2 TAWARIKH 7:8 - WUKE SUSI WATTI'U AL᷊AL᷊USASSA

⁸ Salomo wuṛṛu anambon ṛuangannu Israel na'ola'a ramea Sabbuan Rongnga al᷊annune pitu allo. Tumaniten manambo taumata apan naammulla su ramea udde. I mangitou nirumanta wuassu wanua araune sara Lal᷊annu Hamat su sawannakka naddatingngu passarannu Mesir su timukka.

2 TAWARIKH 7:8 ပူးပေါင်းရင်းမြစ်များ

PANDARIADDI 15:18

Su tempo udde lai Mawu na'ola'a pa'aire ringanni Abram. Mawu nabbisara, “I Ya'u maddiandi sarun mangonggolla su papapulunnu ahewallu leta'a indi, manattakka wuassu passarannu wanua Mesir maddatingngu sal᷊ukku Efrat,

1 MARARATU 8:2

Ne i mangitou sarangkanambone nirumantate su Allon Ramea Rasannu Rongnga sulal᷊ummu wulanna Etanim.

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

2 TAWARIKH 30:13

Su wul᷊anna aruane, mannamboanne wuassu reengannu tumanangnge naammulla su Yerusalem mallaghu Allo Wahewan Roti Tawe Ragine.

2 TAWARIKH 30:26

Soa Yerusalem tumaniten marame, ana waugu ro'en i Salomo ana'i Daud uaparenta, taambe saran paassa pia arariadianna ereudde.

2 TAWARIKH 5:3

Ne i mangitou sarangkanambone nirumantate su allon damean Sabbuan Rongnga.

YEHEZKIEL 45:25

Su Andeangngu Rasannu Rongnga, apan itattakka su allo mapul᷊o l᷊ima wul᷊anna appitune, miallo-miallo al᷊annune pitu allo tembonanne ṛinone mangonggollu manga sasamba apan uasul᷊ungnga, eteudde sasamba aampungnga rosa, sasamba itattambunna, wuṛṛu sasamba gandumma see lanan zaitun.”

YEHEZKIEL 47:20

Passaranna su samba'an baṛṛatta niola'u Tahal᷊oangngu Tangngane, ana see mabbatukku sawannakka su sambau tampa su samba'a waṛṛattu lal᷊anna sumutta watukku Hamat.

AMOS 6:14

Mawu Apan Atanggaṛṛanne wuṛṛu Lembontaṛṛino sassane nabbisara, “Umattu Israel, i Ya'u sarun mangirimmu tantara wuassu sambau walahannu raho iapapangalo wanuannu. I mangitou sarun manansara si yamiu wuassu lal᷊anna watukku Hamat su sawannakka maddatingngu Wawal᷊aannu Araba su timukka.”

YOHANES 7:2

Su tempo udde maranite Allo Wahewa Rasannu Rongnga.