ehetan-Ne iapaaillal᷊a anambon apan taṛṛino. I Tou tawe mabbisara wuassu riri-Ne sassane arawe mamasingkattu apa apan suete niaringiṛṛanne, wuṛṛu i Tou namasingkatta si yamiu apa apan sarun mariaddi su allon sal᷊immurine.

WATTI'U MANGA RASUL 7:10

wuṛṛu napaal᷊iun tou wuassu al᷊awo'u asasusa. Ruata nangonggolu apapia wuṛṛu apande si tou su tempo i tou sinumaruanna si Firaun ratu Mesir, na'oman sara i Firaun nanenegi tou naola'a gubernure su wanua Mesir wuṛṛu tembonannu wal᷊en araratuannu Mesir.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

KOLOSE 1:9

Ana waugu udde i yami sidutu u'al᷊iomanni yamiu ro'en i yami naaringikka su ola'i yamiu. I yami naddorongnga su Ruata tadea'u Ghaṛṛahon Duata mangonggolu apande wuṛṛu asingkata si yamiu, na'oman sara i yamiu maasunna apa ipaapulun Duata.

1 TIMOTIUS 4:15

Pammanarate sarangkanambone udde ringannu atonna-tonna, tadea'u manaranu asiloannu awadaalla.

2 TIMOTIUS 2:6

Mabbawailla apan suete nammanara maṛṛimada, ete i tou apan paarorone maasomba hessin sinuananne.

2 TIMOTIUS 2:8

Naungete indi: Watti'u Al᷊al᷊uassa apan ta'u niapaasingkata udde, eteudde watti'a su ola'i Yesus Kristus, papapulunni Daud; ete i Tou Kristus apan nabbiakka apia wuassu papate.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

IBRANI 13:7

Imbaṛṛanga maabul᷊i manga piaṛṛangu apan namasingkatu tanatan Ruata si yamiu. Paaellehe ereapa i mangitou mabbiakka wuṛṛu ereapa i mangitou mate, wuṛṛu tannoite pangangimanni mangitou.

IBRANI 3:1

Manga tuṛṛangnga sansul᷊ungnga Saṛṛani apan suete niwagoannu Ruata lai! Annama'a ṛingiṛṛa'a paalal᷊umma su ola'u Mawu Yesus indi! Ruata nandolokki Tou sassane maola'a Imam Wahewa sulal᷊ummu agama apan pangngimananni ite.

IBRANI 7:4

Nariaddi, i ite isindi maasilo aroddi ahewalle Melkisedek indi; i tou aroddi ahewalle na'oman sara i Abraham, iamangngu al᷊amonang kite, nangonggola si tou sambau wuassu mapul᷊o al᷊awo'u ina'ul᷊e wuassu pangalo udde.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.

YAKOBUS 3:15

Apande ereudde tawe wuassu surga. I tou wuassu runia wuṛṛu wuassu apulu naungngu taumata, wuṛṛu wuassu setanna!

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.

1 YOHANES 5:20

I ite masingkatta manungku Ana'u Ruata suete nirumanta wuṛṛu suete nangonggolu pasasunna si ite, tadea'u i ite maaillal᷊a Ruata apan naṛṛino. I ite mabbiakka uaaukka ringannu Ruata apan naṛṛino wuṛṛu mabbiakka uaaukka ringannu Anang-Nge Yesus Kristus. Ete indi Ruata apan naṛṛino, wuṛṛu ete indi wiakka tutune wuṛṛu saran mal᷊annu-l᷊annu.