2 TIMOTIUS 2:5 - WUKE SUSI WATTI'U AL᷊AL᷊USASSA

⁵ Sangkatou mattandinganna tawe maauntunga sulal᷊ummu sambau tandinganna, amungkangu i tou tawe tumuṛṛutta manga atoranne.

2 TIMOTIUS 2:5 ပူးပေါင်းရင်းမြစ်များ

LUKAS 13:24

“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta.

FILIPI 1:15

Atonna pia sire pira wuassu wallatti mangitou apan mabbatti'i Kristus ana waugu naungnge lal᷊eo wuṛṛu maapulu mattatiakka, arawe waine mabbatti'i Kristus ana waugu pia pandumma apan mapia.

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

IBRANI 12:4

Ana waugu sulal᷊ummu manaranu lullawangnga rosa, i yamiu taambe saran paassa mammanara na'oman sara napaaturon ṛaṛṛa.

IBRANI 2:7

Su tempo apan mal᷊ihakka I'o mandiaddi si tou mabbawoanna adio'a wuassu mala'ekatta. I'o nangonggolu ai'ananna si tou apan mawantuga wuṛṛu lembon a'addatanna.

IBRANI 2:9

Arawe i ite suete naasilo Mawu Yesus uataṛṛino! I Tou niwawo adio'a wuassu mala'ekatta tumba'u tal᷊ang kadio'a, tadea'u su apapia naungngu Ruata i Tou wotonge mate ana waugu anambon taumata. I ite ma'ellega i Tou orassa indi nionggol᷊annu aiananna apan mawantuga wuṛṛu lembon aaddatanna, ana waugu i Tou suete natataṛṛanga na'oman sara nate.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

SONDAPPA 3:11

I Ya'u mal᷊ihakke rumanta! Paariagai paapia-pia apa apan tatahuananni yamiu, tadea'u tawe saran sangkatou mangaṛṛo lal᷊antaku auntungannu.

SONDAPPA 4:10

sire ruam pul᷊o appata piaṛṛange udde uaaruutta su saruannu taumata apan ua'ianna su adderan araratuanna udde, see massubba si Tou apan wiakka saran mal᷊annu-l᷊annu. Wua'udde i mangitou nanuntungngu manga araposan araratuanni mangitou su saruannu adderan araratuanna udde lapiddu nabbisara,

SONDAPPA 4:4

Sulal᷊ummu atokke mal᷊imbulunna apan uapal᷊iwutta adderan araratuanna udde, pia ruam pul᷊o appata adderan araratuanna waine. Isudde ua'ianna ruam pul᷊o appata piaṛṛange apan uapedettu mawira, wuṛṛu ual᷊uṛṛen araposa wul᷊awanna.