2 TAWARIKH 9:1 - WUKE SUSI WATTI'U AL᷊AL᷊USASSA

¹ Ratun wanua Syeba naaringikka su ola'u i Salomo tinumelengke. Ne i tou nirumanta su Yerusalem manaṛṛasidda si Salomo ringannu aiwal᷊o apan masahadda. I tou nirumanta tatantalongannu manambo taumata wuṛṛu unta apan napene lal᷊uranannu rampa-rampa, watu permata, wuṛṛu wul᷊awanna tumaniten manambo. Sutempo nassombaten Salomo, ratu udde nangapiddu al᷊awo'u aiwal᷊o apan wotongnge asingkatanne.

2 TAWARIKH 9:1 ပူးပေါင်းရင်းမြစ်များ

PANDARIADDI 10:28

Ofir, Hawila wuṛṛu Yobab. Sarangkanambone udde papapulunni Yoktan.

PANDARIADDI 10:7

Papulunni Kus eteudde tumana'u Seba, Hawila, Sabta, Raema wuṛṛu Sabtekha. Papulunni Raema eteudde tumana'u Syeba wuṛṛu Dedan.

PANDARIADDI 25:3

I Yoksan iamangngi Syeba wuṛṛu i Dedan, wuṛṛu papapulunni Dedan eteudde taumatan Asyur, taumatan Letus, wuṛṛu taumatan Leum.

1 MARARATU 4:31

I tou atonna-tonna apandeanne wuassu anambon taumata. I tou nangillembo wuassi Etan taumatan Ezrahi, si Heman, si Kalkol wuṛṛu si Darda al᷊aṛṛana'i Mahol. Aranni Salomo tinumelengnga su al᷊awo'u tampa su manga wanua uapal᷊iwutta araratuanne.

2 TAWARIKH 1:1

Salomo ana'i Daud naola'e ratu apan matohassa pamamarentane sulal᷊ummu araratuannu Israel. Mawu Ruatane nangal᷊amatta si tou wuṛṛu na'ola'a si tou lembon uataṛṛino.

2 TAWARIKH 1:12

Ana waugu udde apande wuṛṛu asingkatta sarun Ta'u ionggolla si'o. Wal᷊ine wua'udde lai, Ya'u sarun ma'ola'a si'o lembon su lal᷊umanna'a, lembon ala wuṛṛu lembon tumelengnga wuassu al᷊awo'u ratu mawae ete sutempo paarorone aroddi lai sutempo apan addantane.”

2 TAWARIKH 9:2

Anambon aiwal᷊o udde wotongnge simbaṛṛanni Salomo, tawe saran sambau apan masahadda si tou.

2 TAWARIKH 9:9

Wua'udde ratun wanua Syeba nanantilla si Salomo manga aonggola apan niapiddi tou, eteudde nilumebbe wuassu 4.000 su kilone wul᷊awanna wuṛṛu manambo lai watu permata see lai manga rampa-rampa. Tate saran paassa lai i Salomo nanengkamma rampa-rampa apan aroddi apiane ere buatte nionggolu ratun wanua Syeba udde si tou. (

DARALO 142:2

Ringannu ma'ikkatta i ya'u sussal᷊ande su Mawu; ringannu tingikka matottoga i ya'u sumal᷊ande sasumbala-Ne.

DARALO 49:4

I ya'u sarun mabbisara manga wisaran apande, addapattu ṛingirangku tumaniten mal᷊al᷊umma.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 72:15

Sal᷊amatte si tuangnga ratu! Antimanna si tou ionggolla wul᷊awanna wuassu Arab. Antimanna i tou ial᷊iomanna suapan tempo wuṛṛu sidutu daringiṛṛanna.

DARALO 78:2

I ya'u maapulu mabbisaran sasanato'a wuṛṛu sasumandinga, wuṛṛu manal᷊a'an ao'a wuassu al᷊amona,

AMSAL 1:6

Ringannu aroddi i mangitou wotongnge maaurumma asingkatta apan uaadappingnga sulal᷊ummu wisara wul᷊awanna wuṛṛu maasunna manga wisaran taumata pande see lai manga hatto apan ipappasingkatti mangitou.

YESAYA 60:6

Wanuanu niṛṛulunannu manambo unta, i mangitou nirumanta wuassu Midian wuṛṛu Efa. Wuassu Syeba taumata nangapiddu wul᷊awanna wuṛṛu amania, lapiddu maddal᷊o inolaannu Mawu.

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 12:42

Su tempo Allong Kiamatta, ratu wuassu wanuan Timukka sarun mabangunna su sampunna ringannu manga taumatan tempo indi wuṛṛu mapaasal᷊a mangitou. Ana waugu tadea'u maddaringikka al᷊aṛṛa'i Salomo apan pande, ratu udde na'ola'a amatanna apan marau atonna wuassu pentakku runia. Arawe isindi orassa indi piaddu maggewal᷊anne wuassi Salomo!”

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

MATIUS 13:35

Ringannu aroddi nariaddite apa apan niwal᷊o nabi, “I ya'u mappaattu sasumandingnga amungkangngu maggahatto mangitou; I ya'u sarun mabbatti'u inolaanna apan uawuni ro'en arariadin runia indi.”

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

LUKAS 11:31

Su Allong Kiamatta, Ratu wuassu wanua Timukka sarun mabangunna ringannu taumatan tempo indi, wuṛṛu mangansilla si mangitou. Tadea'u, maaringikka al᷊aṛṛa'i Salomo apan pande udde, Ratu udde nangatokku amamatta marau wuassu pentakku runia. Arawe isindi orassa indi pia sangkatou magewal᷊anna wuassi Salomo!

1 SAMUEL 1:15

Arawe i Hana sinumimbakka, “I ya'u wal᷊ine wu'anna, Papa, ya'u tawe na'inumma anggore! I ya'u niasueante ṛingidda, ne u'al᷊iomanna mabbatti'u anambon asasusa'u su Mawu.