2 TAWARIKH 26:16 - WUKE SUSI WATTI'U AL᷊AL᷊USASSA

¹⁶ Napawe i Ratu Uzia matohasse, i tou nabbal᷊i mawunga, wuṛṛu udde panattaṛṛannu nanawon araratuanne. I tou nilumawangnga parentan Mawu Ruatane ana waugu sinumutta su Wal᷊en Mawu manambunnu amania su wowon mezbah amania.

2 TAWARIKH 26:16 ပူးပေါင်းရင်းမြစ်များ

1 MARARATU 13:1

Sutempo udde pia sangkatou nabi su Yehuda. I tou nirolokku Mawu inai watukku Betel. Nabi udde na'omate poiaroddi sutempo i Yerobeam tantanl᷊anna uarisikka su saruannu mezbah mangngonggollu sasamba.

2 MARARATU 14:10

I'o, Amazia, nabbal᷊ite mawunga, ana waugu i'o buatte namaddon taumatan Edom. Ne wal᷊inewe auntunganna udde wotongngete? Mappianne i'o paatana'e su wal᷊en! Ipa'ura maddea'a hatto tumba'u manilaka watangannu wuṛṛu tumana'u soanu?”

2 MARARATU 15:5

Mawu nangonggola si tou radda'a su pisi apan ma'ata'utta, na'oman sara i tou natete, raddange udde tawe mapia. I tou niṛṛae su sambau wal᷊en wuṛṛu niwala aroddi wuassu manarane. I Yotam anangnge namarenta tumanange naola'a sangkatou tepellu ratu.

2 TAWARIKH 12:1

Napawe pamamarentan Rehabeam naola'a sangkatou ratu matohasse, i tou wuṛṛu tumana'u Israel sarangkanambone tate tumuṛṛutta titan Mawu,

2 TAWARIKH 25:19

I'o Amazia, tuttal᷊umama manungku i'o buatte namaddon taumatan Edom, arawe mappianne i'o paatana'e su wal᷊en. Ipa'ura uaradea'a hatto apan tumba'u manilaka watangannu wuṛṛu tumanangngu?”

2 TAWARIKH 26:15

Su Yerusalem manga mapapanden lutangnga buatte nallanginnu sambau lutangnga apan wotongnge mamiti'u anaanna wuṛṛu manga watu wahewalla wuassu lal᷊ummu wal᷊en matanggakka, wuṛṛu su manga pabbuuannu darandungngu soa. Uzia tinumelengke su al᷊awo'u tampa wuṛṛu nabbal᷊ite lembon mataṛṛino ana waugu Ruata lembon mantul᷊ungngi tou.

2 TAWARIKH 27:2

Yotam maal᷊uassa naungngu Mawu, ere lai i Uzia iamangnge. Tumba'u i tou tawe manambunnu amania su Wal᷊en Mawu, ere buatte niola'u iamangnge. Salaiwe aroddi, tumana'u soa sidutu ma'ola'a rosa.

2 TAWARIKH 32:25

Arawe ana waugu i tou mawunga, i tou tawe naadiangkamanna su apapia apan buatte nionggolu Mawu si tou. Ana waugu' udde Mawu nasa'u su Yehuda wuṛṛu Yerusalem.

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

DANIEL 11:12

Wua'udde i tou sarun lumassa ana waugu auntunganne wuṛṛu ana waugu buatte namate manambo seetta, arawe i tou tawe sidutu uataṛṛino.

DANIEL 8:8

Ambingnga mendangenna udde aatambanna ahewalle. Arawe napawe i tou na'omate su pattaal᷊annu taṛṛinone, nappaddite tandungnge apan masallakka udde, ana see su tampa udde tinumuwote appattu wau tandu'a apan mallo'enganna, sambau-sambau watukku tampa apan uapapaṛṛala.

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

REENGANNA 16:1

I Korah ana'i Yizhar wuassu ṛuanganni Kehat, ṛuanganni Lewi, nilumawangnga si Musa. I tou nilal᷊imannu siri tallu wuassu ṛuanganni Ruben, eteudde i Datan wuṛṛu i Abiram manga ana'i Eliab, wuṛṛu i On ana'i Pelet, wuṛṛu lai 250 su atoune piaṛṛangnge apan tinumelengnga nipilen tumana'u wanua.

REENGANNA 16:18

Ne sambau-sambau nanganu tampan putungnge, tinaṛṛoannu waṛṛan putungnga wuṛṛu amania, ana see dirumarisikka su ngaran Dasanna Mawu suadio'a ringanni Musa wuṛṛu i Harun.

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

REENGANNA 17:5

Ta'innu taumata apan i Ya'u nipile sarun massolla. Ringannu olangnge udde i Ya'u sarun mapata'allu manga sasamboṛṛen taumata apan sidutu sussamboṛṛe si yamiu.”

TAHIUL᷊E 8:14

paarigaite paapia-pia tadea'u i yamiu tawe mabbal᷊i mawunga wuṛṛu maabul᷊in Mawu Ruatanu apan namallossi yamiu wuassu Mesir, su tampa i yamiu mattaṛṛuallanga.

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,