2 TAWARIKH 4:7 - WUKE SUSI WATTI'U AL᷊AL᷊USASSA

^7-8 I tou lai na'ola'a mapul᷊o leddan sol᷊o wuassu wul᷊awanna tumuṛṛuttu saṛṛene apan buatte niṛṛiinna, wuṛṛu 10 medda. Anambon leddan sol᷊o wuṛṛu medda udde niaddo sulal᷊ummu wabbo'a paarorone su Wal᷊en Mawu – sambau-sambau eteudde lima su samba'a aiṛṛi, wuṛṛu lima lai su samba'a aikkatanna. I tou lai nallanginnu 100 mangko wul᷊awanna.

2 TAWARIKH 4:7 ပူးပေါင်းရင်းမြစ်များ

1 MARARATU 7:39

I Huram nangaddon lima kereta su samba'an timukku Wal᷊en Mawu, wuṛṛu lima su samba'a sawannakka. Wensadda witu'a niaddone su wuune samba'a maṛṛai.

1 TAWARIKH 28:12

I Daud nanantillu lai anambon ṛiinna apan buatte niṛṛingidde su ipa'ola'a manga rallakka ringannu manga wabbo'a apan uapal᷊iwutta, wuṛṛu manga gudangnga panahipunanna aola'u Wal᷊en Mawu udde see lai manga gudangnga panahipunanna manga aonggola su Mawu.

1 TAWARIKH 28:14

I tou nangonggolu manga tatantiro su ola'u ereapa mammanara wul᷊awanna wuṛṛu sal᷊a'a ipallanginnu manga saranapa,

1 TAWARIKH 28:15

ipallanginnu manga sasol᷊oanna wuṛṛu leddan sasol᷊oanna,

1 TAWARIKH 28:19

Ana see i Ratu Daud nabbisara, “Sarangkanambone udde uawoṛṛetta sulal᷊ummu ṛiinna apan buatte niwoṛṛetta uasul᷊ungngu tatantiro apan nionggolu Mawu sassane iapamanara si ya'u.”

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

IBRANI 8:5

Manara apan a'olaanni mangitou ere sangkatou imam udde, tumba'u sambau hambaranna ara'e lintau wuassu apa apan su surga. Udde suete niapaasingkatu Ruata si Musa rorone, su tempo i Musa ma'apulu mapararisikku Rasannu Mawu. Ruata nabbisara arendi si Musa, “Naunge! Sarangkanambone udde ṛinone olaannu tumuṛṛuttu tul᷊adane apan niapaasilo si'o raso su wowone.”

SONDAPPA 1:20

Ete indi addapinga wuassu anumpitanna pitu apan niasiloannu su lima uanang-Ku, wuṛṛu wuassu pitu leddan sol᷊o wul᷊awanna udde: Anumpitanna pitu udde eteudde manga mala'ekatta su pitu jamaatta, wuṛṛu pitu leddan sol᷊o udde eteudde pitu jamaatta udde.”