2 TIMOTIUS 2:18 - WUKE SUSI WATTI'U AL᷊AL᷊USASSA

¹⁸ I mangitou suete nalliu wuassu al᷊aṛṛa'a apan su ṛinone, wuṛṛu nangal᷊iwun pangangimannu sangkawageanganna taumata. I mangitou nabbisara manungku pabbawangunna wuassu papate suete nariaddi.

2 TIMOTIUS 2:18 ပူးပေါင်းရင်းမြစ်များ

MATIUS 15:13

Mawu Yesus sinumimbakka, “Manga sinuananna apan tawe nisuannu Iamangku su surga sarun abbutanna.

MATIUS 22:29

Mawu Yesus sinumimbakka, “I yamiu nial᷊iwune, ana waugu i yamiu tawe maasunna Wuke Susi, wuṛṛu taṛṛinon Ruata.

LUKAS 8:13

Wualanna apan nanawo su leta'a pia batune isassumandingnga su taumata napawe naaringikka watti'a udde, nanengkamma ringannu naungnge mal᷊uassa. Arawe watti'a udde tawe naṛṛamutta sulal᷊ummu naungnge. I mangitou mangngimanna tal᷊ang kadio'a, wuṛṛu napawe wawono'a nirumanta, i mangitou nassinaada.

WATTI'U MANGA RASUL 5:39

Arawe amungkangngu udde nirumanta wuassu Ruata, ne manga tuṛṛangnga tawe mapaasal᷊a mangitou. Ewe'e asinungka sarun matualaga manungku manga tuṛṛangnga lullawangnga Ruata.” Al᷊aṛṛa'i Gamaliel udde nisengkammu mallaṛṛuungnga.

1 KORINTUS 11:19

Naṛṛinote amungkangu pia patatiakka su wallatti yamiu, tadea'u sarun asiloanna isai-sai taumatan Saṛṛani tutune.

1 KORINTUS 15:12

Amungkangngu iwabbatti'i yami eteudde manungku Kristus buatte niapaawiakka wuassu papate, anio pia wuassu wallatti yamiu mabbisara manungku taumata nate tawe iapaawiakka apia?

KOLOSE 3:1

I yamiu suete niapaawiakka apia su sambau ringanni Kristus. Ana waugu udde ṛinone i yamiu mammanara tadea'u maasomba apapia wuassu surga, suapa Kristus uaparenta ringannu Ruata.

1 TIMOTIUS 1:19

Pammanarate ringannu pangangimanna apan atonna wuṛṛu ringannu lal᷊ummu naungnga apan waresi. Pia manga taumata apan tawe maddaringikka tingikku lal᷊ummu naungnge, na'oman sara naṛṛimunsa'e pangangimanni mangitou.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

1 TIMOTIUS 6:21

Ana waugu pia manga taumata apan mabbisara manungku i mangitou pia asingkata udde, na'oman sara massal᷊ate amatta wuassu manga al᷊aṛṛa'u Saṛṛani apan pinangimananni mangitou paarorone. Antimanna Ruata mangal᷊amatta manga tuṛṛangnga. Tabea wuassi yami, Paulus

2 TIMOTIUS 2:14

Ṛinone i'o mapaanaungnga su manga taumata su ola'u sarangkanambone indi. Su saruannu Ruata, tantiroi i mangitou, tadea'u tawe mattatiakka su ola'u manga wisara wakku. Udde tawe gunane, ewe'e tumba'u mangngal᷊iwu manga taumata apan maddaringikka.

TITUS 1:11

Manga taumata ereudde ṛinone sappingana moṛṛonge, ana waugu i mangitou mannongkakku anambon amonanna ringannu manga al᷊aṛṛa'a apan lal᷊eo. I mangitou ma'ola'a udde tumba'u ana waugu maapulu maddea'a auntunganna apan tawe su ṛinone!

IBRANI 3:10

Ana waugu udde i Ya'u nasa'u si mangitou wuṛṛu i Ya'u nabbisara, ‘I mangitou sidutu maddiri tumuṛṛutta wuṛṛu tawe tumuṛṛutta manga parenta-U.’

YAKOBUS 5:19

Manga tuṛṛangku! Amungkangu wuassu wallatti yamiu pia sangkatou apan maddirite tumuṛṛutta al᷊aṛṛa'u Ruata, wua udde sangkatou waine napaawelengngu taumata udde ringannu Ruata,

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.