2 TIMOTIUS 2:2 - WUKE SUSI WATTI'U AL᷊AL᷊USASSA

² Al᷊aṛṛa'a paarorone suete niaringiṛṛanu wuassia'u su saruannu awadaalla, ṛinone itantillu su manga taumata apan wotongnge apangimananna wuṛṛu pande mangaṛṛa'a taumata waine.

2 TIMOTIUS 2:2 ပူးပေါင်းရင်းမြစ်များ

EZRA 7:10

I Ezra buatte nanginsue allone su ipanaṛṛassidda Titan Mawu, su mappaamatta see manatiro al᷊awo'u atokke wuṛṛu atoranne su walahannu Israel.

EZRA 7:25

Tuṛṛangnga Ezra, paata'e asingkatta apan buatte nionggollu Ruata su Tuṛṛangnga, wuṛṛu pamilete manga piaṛṛa'a wuṛṛu manga mallaṛṛuungnga tadea'u mamarenta anambon taumata su propinsi Efrat Waṛṛatta apan mabbiakka tumuṛṛuttu Titan Duatan Tuṛṛangnga. Ṛinone Tuṛṛangnga mangaṛṛa'u Tita udde su anambon taumata apan taambe naasingkatta.

NEHEMIA 7:2

Pamamarentan soa Yerusalem ta'u nitantilla su tuṛṛangku Hanani wuṛṛu si Hananya, tembonannu tanda batu, ana waugu i tou nangillembo wuassu taumata waine, matta'uttu Ruata wuṛṛu wotongnge pangimananna.

DARALO 101:6

Apulu'u taumata apan matuṛṛutta Mawu; i mangitou wotongnge matana'a su wal᷊e'u. Taumata mabbiakka apan tawe angngone wotongnge mangimbe si ya'u.

AMSAL 13:17

Daroloṛṛanna apan longonna mandantan asasilaka; daroloṛṛanna apan apangimananna mannal᷊amatta auntunganna.

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

IMAMATTA 14:42

Ana see manga watu apan niapasabbangnga udde ṛinone hantiannu manga watu wakku. Ahewallu darandungngu wal᷊en udde ṛinone pilesteranna wakku.

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

REENGANNA 12:7

Arawe tawe aroddi su allang-Ku i Musa. Ete i tou taumata apan atuṛṛutanne su wallatu al᷊aṛṛana-U.

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

MATIUS 24:25

Nariaddi, paanaunge! I Ya'u suete namasingkatta si yamiu paarorone tantal᷊anna olangnge udde taambe nariaddi.

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

2 KORINTUS 2:14

Arawe aadiangkamanna su Ruata! I Tou sidutu mangngehetta si yami tumantalongnga su amatanni Kristus ana waugu i yami mabbiakka su sambau ringanni Tou. Ruata nappaatti yami tadea'u watti'a su ola'i Kristus massal᷊iawukka naal᷊ihida hal᷊uru mawangngi su al᷊awo'u tampa.

2 KORINTUS 3:5

I yami tawe sambau pinangiananne mapaal᷊iatta'a manungku i yami wotongnge mammanara manara indi, arawe Ruata nangonggolu apande udde si yami.

KOLOSE 1:7

Olangnge udde niapaasingkati Epafras si yamiu, hawe apan arangnguanni yami. I tou udde allangngi Kristus apan matuṛṛuta mammanara hunan kite.

1 TIMOTIUS 1:12

I ya'u maadiangkamanna si Kristus Yesus Mawun kite. I Tou suete nangonggolu atatohassa si'u ipangimbe si Tou, wuṛṛu i Tou mammendama manungku i ya'u wotongnge su manara udde,

1 TIMOTIUS 1:18

Timotius, ana'u, Manara indi ta'u itantilla si'o, mannaungnga tanatan Duata apan niapaasingkatu manga nabi sulal᷊ummu jamaatta su ola'u ririnu. Ṛinone tanata udde maola'a wal᷊unna si'o sulal᷊ummu manaranu apan mapia.

1 TIMOTIUS 4:14

Arie i'o maabul᷊i mappaattu apande wuassu Ghaṛṛahon Duata apan nionggolla si'o su tempo manga piaṛṛa'u jamaatta nangaddon lima mangitou su wowon puanu, wuṛṛu manga nabi namasingkatu tanatan Duata su ola'u ririnu.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

1 TIMOTIUS 5:22

Arie tumaniten mal᷊ihakka mangal᷊amatta sangkatou itenega maola'a mangangimbe su Mawu. Amungkangu taumata waine marosa, arie lai al᷊iuannu rosa udde. Paariagai ririnu tadea'u sidutu waresi.

1 TIMOTIUS 6:12

Pabbiakke atonna-tonna maola'a sangkatou taumatan Saṛṛani tadea'u i'o wotongnge maapal᷊aṛṛo aonggolu wiakka tutune wuṛṛu mal᷊annu-l᷊annu. Ana waugu eteudde Ruata namaggo si'o su tempo i'o nanga'u su saruannu awadaalla manungku i'o mangngimanna si Kristus.

2 TIMOTIUS 3:10

Arawe i'o suete tinumuṛṛuta manga al᷊aṛṛa'u, pallal᷊agu'u, wuṛṛu tuddan pabbiaṛṛangku. I'o suete naasilo sassane ereapa i ya'u atonna-tonna mangngimanna si Yesus Kristus wuṛṛu marangngu su sansul᷊ungngu taumata. I'o lai masingkatu asasabare'u wuṛṛu atatammu'u.

2 TIMOTIUS 3:14

Arawe i'o, Timotius, ṛinone i'o sidutu uaaggasa manga al᷊aṛṛa'a naṛṛino apan suete niaṛṛa'a si'o wuṛṛu pangimanannu atonna; ana waugu i'o masingkata isai manga hurunu.

IBRANI 2:17

Indi atappasanne manungku i Tou ṛinone maola'a uasul᷊unga ringannu manga tuṛṛa-Nge sulal᷊ummu al᷊awo'a. Wuṛṛu ringannu udde i Tou wotongnge maola'a Imam Wahewa apan matuṛṛuta wuṛṛu marangngu. Ringannu manara-Ne udde rosan taumata wotongnge aampunganna.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.