2 TAWARIKH 6:41 - WUKE SUSI WATTI'U AL᷊AL᷊USASSA

⁴¹ Darisikkewe orassa indi, oh Mawu Ruata! Wuṛṛu suadio'a ringannu Wantallu Paaire apan mapal᷊iatta'u taṛṛino-Nu udde, ṛinone I'o sumutta su Wal᷊en-Nu indi wuṛṛu matana'a isindi saran mal᷊annu-l᷊annu. Al᷊amatewe anambon manara manga imam, wuṛṛu antimanna al᷊aṛanang-Ngu sarangkanambone lulluassa ana waugu I'o marangngu si mangitou.

2 TAWARIKH 6:41 ပူးပေါင်းရင်းမြစ်များ

1 TAWARIKH 28:2

I Daud dirumarisikka su saruanni mangitou wuṛṛu nabbisara, “Manga tuṛṛangku sambalahanna, paddaringikke! Mal᷊annute i ya'u pia pandumma mapararisikku sambau wal᷊en apan matohassa panahipunanna Wantallu Pa'aire, dararisirannu leddan Mawu Ruatan kite. I ya'u buatte nanaddia aolangnge ipandarisikku sambau wal᷊en apan passubbanna si Tou.

NEHEMIA 9:25

Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

DARALO 110:2

Wuassu Sion Mawu sarun manggewalla araratuannu; pamarentate manga seennu!

DARALO 132:16

Manga imammi mangitou namasilon asasal᷊amatta wuassia-U; tumanangnge sarun mangngantari wuṛṛu lumala'a.

DARALO 65:11

I'o napa'elekku ua'e su sasal᷊uṛṛannu pajekone wuṛṛu I'o namokka letangnge. I'o nanuwukka leta'a ringannu uranna, wuṛṛu rariagan-Nu lal᷊uwone tuttuwo masuwukka.

DARALO 65:4

Manga rosa'u tumaniten mawakkata si ya'u, arawe I'o mangke nangampungnga.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YESAYA 61:6

I yamiu sarun isaggo allangngu Ruata wuṛṛu isaggo imam wuassu Mawu kite. I yamiu sarun maatemma pa'aala manga walahanna wuṛṛu maapendamma lulluassa ana waugu darotongngi mangitou.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

ZAKARIA 9:17

Apiawe eteapa leta'u Mawu sal᷊immurine, tumaniten mapia wuṛṛu aṛṛamage! Isudde anggore wuṛṛu gandumma tinumuwo masuwukka, naaola'a umbasanna maṛṛuala a'atambanna atohanne.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ROMA 13:14

Wala'e Mawu Yesus Kristus mangatokku apa apan sarun olaanna. Wuṛṛu imbaṛṛangnga tumuṛṛutta pallal᷊agun taumata marosa ipamatu'a apulun naungnga.

GALATIA 3:27

I yamiu sarangkanambone buatte nisaṛṛani sulal᷊ummu aranni Kristus, nariaddi yamiu buatte nanengkamma sulal᷊ummu watanganni yamiu pallal᷊agun Kristus sassane.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

YOSUA 3:13

Man napawe manga imam apan uapasanna Wantalu Pa'aire Mawu naṛṛindaten leddane sulal᷊ummu ua'en sal᷊ukka Yordan udde, ua'e mangngelekka sarun matta'alla; ua'e apan mangngelekka wuassu ul᷊une aṛṛapinganna su sambau tampa.”

SONDAPPA 19:14

Tantaram pangalo wuassu surga uatantalongnga si Tou ringannu uasa'e manga awal᷊o mawira, wuṛṛu uapeddetu lenan mawira wuṛṛu waresi.

SONDAPPA 19:8

Peddeta lenan apan sussal᷊endapa suete nionggolla si tou iapaal᷊uṛṛe.” (Peddeta lenanna udde eteudde manga inolaanna apan mapia apan niola'u al᷊aṛṛana'u Ruata.)