2 TAWARIKH 7:5 - WUKE SUSI WATTI'U AL᷊AL᷊USASSA

⁵ Su sasamban paddarame i Salomo nangonggolu 22.000 sapi wuṛṛu 120.000 domba. Etearoddi ratu wuṛṛu tumanangnge sarangkanambone nallaghu pananantillu wal᷊en patataṛṛamawuanna udde su Mawu.

2 TAWARIKH 7:5 ပူးပေါင်းရင်းမြစ်များ

1 TAWARIKH 29:21

Allo manansunna i mangitou naṛṛatate winatangnga ionggola maola'a sasamba su Mawu, ana see tinahia su anambon tumanangnge. Waine wua'udde lai pia 1.000 sapi esakka, 1.000 domba esakka wuṛṛu 1.000 domba saṛṛen tumuwo apan niṛṛata wuṛṛu nitambunna su wowon mezbah. I mangitou lai nangonggolu anggore apan ṛinone iapidda su manga sasamba udde.

2 TAWARIKH 1:6

Su saruannu Rasanna udde ratu nangonggolu sasambane su wowon mezbah witu'a 1.000 winatangnga maola'a sasamba su Mawu.

2 TAWARIKH 15:11

Su allo udde i mangitou nangonggolu sasamba su Mawu 700 sapi wuṛṛu 7.000 domba, ul᷊en niaṛṛo apan niapiddi mangitou wua napapangalo.

2 TAWARIKH 2:4

Orassa indi ya'u mapararisikku sambau wal᷊en patataṛṛamawuanna apan tumba'u ipangaddatta Mawu Ruata'u. Su wal᷊en udde i ya'u wuṛṛu tumana'u araratuangku sarun mattaṛamawu si Tou ringannu manambunnu amania mawangngi, lapiddu mangonggolu roti ia'imbe si Tou sumiallo-miallo. Su wal᷊en udde lai yami sarun mangonggolu sasamba itattambunna suapan marua allo wuṛṛu maṛṛabbi, suapan allon Sabata, allo wahewa Wul᷊anna Wakku wuṛṛu allo waine apan buatte niṛṛae tumba'u ipangaddata Mawu Ruatan kami. Ana waugu, i Tou buatte namarenta tadea'u olangnge udde sarun iapaamattu taumatan Israel saran mal᷊annu-l᷊annu.

2 TAWARIKH 30:24

Ratu Hizkia nangonggolu 1.000 sapi esakka wuṛṛu 7.000 domba. Manga mamanaran araratuanni Hizkia nangonggolu 1.000 sapi esakka wuṛṛu 10.000 domba. Winatangnga sarangkanambone udde nionggola su tumana'u soa iapaṛṛata wuṛṛu inasanna. Tumaniten manambo imam napasusin batanganne.

2 TAWARIKH 5:6

Ratu Salomo wuṛṛu anambon tumana'u Israel sarangkanambone uasemodda su saruannu Wantallu Paaire udde ana see nangonggola su Mawu sasamba domba wuṛṛu sapi apan tawe iareengnga anambone.

2 TAWARIKH 7:4

Wua'udde i Ratu Salomo wuṛṛu anambon taumata apan uaammulla isudde nangonggolu sasamban su Mawu.

2 TAWARIKH 7:6

Manga imam uarisikka su tampane apan tinantunna si mangitou; uasasaruannu taumatan Lewi apan tantal᷊anna maddalo Mawu ringannu mannalangnga musikka apan nilanginni Ratu Daud, lapiddu mangngantari aantari “Darangngu-Ne saran mal᷊annu-l᷊annu!” uasul᷊ungngu ere buatte nirolokki Daud. Manga imam nattiuppa trompeta tantal᷊anna tumanangnge sarangkanambone uarisikka.

YEHEZKIEL 45:17

Ete i tou apan ṛinone mamalli winatangnga maola'a sasamba itattambunna wuṛṛu manga saranapa olaanna sasamba gandumma wuṛṛu sasamba anggore su anambon balahannu Israel su allo-allo wahewalla, Ramean Bul᷊anna Wakku, manga allon Sabat wuṛṛu manga allo wahewalla waine. I tou ṛinone manaddia sasamba aampungnga rosa, sasamba gandumma, sasamba itattambunna, wuṛṛu sasamban paddarame ipaddorongnga aampungnga su walahannu Israel.”

MIKHA 6:7

Apa Mawu sarun mal᷊uassa amungkangngu i ite mangapidda ringanni Tou domba su ṛiwune ara'e lanan zaitun ete manambo-nambo? Apa ṛinone i ite mangongnggolla si Tou ana'i pahul᷊une maola'a wawaekku manga rosan kite?

REENGANNA 7:10

Manga piaṛṛa'a uaapiddu sasamba ipaddamea patatenegu mezbah. Napawe i mangitou nasaddiate mangapiddu aonggoli mangitou su saruannu mezbah,

YOHANES 10:22

Su Yerusalem manga taumata tantal᷊anna mallaggun Allo Wahewa Manattakka Sumutta su Wal᷊e Mawu. Tempo udde runia masunge.