2 TIMOTIUS 1:10 - WUKE SUSI WATTI'U AL᷊AL᷊USASSA

¹⁰ Wuṛṛu orassa indi, Ruata napaal᷊iatta'u al᷊amanlle si ite ringannu darantan Ratun Punnu Sal᷊amatti ite Kristus Yesus. Mawu Yesus napassuṛṛubawan taṛṛinon papate wuṛṛu nangapiddu wiakka sarangkal᷊o'enge sulal᷊ummu Watti'u Al᷊al᷊uassa udde.

2 TIMOTIUS 1:10 ပူးပေါင်းရင်းမြစ်များ

YESAYA 43:3

Ana waugu ete i Ya'u Mawu, Ruatanu, Ruata na'ukkassu Israel, Mananal᷊amannu. Mesir Ta'u nionggolla maola'a tatubbussa si'o, Sudan wuṛṛu Syeba maola'a hahantinu.

YESAYA 45:15

Ruata apan nanal᷊amatta Israel uddewe Ruata apan mammunin batangan-Ne.

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

LUKAS 11:36

Amungkangngu ahewallu wadangngu masemakka, wuṛṛu tawedu saran sambau marandumma, ne ahewallu wadangngu udde masema-semakka ere sassemaṛṛannu semakku sol᷊o.”

LUKAS 13:7

Nariaddi i tou nabbisara su mabbawaille udde, ‘Pa'ellega, tallute tonna i ya'u ruddanta maddea'a wuang kalu ara indi, arawe tawe naasomba saran sambau. Tuwangke alu udde! I tou tumba'u mangnginsue anna sulal᷊ummu leta'a!’

LUKAS 2:11

Allo indi su soan Daud nasungkangke Ratum Punnu Sal᷊amatti yamiu, eteudde i Kristus, Mawu.

YOHANES 1:9

Semakka tutune apan mannemakka anambon taumata, nirumanta su runia.

YOHANES 14:6

Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 4:42

I mangitou nabbisara wawine udde, “Orassa indi yami mangngimanna, wal᷊inewe ana waugu wisaranu si yami, arawe ana waugu i yami sassane suete naaringikka si Tou, wuṛṛu masingkatta manungku i Tou atonna Punnu Sal᷊amattu Runia.”

YOHANES 5:40

Arawe i yamiu maddiri rumanta ringang-Ku tadea'u maasomba wiakka apan tawe panguddusanne.

WATTI'U MANGA RASUL 13:23

Ete wuassi papapulunni Daud udde Ruata nangonggolla su walahannu Israel sangkatou Ratum Punnu Sal᷊amatta su ereapa suete pina'ire. Wuṛṛu ete Mawu Yesus udde Ratum Punnu Sal᷊amatta.

WATTI'U MANGA RASUL 5:31

Ruata suete nangonggolu aiananna wuṛṛu taṛṛino apan matanggakka si Tou eteudde Piaṛṛangnge wuṛṛu Punnu Sal᷊amatta; tadea'u walahannu Israel onggol᷊annu tempo mawal᷊u wuassu manga rosane wuṛṛu ampunganna.

ROMA 16:26

Arawe orassa indi, wuassu darolokku Ruata sassane, pandumanne udde buatte niapaal᷊iatta'a wuṛṛu niapasingkata su anambon walahanna ere suete niwoṛṛettu manga nabi, tadea'u i mangitou sarangkanambone mangngimanna wuṛṛu tumuṛṛutta Ruata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 3:31

Apa indi atappasanne manungku amungkangngu i ite mangngimanna Mawu Yesus, i ite tumal᷊iudde titan agama Yahudi? Atonna-tonna tawe! Ewe'e ringannu pangangimanni ite udde, i ite mangngaregan tita udde.

ROMA 6:6

I ite masingkata manungku pallal᷊agun kite apan tabbe suete nipate su adio'a ringanni Kristus su alu arussa tadea'u taṛṛinon pallal᷊agun kite apan marosa udde niramme; ringannu aroddi i ite tate lai allangngu rosa.

1 KORINTUS 15:26

Seetta panginsueanne apan sarun iapasuṛṛubawa eteudde papate.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.

GALATIA 5:4

Amungkangngu i yamiu maapulu masasangkapia apia ringannu Ruata wuassu lal᷊ummu titan agama, udde atappasanne paa'aukku ringanni Kristus nabassute. Ringannu aroddi yamiu mabbiakka su liuddu darangngun Ruata.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

2 TIMOTIUS 1:1

Timotius, ana'u apan aranguanna! I ya'u Paulus, namoṛṛetu suratta indi si'o, wuṛṛu mangngantimma doronganna Ruata Iamangnga wuṛṛu Mawun kite Kristus Yesus mangonggolu al᷊amatta, darangngu wuṛṛu paddarame si'o. Wuassu apulun Duata, i ya'u nitenega naola'a rasulli Kristus Yesus wuṛṛu nirolokka mamasingkatu wiakka apan pina'iren Duata. Wiakka udde nisengkammi ite ana waugu i ite uaaukka ringanni Kristus Yesus.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

2 TIMOTIUS 4:1

Kristus Yesus sarun rumanta apia su runia indi mamarikissa manga taumata apan wiakka wuṛṛu nate; wuṛṛu i Tou sarun rumanta mamarenta ere sangkatou Ratu. Ana waugu udde i ya'u sumal᷊ande si yamiu su saruannu Ruata wuṛṛu Kristus Yesus;

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

TITUS 2:13

Orassa indi i ite tantal᷊anna uaraṛṛaddo Allo apan aantimanni ite udde; su Allo udde runia sarun maasilo awawantugi Yesus Kristus, eteudde Mawu Ahewal᷊anne wuṛṛu Ratun Punnu Sal᷊amatti ite.

TITUS 3:4

Arawe Ruata, Punnu Sal᷊amatti ite napaal᷊iatta'u darangngu-Ne wuṛṛu apapian naung-Nge si ite.

IBRANI 10:32

Naungete ereapa ola'u manga tuṛṛanga su tempo nal᷊iu. Su tempo udde, napawe semakku Ruata nilumansiangnga si'o, i yamiu anamboanne uatataṛṛanga, arawe i yamiu sidutu mammanara ringannu maṛṛimada.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

2 PETRUS 1:11

Ringanni aroddi yamiu sarun onggol᷊annu taṛṛino sumutta su Araratuanna apan saran mal᷊annu-l᷊annu wuassu Mawu wuṛṛu Ratun Punnu Sal᷊amatti ite Yesus Kristus.

2 PETRUS 1:3

Ruata suete nappaattu taṛṛino-Ne sassane wuṛṛu nangonggolu al᷊awo'u sarannapa si ite apan ipappaatta su patataṛṛamawuanna. Inolaanni Tou indi wuassu apa apan niasingkatanni ite su ola'u Mawu Yesus Kristus, apan suete namaggo si ite mamendamma awawantu-Ge wuṛṛu apapia-Ne.

2 PETRUS 2:20

Taumata apan maaillal᷊a Mawu wuṛṛu Punnu Sal᷊amatti ite Yesus Kristus, napallose wuassu taṛṛinon runia apan maal᷊uhuda taumata. Arawe amungkangu sal᷊imurine i tou niasametta apia na'oman sara tawe naaroapa manga taṛṛino udde, ne ola'u taumata udde panginsueanne maddal᷊eoanne lai wuassu paarorone.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

2 PETRUS 3:2

I ya'u mandolokka tadea'u i yamiu mannaungnga manga wisara apan rorone suete niwisara manga nabi Ruata, wuṛṛu parentan Mawu. Ratum Punnu Sal᷊amatta apan niapassingkatu manga rasul si yamiu.

1 YOHANES 1:2

Su tempo wiakka udde niapaal᷊iatta'a, i yami naasilo. Ana waugu udde i yami nattiala su olange udde. I yami mammasingkata si yamiu su ola'u wiakka tutune wuṛṛu saran mal᷊annu-l᷊annu, apan su sambau ringannu Ruata Iamangnga, wuṛṛu apan suete niapaal᷊iatta'a si yami.

1 YOHANES 4:14

I yami sassane suete naasilo Ana'u Ruata, wuṛṛu i yami namasingkata manungku i Tou nirolokku Iamangnga maola'a Ratun Punnu Sal᷊amattu runia indi.

SONDAPPA 18:1

Napawe wua'udde i ya'u naasilo sangkatou mala'ekatta waine sinumossoka wuassu surga. I tou uatahuanna taṛṛino apan wahewalla, wuṛṛu awawantuge naaola'a ahewallu runia nabbal᷊i masemakka.

SONDAPPA 2:7

Isai-sai apan ma'aringikka, ṛinone manutukka apa apan iapaasingkatu Ghaṛṛahon Ruata su manga jamaatta! I mangitou apan naauntunga, sarun Ta'u iwala umanna wua wuassu punnu pabbawiakka apan tuttuwo su Waillu Ruata.”

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

SONDAPPA 22:17

Ghaṛṛahon Ruata wuṛṛu Ma'a'awingnga Wawine nabbisara, “Wette!” Suapan taumata apan naaringikka indi ṛinone lai mabbisara, “Wette!” Isai apan marou, ṛinone i tou rumanta! Wuṛṛu isai apan maapulu, ṛinone i tou manganu ua'e apan mangonggolu wiakka udde ringannu tawe bawaekke.