2 TAWARIKH 7:10 - WUKE SUSI WATTI'U AL᷊AL᷊USASSA

¹⁰ wuṛṛu tiṛṛabbine, su allo 23 wul᷊anna appitune, Salomo nandolokku manga taumata udde niapaapul᷊e. I mangitou lulluassa su sarangkanambone apan mapia apan buatte niola'u Mawu su walahannu Israel al᷊aṛanang-Nge, si Daud wuṛṛu si Salomo.

2 TAWARIKH 7:10 ပူးပေါင်းရင်းမြစ်များ

1 MARARATU 8:66

Su allo aual᷊une i Salomo nandolokku manga taumata nabbelengke su wal᷊en mangitou ringannu naungnga apan lullala'a, ana waugu anambon al᷊amatta apan buatte nionggollu Mawu su allang-Nge i Daud wuṛṛu su walahannu Israel uman-Ne.

2 TAWARIKH 29:36

Ne naungngi Ratu Hizkia wuṛṛu tumanangnge nal᷊uasse ana waugu sulal᷊ummu tempo apan mal᷊ihakka Ruata buatte nassumbala na'ola'a sarangkanambone udde.

2 TAWARIKH 30:26

Soa Yerusalem tumaniten marame, ana waugu ro'en i Salomo ana'i Daud uaparenta, taambe saran paassa pia arariadianna ereudde.

2 TAWARIKH 6:41

Darisikkewe orassa indi, oh Mawu Ruata! Wuṛṛu suadio'a ringannu Wantallu Paaire apan mapal᷊iatta'u taṛṛino-Nu udde, ṛinone I'o sumutta su Wal᷊en-Nu indi wuṛṛu matana'a isindi saran mal᷊annu-l᷊annu. Al᷊amatewe anambon manara manga imam, wuṛṛu antimanna al᷊aṛanang-Ngu sarangkanambone lulluassa ana waugu I'o marangngu si mangitou.

2 TAWARIKH 7:11

Napawe i Salomo nuddusse nandararisikku Wal᷊en Mawu wuṛṛu wal᷊en ratu ere buatte nihol᷊age,

2 TAWARIKH 7:9

Pitu allo al᷊annune i mangitou uaammulla su ipallaghu patatenegu mezbah Mawu, wua'udde pitu allo lai su ramea Sabbuan Rongnga. Su allo panginsueanne niola'a ramea panguddusanne,

NEHEMIA 8:10

Orassa indi apul᷊ete; ante wuṛṛu pa'inumpe ringannu lullala'a. Onggol᷊a'e sambageanganna wuassu anna wuṛṛu anggorenu si mangitou apan awussa. Allo indi allo apan niṛṛae su Mawu kite, nariaddi arie paasusa. Al᷊al᷊uassa apan nionggollu Mawu si yamiu sarun manohassa si yamiu.”

DARALO 100:2

Pattaṛṛamawute Mawu ringannu lulluassa, rantate su saruan-Ne ringannu aantarin al᷊al᷊uassa!

DARALO 105:3

Ete i Tou Mawu Apan Lembonsusi; lallala'e ana waugu i ite pussa'a-Ne, sarangkanambone apan massubba ṛinone lumuassa.

DARALO 106:5

Antimanna i ya'u maasilo lal᷊umanna'u manga taumata apan nipile-Nu, wuṛṛu lumuassa suadio'a ringannu al᷊aṛṛanang-Ngu. Antimanna i ya'u lumala'a wuṛṛu lumuassa suadio'a ringannu manga taumata apan nabbal᷊i pussa'a-Nu.

DARALO 32:11

Ei manga taumata susi, lallala'e wuṛṛu lalluasse ana waugu apa apan buatte niola'u Mawu. Paggioten al᷊al᷊uassa, ei anambon taumata apan naungnge matul᷊idda!

DARALO 92:4

lapiddu mannengkella hitare tal᷊ine mapul᷊o, rarundinganannu gambus wuṛṛu kecapi.

SASABANGNGA 18:1

I Yitro la'iananni Musa, imam su Midian, naaringikka su ola'u sarangkanambone apan nimanara Mawu si Musa wuṛṛu balahannu Israel, su tempo udde i tou namiaṛṛa'i mangitou sinumabangnga wuassu Mesir.

YEHEZKIEL 45:25

Su Andeangngu Rasannu Rongnga, apan itattakka su allo mapul᷊o l᷊ima wul᷊anna appitune, miallo-miallo al᷊annune pitu allo tembonanne ṛinone mangonggollu manga sasamba apan uasul᷊ungnga, eteudde sasamba aampungnga rosa, sasamba itattambunna, wuṛṛu sasamba gandumma see lanan zaitun.”

WATTI'U MANGA RASUL 16:34

Wua'udde i tou nangapiddi Paulus wuṛṛu i Silas su wal᷊ene wuṛṛu itarua niapaante. I tou wuṛṛu lal᷊oṛṛon wal᷊ene mangke lulluassa ana waugu i mangitou orassa udde nangngimante Ruata.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

TAHIUL᷊E 12:12

Lallala'e su saruannu Mawu Ruatanu, suadio'a ringannu manga anangngu, manga allangngu wuṛṛu manga taumatan Lewi apan uatana'a su manga soanu, ana waugu taumatan Lewi tawe naasomba wageangngu leta'a su wanuanu.

TAHIUL᷊E 12:18

I yamiu wuṛṛu manga anangngu, suadio'a ringannu manga allangngu wuṛṛu manga taumatan Lewi apan utana'a su manga soanu, ṛinone umanna sasamba udde su saruannu Mawu Ruatanu, su tampa apan nipilen Mawu Ruatanu. Wuṛṛu su tampa udde i yamiu ṛinone lulluassa ana waugu al᷊awo'u inasaharannu.

TAHIUL᷊E 12:7

Isudde lai, su saruannu Mawu Ruatanu, i yamiu suadio'a ringannu amonannu ṛinone umanna wuṛṛu lulluassu inasaharannu apan pia gessine ana waugu nial᷊amatannu Mawu Ruatanu.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 16:14

Lallala'e suadio'a ringannu manga anangngu, manga allangngu, taumatan Lewi, taumata raho, ana'a asisitimpal᷊ussa, manga wawine wal᷊u apan uatana'a su manga soanu.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!