2 TIMOTIUS 1:4 - WUKE SUSI WATTI'U AL᷊AL᷊USASSA

⁴ I ya'u maanaungnga asasusa naungngu. Ana waugu udde i ya'u maapulu tassul᷊unge maisasombanu tadea'u atonna-tonna i ya'u mal᷊uassa,

2 TIMOTIUS 1:4 ပူးပေါင်းရင်းမြစ်များ

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEREMIA 31:13

Sutempo udde manga maṛṛuala sarun massal᷊aingnga ringannu naungnga mal᷊uassa. Timmadde wuṛṛu dario'a suadio'a lullala'a, ana waugu i Ya'u sarun malluassa naungngi mangitou. Asasusa mangitou Ta'u wal᷊uanna maola'a al᷊al᷊uassa, lal᷊uai mangitou Ta'u wal᷊uanna mabbal᷊i lal᷊umanna'a.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

YOHANES 16:24

Na'oman sara orassa indi yamiu taambe nadorongnga manga apa sulal᷊ummu arang-Ku. Padorongke, ne i yamiu sarun manengkamma, tadea'u al᷊al᷊uannu udde masuungnga.”

WATTI'U MANGA RASUL 20:19

Ringannu awawawon dal᷊ummu naungnga wuṛṛu ringannu allo mata, i ya'u mammanara manara Mawu su pattangngannu asasusa apan niapendamangku ana waugu pandumma lal᷊eo wuassu taumatan Yahudi.

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

ROMA 1:11

Ana waugu i ya'u mangke maapulu atonna maisasomban kamiu tadea'u i ya'u wotongnge mattahia darangngu wuassu Ghaṛṛahon Duata ipannohassa si yamiu.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

FILIPI 2:26

I tou maapulu atonna maisasomban kamiu sarangkanambone, wuṛṛu i tou u'ambul᷊isadda ana waugu i yamiu suete naaringikka watti'a manungku i tou marada'a.

1 TESALONIKA 2:17

Arawe manga tuṛṛangnga, ro'en i yami nattalei tal᷊an kadio'a wuassi yamiu – nattal᷊ei su mata arawe su naungnga tawe – yami lembon mannaungnga si yamiu wuṛṛu mappandumma atonna-tonna ana see massomban kamiu apia!

2 TIMOTIUS 4:21

Amungkangu wotongnge rantate tantal᷊anna taambe tempon masunge. Ebulus, Pudes, Linus, wuṛṛu Klaudia nandohon tabea mangitou si'o; aroddi lai anambon tuṛṛanga waine sulal᷊ummu pangangimanna sambau.

2 TIMOTIUS 4:9

Rantate ringangku ringannu mal᷊iha-l᷊ihakka,

1 YOHANES 1:4

I yami namoṛṛetu indi tadea'u naungngi ite atonna-tonna mal᷊uassa.

SONDAPPA 21:4

I tou sarun mamappasa alawo'u allo mata wuassu mata mangitou. Papate sarun tate lai, asasusa, lal᷊uai, ara'e al᷊aṛṛusa'itta tate lai. Manga inolaanna tabbe nawul᷊ite!”

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”