2 TAWARIKH 6:4 - WUKE SUSI WATTI'U AL᷊AL᷊USASSA

^4-6 I tou nabbisara, “Dorone Mawu buatte na'ire su iamangku Daud arendi, ‘Ro'en i Ya'u nangapiddu walahang-Ku sinumabbangnga wuassu Mesir naddatingngu allo indi, su wanuan Israel tawe sambau soa apan Ta'u nipile maola'a tampa apan ṛinone paparisiṛannu wal᷊en patataṛṛamawuanna si Ya'u, wuṛṛu tawe saran sangkatou apan Ta'u nipile iapapiaṛṛa'u walahang-Ku Israel. Arawe orassa indi Ya'u namile Yerusalem maola'a tampa patataṛamawuanna si Ya'u. Wuṛṛu i'o, Daud, Ta'u pileanna iapaparenta walahang-Ku.’ Daralo su Mawu Ruatan Israel apan buatte nanipussa paaire-Ne udde!”

2 TAWARIKH 6:4 ပူးပေါင်းရင်းမြစ်များ

1 MARARATU 8:15

I tou nabbisara, “Dorone Mawu buatte naddiandi su iamangku Daud arendi, ‘Ro'en i Ya'u nangapiddu uma-U sinumabbangnga wuassu Mesir, su ahewallu wanua Israel tawe saran sambau soa apan Ta'u nipile maola'a tampa suapa tampa pa'olaanna wal᷊en maola'a tampa patataṛṛamawuanna si Ya'u. Arawe i'o, Daud, Ta'u nipile mamarenta uma-U.’ Dalo su Mawu Ruatan Israel apan buatte nanipussa pa'aire-Ne udde!”

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

2 TAWARIKH 6:15

I'o buatte nanipussa paaire-Nu su iamangku Daud. Sarangkanambone apan nipa'ire-Nu udde buatte nimanara'u allo indi.

2 TAWARIKH 6:3

Napawe buatte niumal᷊iomanna, ratu nanaile anambon tumanangnge apan tantal᷊anna uarisikka isudde, ana see i tou sinumal᷊ande al᷊amattu Ruata si mangitou.

NEHEMIA 8:6

Ezra nabbisara, “Paddalote Mawu, Ruata apan wahewalla!” Anambon tumanangnge namatten lima matangga-tanggakka wuṛṛu sinumimbakka, “Amin, amin!” Ana see i mangitou niumal᷊intudda nassubba Ruata.

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

DARALO 68:4

Arawe taumata ma'imanna lullala'a wuṛṛu lulluassa, i mangitou mangngintul᷊in al᷊al᷊uassa su saruannu Ruata.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.