2 TIMOTIUS 1:5 - WUKE SUSI WATTI'U AL᷊AL᷊USASSA

⁵ I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

2 TIMOTIUS 1:5 ပူးပေါင်းရင်းမြစ်များ

DARALO 116:16

I ya'u indi allang-Ngu, oh Mawu, ere inangku, i ya'u lai mattaṛṛamawu Si'o I'o buatte napasabbangku wuassu tattupanna.

DARALO 17:1

Aal᷊iomannu Daud. Daringiṛṛewe sasal᷊ande'u maddoronga atatul᷊idda, daringiṛṛewe aal᷊iomanku apan atonna, oh Mawu.

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

DARALO 22:10

Ete I'o apan napasabbangku wuassu illoṛṛo, wuṛṛu na'ola'a si ya'u mal᷊angnganna su ṛiwan inangku.

DARALO 66:3

Wal᷊oa'e su Ruata, “Atonna mangke maatiangnga inolaan-Nu! Seetta uasuṛṛubbawa Si'o ringannu atata'utta, ana waugu tumaniten wahewalla taṛṛino-Nu.

DARALO 77:6

I ya'u maṛṛingiddu manga allo nanangkal᷊iu, i ya'u mannaungnga wuṛṛu maṛṛingiddu manga tonna nal᷊iudde.

DARALO 81:15

ne i Ya'u masasaṛṛawutta mapasuṛṛubawan seetti mangitou, wuṛṛu maparugin anambon ro'appi mangitou.

DARALO 86:16

Ellehewe wuṛṛu dangnguewe i ya'u, tohassawe wuṛṛu sal᷊amatewe i ya'u, ana waugu ere inangku, i ya'u lai mattaṛamawu Si'o.

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

WATTI'U MANGA RASUL 16:1

Paulus nanassute amatanne watukku Derbe, wua'udde watukku Listra. Isudde pia sangkatou mallal᷊aṛṛenggennu Mawu Yesus aranne i Timotius. Inangnge sangkatou Yahudi, apan mangngimante Mawu Yesus; arawe iamangnge taumatan Yunani.

WATTI'U MANGA RASUL 26:26

Tuangnga Agripa sassane lai masingkattu manga hatto udde. Ana waugu udde i ya'u waṛṛani mabbisara su saruanni Tuangnga ringannu masema-semakka. I ya'u mangngimanna manungku tawe saran sangkapaddi wuassu hatto udde apan awagananni Tuangnga, ana waugu sarangkanambone udde tawe nariaddi su manga tampa apan uawuni.

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

ROMA 14:5

Pia taumata mammendama sambau allo apan apianne wuassu manga allo waine, arawe pia lai taumata waine mammendama manungku manga allo udde uasul᷊ungnga. Wala'e sambau-sambau manantunu apulu naungnge sassane.

ROMA 15:14

Manga tuṛṛangku! I ya'u mangngimanna manungku manambo atonna apapia si yamiu. I yamiu lai masingkatu sarangkanambone wuṛṛu wotongnge lai mangaṛṛa'a sandingananna.

ROMA 4:21

I tou mangngimanna atonna manungku Ruata wotongnge manipussa paaire-Ne.

ROMA 8:38

Ana waugu i ya'u mangngimanna atonna, manungku su ahewallu runia, mawae ete papate aroddi lai sulal᷊ummu mabbiakka, mawae ete mala'ekatta aroddi lai tembonannu runia, mawae ete papata'utta tempo indi aroddi lai su tempo addantane, ara'e manga taṛṛino apan waine;

2 KORINTUS 6:6

Ringannu pia inolaanna mapia, pande, masabbare, wuṛṛu naungnga mapia, i yami mapaal᷊iatta'a manungku i yami udde allangngu Ruata. Wuṛṛu lai ringannu uaantimma tatul᷊ungnga wuassu Ghaṛṛahon Duata, wuṛṛu ringannu darangngu apan su ṛinone,

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 TIMOTIUS 4:6

Amungkangu i'o mangaṛṛa'u sarangkanambone udde su manga tuṛṛanga su pangangimanna sambau, i'o sarun maola'a mamamanaran Kristus Yesus apan mammanara ringannu mapia. Wuṛṛu i'o sidutu mappadul᷊i niawanu ringannu wisaran Duata apan pangngimananni ite, wuṛṛu ringannu manga al᷊aṛṛa'a apan atonna apan suete nipangimanannu al᷊annunete indi.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

IBRANI 11:13

Anambon taumata udde sidutu mangngimanna ma'oman sara mate. I mangitou tawe naasengkamma manga inolaanna apan pina'iren Ruata, arawe tumba'u ma'ellega wuṛṛu mannal᷊oho wuassu marau. Wuṛṛu ringannu udde i mangitou nabbal᷊o manungku i mangitou tumba'u taumata raho wuṛṛu mamamal᷊intadu runia indi.

IBRANI 6:9

Arawe manga tuṛṛangnga apan arangnguanna, salaiwe i yami mabbisara aroddi, arawe i yami mangngimanna su ola'i yamiu. I yami mangngimanna manungku i yamiu suete nanengkamma manga inolaanna apan lembon mapia, eteudde manga al᷊amatta apan maola'a sambau wageangnga wuassu asasal᷊amannu.

1 PETRUS 1:22

Ana waugu i yamiu matuṛṛutta su al᷊aṛṛa'u Ruata, ne i yamiu namaresi wadanga wuṛṛu i yamiu tuttal᷊antupu manga taumata pangangimanne sambau ringannu atonna-tonna. Ana waugu udde, ṛinone i yamiu uararangngu sangkatou ringannu waine ringannu al᷊al᷊uassu naungngu.