2 TAWARIKH 8:18 - WUKE SUSI WATTI'U AL᷊AL᷊USASSA

¹⁸ I Ratu Hiram nandoho si Salomo manga apalla apan niapiddu manga taumatan Ratu Hiram sassane suadio'a ringannu lal᷊oṛṛon apalla apan piate asingkanne. I mangitou nassenggote watukku wanua Ofir suadio'a ringannu taumatan Salomo wuṛṛu wua poiaroddi nangapiddu 15.000 su kilone wul᷊awanna ana see niapidda ringanni Salomo.

2 TAWARIKH 8:18 ပူးပေါင်းရင်းမြစ်များ

1 MARARATU 10:22

I Salomo lai uatahuanna manambo apalla wahewalla apan massenggotta suaddio'a ringannu manga apalli Ratu Hiram. Tallu tonna paasa manga apalla udde mabbelengnga ringannu uaapiddu wul᷊awanna, sal᷊a'a, gadinga, mangki wuṛṛu manu'u winalanganna merak.

2 TAWARIKH 9:10

Mammamanaran Ratu Hiram wuṛṛu mamanaran Ratu Salomo apan uaapiddu wul᷊awanna wuassu Ofir ionggola si Salomo, uaapiddu lai watu permata wuṛṛu alu cendana.

2 TAWARIKH 9:13

Suapan tonna Ratu Salomo mannengkamma maranin 23.000 su kilone wul᷊awanna,

2 TAWARIKH 9:21

i Salomo uatahuanna maambo apalla wahewalla apan massenggotta su tahal᷊oangnga mal᷊alangnga, suadio'a ringannu manga apalla tatahuananni Ratu Hiram. Tallu tonna paassa manga apalla mabelengnga uaapiddu wul᷊awanna, sal᷊a'a, gadinga, mangki wuṛṛu manu'a merak.

MANNANASE 2:8

I ya'u nangammullu sal᷊a'a wuṛṛu wul᷊awanna aonggollu manga ratu su manga wanua apan paparentangku. Mangangantari esakka wuṛṛu mangangantari wawine maal᷊uassa naungku ringannu manga antarin mangitou. I ya'u uatahuanna manambo lai awingku su liudde anambone suapawe ipaapulu'u.