2 TAWARIKH 32:1 - WUKE SUSI WATTI'U AL᷊AL᷊USASSA

¹ Napawe i Ratu Hizkia napal᷊iatta'u tatuṛṛunne su Mawu, Sanherib ratun Asyur namangalote Yehuda. I tou namangalo manga soa apan pia tanda'a watune wuṛṛu namarenta tantarane niapaaṛṛo manga saranapa.

2 TAWARIKH 32:1 ပူးပေါင်းရင်းမြစ်များ

2 MARARATU 15:19

Sutempo i Pul ratun Asyur namangalo Israel, i Menahem nangonggola si tou 34.000 su kilone sal᷊a'a tadea'u i tou massumbala mapatenegu taṛinon Menahem su Israel.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

2 MARARATU 18:11

Wua'udde ratun Asyur nangapiddu taumatan Israel apan niawawi udde watukku Asyur; sambageanganna wuassi mangitou niapaatana'a su soa Halah, sambageanganna maranin Sal᷊ukku Habor su wageangu leta'u Gozan, wuṛṛu sambageanganna lai su manga soa su wanua Madai.

2 MARARATU 19:19

Ore Mawu, Ruatan kami, pallosaawe yami wuassu manga taumatan Asyur udde, tadea'u al᷊awo'u walahanna su runia masingkata manungku tumba'u I'o Ruata.”

2 TAWARIKH 32:2

Napawe i Hizkia naasingkatta manungku Sanherib pia pandumma mamangalo Yerusalem,

2 TAWARIKH 35:20

Napawe i Ratu Yosia buatte nammanara sarangkanambone udde su Wal᷊en Mawu; Nekho ratun Mesir namiaṛṛa'u tantarane inai mapapangalo su Karkemis maranin Sal᷊ukku Efrat. Yosia maddea'a mapamo'a si tou,

YESAYA 10:32

Allo indi seetta poite su soa Nob, wuṛṛu isudde i mangitou mammansagu angkumma watukku Wuiddu Sion, su soa Yerusalem.

YESAYA 36:1

Su tonna mapul᷊o appatta su pamamarentan Hizkia ratun Yehuda, manga soan Yehuda apan pia tandange watu nipangaloanna wuṛṛu niwaddon Sanherib, ratun Asyur.

YESAYA 37:37

Ne sinumoṛṛotte i Sanherib, ratun Asyur, wuṛṛu napul᷊ete su Niniwe.

HOSEA 11:5

Manga taumatan Israel udde maddiri mabbelengnga apia ringang-Ku, ana waugu ude i mangitou ṛonone mabbelenga watukku Mesir, wuṛṛu walahannu Asyur sarun mamarenta si mangitou.

MIKHA 2:13

I Ya'u sarun mamu'a lal᷊anna wuṛṛu mangapiddi yamiu sumabbangnga wuassu pamamuanganna. I yamiu sarun manggohakku manga ngara wahewalla wuṛṛu umamatta ringannu tawe singkal᷊one. I Ya'u, Mawu sassane, uddewe Ratunu, wuṛṛu i Ya'u sarun mamiaṛṛa'i yamiu sumabbangnga.”