2 TIMOTIUS 1:7 - WUKE SUSI WATTI'U AL᷊AL᷊USASSA

⁷ Ana waugu Ghaṛṛaho apan nionggolu Ruata si ite, wal᷊inewe Ghaṛṛaho apan ma'ola'a si ite matal᷊o. Arawe Ghaṛṛahon Duata udde maatohassa si ite, nepenen darangngu wuṛṛu maaṛṛaddannu watanganne.

2 TIMOTIUS 1:7 ပူးပေါင်းရင်းမြစ်များ

DARALO 119:80

Antimanna naungku tawe sumewadda wuassu tita-Nu, tadea'u i ya'u tawe masili.

AMSAL 2:7

Su taumata apan matul᷊idda wuṛṛu tawe sangkulle, i Tou niumontolla wuṛṛu nanillumma.

AMSAL 8:14

Ete i ya'u apan nangonggollu tatantiro sulal᷊ummu naungnga. Wuṛṛu i ya'u lai apan napal᷊iatta'a. I ya'u pande wuṛṛu lai matohassa.

YESAYA 11:2

Taṛṛino Mawu sarun mangehetta si tou, ma'ola'a si tou pia buddine wuṛṛu masiṛṛungnga, pande makkawessa wuṛṛu mangamatta; masingkattu apulun Duata wuṛṛu masallungnga si Tou.

MIKHA 3:8

Arawe su ola'u watangangku indi, Mawu buatte nalloṛṛo ringannu ghaṛṛaho-Ne wuṛṛu taṛṛino-Ne. I ya'u nionggol᷊an-Ne pasasunna su ola'u atatul᷊idda, wuṛṛu lai awawaṛṛani tadea'u mapal᷊iatta'a su taumatan Israel manga rosa apan buatte niolangnge.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

LUKAS 10:19

Asingkatewe! I yamiu suete inonggol᷊annu taṛṛino tadea'u i yamiu wotongnge maṛṛinda atoanna wuṛṛu kalajengking lapiddu mamadi al᷊awo'u auatannu seetta, ringannu tawe saran sambau wotongnge manilaka si yamiu.

LUKAS 15:17

Panginsueanne i tou naanaungnga wuṛṛu nabbisara, ‘Manga taumata apan mammanara ringannu iamangku pia anna marasai arawe i ya'u isindi mateten lunussa!

LUKAS 24:49

Wuṛṛu i Ya'u sassane sarun mandolokka ringanni yamiu apa apan suete pina'iren Iamangnga. Arawe i yamiu ṛinone maṛṛado su soa indi ma'oman sara taṛṛino wuassu Ruata mannilla'uppa si yamiu.”

LUKAS 8:35

See manga taumata nampassabangnga ma'ellega apa apan suete nariaddi. I mangitou nirumanta ringannu Mawu Yesus, wuṛṛu isudde i mangitou naaratingnga taumata apan napallosse wuassu manga ghaṛṛaho lal᷊eo udde tantal᷊anna ua'ianna maranin ledda Mawu Yesus. I tou ualuṛṛeten laubba wuṛṛu ṛingiṛṛanne masemakke. I mangitou nata'utta.

YOHANES 14:27

Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta.

WATTI'U MANGA RASUL 1:8

Arawe i yamiu sarun maasomba taṛṛino, amungkangngu Ghaṛṛahon Ruata nirumantate ringanni yamiu. Wuṛṛu yamiu sarun ma'ola'a manga tatiala-U su Yerusalem, su ahewallu Yudea, su Samaria, wuṛṛu sara pentakku runia.”

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

WATTI'U MANGA RASUL 21:13

Arawe i tou sinumimbakka, “Apa hunane tuṛṛangnga lulluai ereindi na'oman sara naungku nasusa? I ya'u nasaddiate wal᷊ine tumba'u sametanna poiaroddi, arawe nasaddiate lai mate ana waugu Mawu Yesus.”

WATTI'U MANGA RASUL 26:11

Masokka i ya'u manansara si mangitou su wal᷊em pattataṛṛamawuanna, tadea'u mamata'i mangitou massinaaddu apa apan pangngimananni mangitou. Aroddi al᷊osone naungku si mangitou, na'oman sara watukku manga soa waine lai, ya'u sarun inai mangenggenna si mangitou poiaroddi.”

WATTI'U MANGA RASUL 26:25

Arawe i Paulus sinumimbakka, “I ya'u tawe wewa, Awantuhanne. Manga wisara apan iwabbisara'u udde atonna wuṛṛu sinumabangnga wuassu ṛingiṛṛanna apan masemakka.

WATTI'U MANGA RASUL 6:8

I Stefanus lembo nial᷊amatannu Ruata, na'oman sara i tou ma'ola'a manambo al᷊aṛṛindu'a wuṛṛu inolaanna apan wahewalla su wallattu tumana'u soa.

WATTI'U MANGA RASUL 9:22

Arawe i Saulus mangke mattohassa wawohene. Manga tatiala apan niapaasilon tou su ola'u Mawu Yesus aroddi a'apangimananna manungku eteudde Mawu Yesus Ratum Punnu Sal᷊amatta, na'oman sara taumatan Yahudi apan uatana'a su Damsyik tawe maapanompolla.

ROMA 5:5

Pangangantimma ereindi tawe mapaaddio'u naungngi ite, ana waugu naungngi ite nilloṛṛoannu Ruata ringannu darangngu-Ne. Ruata nammanara udde ringannu Ghaṛṛaho-Ne, apan suete nionggola si ite.

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

1 KORINTUS 2:4

Watti'a apan ta'u niapaasingkata si yamiu tawe ta'u niwatti'a ringannu al᷊awo'u wisara apan ipammono'a tumuṛṛutta apanden taumata. I ya'u mabbatti'a udde ringannu lal᷊anna apan mappatiala manungku Ghaṛṛahon Duata uataṛṛino.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

KOLOSE 1:8

Ete wuassi tou i yami naaringikka manungku ringannu taṛṛino wuassu Ghaṛṛahon Duata i yamiu wotongnge maddarangngu.

IBRANI 2:15

Ringannu olange aroddi i Tou namallosu manga taumata apan su al᷊o'engngu pabbiaṛṛane naola'a allangnga ana waugu matta'uttu papate.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.

1 YOHANES 4:18

Taumata apan uapendama darangngun Ruata, tawe apendama matta'uta; ana waugu darangngu apan nasuungnga mapaawul᷊in atata'uta. Nariaddi natualage manungku taumata apan taambe naapendama darangngun Duata ringannu nasuungnga amungkangu taumata udde matta'utta sumaruanna Allo Pamamarikisanna.