2 TAWARIKH 7:21 - WUKE SUSI WATTI'U AL᷊AL᷊USASSA

²¹ Wal᷊en patataṛṛamawuanna orassa indi mangke aaddatanna, arawe sutempo udde suapan taumata apan sumabbi isudde sarun tumiangnga maasilo. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

2 TAWARIKH 7:21 ပူးပေါင်းရင်းမြစ်များ

2 TAWARIKH 29:8

Ana see Mawu sulal᷊ummu asasa'u-Ne nakkuumannu taumatan Yehuda wuṛṛu Yerusalem. Wuṛṛu i yamiu sarangkanambone masingkatta aroddi inolaannu Mawu maaṛindu'a wuṛṛu maata'utta.

YEREMIA 13:22

Asinungka i yamiu maiwal᷊o anio sarangkanambone udde naṛṛia'a su watangannu, anio laungngu nihesa'a wuṛṛu i yamiu niṛṛampassa. Ṛinone i yamiu masingkatta manungku udde nariaddi ana waugu rosanu tumaniten bahewalla.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

YEREMIA 22:28

I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

YEREMIA 22:5

Arawe amungkangngu i yamiu tawe tumuṛṛutta manga parenta-U, ne i Ya'u massalu manungku wal᷊en araratuanna indi sarun mallambe ete tuidda. I Ya'u, Mawu, buatte nabbisara.

YEREMIA 49:17

Mawu nabbisara, “Asasilaka apan naṛṛia'a su Edom sarun aroddi ahewalle na'oman sara suapan taumata apan umamatta isudde sarun ṛumindu'a wuṛṛu mata'utta.

YEREMIA 5:19

Arawe amungkangngu i mangitou maiwal᷊o anio i Ya'u na'ola'a sarangkanambone udde su saruanni mangitou, wal᷊oa'e ei Yeremia, manungku ereapa i Ya'u buatte tinantangngi mangitou su wanua mangitou sassane huna mattaṛṛamawu manga mongannu walahanna waine, aroddi lai i mangitou sarun maola'a allangngu manga taumata raho su wanua waine.”

YEREMIA 50:13

Ana waugu i Ya'u nasa'u, ne Babel sarun mallambe ete tuidda wuṛṛu taweddu matana'a. Sarangkanambone apan sumabbi isudde sarun ṛumoro wuṛṛu mata'utta.