2 TAWARIKH 7:16 - WUKE SUSI WATTI'U AL᷊AL᷊USASSA

¹⁶ Sarangkanambone udde sarun Ta'u olaanna ana waugu tampa indi buatte Ta'u nipile wuṛṛu Ta'u niṛṛae maola'a tampa patataṛṛamawuanna si Ya'u saran mal᷊annu-l᷊annu. I Ya'u sarun ma'ellega wuṛṛu mallu'adda su al᷊o'engngu tempo.

2 TAWARIKH 7:16 ပူးပေါင်းရင်းမြစ်များ

1 MARARATU 8:35

Napawe uman-Nu ma'ola'a rosa Si'o wuṛṛu I'o makkuumanni mangitou ringannu tawe nanossokku uranna ana see i mangitou mawal᷊u wuassu rosa mangitou wuṛṛu mangaddatta Si'o Mawu, wua'udde sumaruanna watukku wal᷊en patataṛṛamawuanna indi see umal᷊iomanna Si'o,

1 MARARATU 8:44

Amungkangngu I'o mamarenta uman-Nu inai mapapangalo lumawangnga seetta, ana see su anambon tampa i mangitou isudde, i mangitou sumaruanna watukku soa apan nipile-Nu indi wuṛṛu umal᷊iomanna uasaruanna wal᷊en indi apan buatte ta'u niola'a Si'o,

1 MARARATU 8:48

Amungkangngu su wanua indi i mangitou ringannu naungnga mal᷊uassa wuṛṛu atonna-tonna manantangngu manga rosa mangitou, wuṛṛu umal᷊iomanna Si'o lapiddu sumaruanna watukku soa nipile-Nu wuṛṛu wal᷊en patataṛṛamawuanna apan buatte ta'u niola'a apan hunane Si'o indi,

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

2 MARARATU 21:4

Mawu buatte nabbisara manungku udde tampan daranta-Ne wuṛṛu tampan patataṛṛamawuanna si Tou, arawe poiaroddi su Wal᷊en Mawu, i Manasye buatte napararisikku manga mezbah hunan manga monganna.

2 TAWARIKH 30:8

Imbaṛṛangnga i yamiu mal᷊awangnga ere i mangitou, arawe paatuṛṛutte Mawu. Rantate watukku Yerusalem su Wal᷊en Mawu apan buatte niṛṛaen Mawu Ruatanu su watangan-Ne saran mal᷊annu-l᷊annu. Wette mattaṛṛamawu si Tou tadea'u umompo'e asasa'u-Ne su saruanni yamiu.

2 TAWARIKH 6:20

Antimanna allo ṛabbi I'o uasirungnga wal᷊en indi apan buatte nipile-Nu maola'a tampa patataṛṛamawuanna Si'o. Antimanna wuassu tampa atatanaan-Nu su surga I'o maddaringikka wuṛṛu mangampungnga si ya'u see lai ṛuangannu Israel al᷊aṛṛanang-Ngu udde, napawe yami sumaruanna wal᷊en indi wuṛṛu umal᷊iomanna Si'o.

2 TAWARIKH 7:12

Mawu naipasilon batangan-Ne apia si tou sutempo ṛabbi. Mawu nabbisara si tou, “Aal᷊iomannu buatte niraringiṛang-Ku wuṛṛu i Ya'u namarimmatu Wal᷊en indi maola'a tampa apan apianne pangonggol᷊annu sasamba si Ya'u.

2 TAWARIKH 7:15

I Ya'u sidutu ual᷊u'adda Wal᷊e-U indi wuṛṛu uasaddia maddaringikka anambon aal᷊iomanna apan iradduitta wuassu tampa indi.

2 TAWARIKH 7:17

Amungkangu i'o, ere i Daud iamangngu, mabbiakka tuttuṛutta apulu-U wuṛṛu mappaamattu manga tita-U wuṛṛu ma'ola'a sarangkanambone apan niparenta-U si'o,

DARALO 132:13

Ana waugu Mawu buatte namile Sion; i Tou mappulu maola'a tampa atatanaan-Ne.

DARALO 132:14

Wisara-Ne, “Ete isindi atatanaang-Ku saran mal᷊annu-l᷊annu, i Ya'u maapulu mamarenta sutampa indi.

ZAKARIA 3:2

Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

TAHIUL᷊E 12:21

Amungkangngu tampa apan nipilen Mawu Ruatanu tumaniten marau wuassu tampa atatanaannu, i yamiu wotongnge mamate sapi sambau, domba ara'e ambingnga apan nionggolu Mawu si yamiu, wuṛṛu uminassa ṛemessa su tampanu ringannu walate apulun naungngu, ere lai buatte ta'u niwal᷊o si yamiu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

KOLOSE 2:9

Ana waugu ahewallu paa'apulun Duata uatana'a sulal᷊ummi Kristus, eteudde su ola'u taumatane.