2 TAWARIKH 9:18 - WUKE SUSI WATTI'U AL᷊AL᷊USASSA

¹⁸ Addera udde pia tata'iakke wuṛṛu su ruan baane pia paal᷊uannu singa. Addera udde lai pia tal᷊attaddu tuadde, annumma, wuṛṛu sambau pangangandangannu ledda apan nioosannu wul᷊awanna. Tampan ledda udde niṛṛaiddu adderane.

2 TAWARIKH 9:18 ပူးပေါင်းရင်းမြစ်များ

2 TAWARIKH 9:17

Ratu lai nallanginnu sambau adderan araratuanna apan wahewalla wuṛṛu niola'a wuassu gadinga wuṛṛu nilogaṛannu wul᷊awanna tutune.

2 TAWARIKH 9:19

Su pentakke aiṛṛi wuṛṛu su pentakke aikkatanna suapan tal᷊ataddu tuaddu addera udde pia paal᷊uannu singa – sarangkanambone mapul᷊o dua su waune. Tawe addera aroddi su al᷊awo'u araratuanna su runia indi.

REENGANNA 23:24

Walahanna udde naddisikka naal᷊ihidda singa wawine, wuṛṛu uarisikka matul᷊idda naal᷊ihidda singa esakka. I tou tawe lumallowangnga tantal᷊anna taambe niuminassa seenne wuṛṛu ma'inumma daṛṛan binatangnga sasamba apan tinamboanne.”

REENGANNA 24:9

Walahanna udde naal᷊ihidda singa esakka wuṛṛu singa wawine, apan uarammangnga wuṛṛu uatattere. Isai waṛṛani mamu'o si tou? Doronganna taumata apan mangal᷊amatta si'o sarun al᷊amatanna, wuṛṛu taumata apan mamontoga si'o sarun wontohanna.”

SONDAPPA 5:5

See sangkatou wuassu manga piaṛṛange udde nabbisara si ya'u, “Arie palluai! Pa'ellege! Singa wuassu walahannu Yehuda, papapulunni Daud apan wahewalla, suete naauntunga! I tou wotongnge mamesangnga pitu segele udde wuṛṛu mamu'a wuke udde.”