2 TAWARIKH 22:9 - WUKE SUSI WATTI'U AL᷊AL᷊USASSA

⁹ Wua'udde i tou nandolokku taumata niaparea'a si Ahazia apan sutempo udde uaimbuni su Samaria. Napawe i Ahazia niasombangante, i tou niapidda ringanni Yehu wua'udde nipate. Salaiwe aroddi i tou nilabbingi mangitou lai ana waugu i mangitou mangngaddata si Ratu Yosafat, iupungnge apan mangngaddata Mawu ringannu ahewallu naungnge. Wuassu amonanni Ahazia tawe saran sangkatou apan wotongnge mamarenta.

2 TAWARIKH 22:9 ပူးပေါင်းရင်းမြစ်များ

1 MARARATU 13:21

na'oman sara i tou nanagu nabi wuassu Yehuda udde, wisarane, “Mawu nabbisara manungku Tuṛṛangnga tawe matuṛṛutta si Tou. Tuṛṛangnga tawe napaamattu apa apan niparenta-Ne su Tuṛṛangnga.

1 MARARATU 14:13

Anambon tumana'u Israel sarun lunal᷊o wuṛṛu mallabbingi tou. Ete i tou suwallattu sangkatou wuassi amonanni Yerobeam apan nilabbinga ringannu mapia, ana waugu tumba'u i tou apan naṛṛino su naungngu Mawu, Ruatan Israel.

2 MARARATU 9:34

Ana see i Yehu sinumutta sulal᷊ummu wal᷊en araratuanna wuṛṛu inumanna. Wua'udde i tou nabbisara, “Wawine niawontohanna. Salaiwe aroddi, labbinga'e winal᷊unanne, ana waugu i tou ana'u ratu.”

2 TAWARIKH 19:3

Salaiwe aroddi piaddu lai apapia si Tuangnga. i Tuangnga buatte nandammen anambon paal᷊uannu Monganni Asyera apan sassubbannu tumana'u soa wuṛṛu i Tuangnga buatte nattinsahadda mabbiakka tumuṛṛuttu apulun Duata.”

2 TAWARIKH 21:17

I mangitou namangalo Yehuda, nangaṛṛo wal᷊en araratuanna, ana see nangapiddu anambon ana'a wuṛṛu awingngi Yehoram naola'a taumata niatawanna, tumba'u i Ahazia anangnge esakka atuarianne apan nal᷊iudda.

2 TAWARIKH 21:20

Tawe saran sangkatou apan sinumassillu papatene. I tou nilabbinga su Soan Daud, arawe tawe sulal᷊ummu labbingu manga ratu. Sutempo i tou naola'a ratu, Yehoram uukke 32 su tonnane, wuṛṛu i tou namarenta su Yerusalem 8 su tonnane al᷊annune.

2 TAWARIKH 21:4

Sutempo i Yehoram naapendamma araratuanne matohasse, i tou nandolokku taumata niapapate anambon manga tuṛṛangnge, wuṛṛu manga pira lai mamanaran araratuanna apan atanggaṛṛanne.

2 TAWARIKH 22:8

Tantal᷊anna i Yehu mappaamattu ṛuumannu Mawu su amonanna udde, i tou nassomban sambau ammul᷊annu tembonannu Yehuda wuṛṛu manga tuṛṛangngi Ahazia apan uatantalongnga lai sulal᷊ummu patatembo udde. Ne i Yehu namate si mangitou sarangkanambone.

2 TAWARIKH 24:25

Yoas nal᷊essa wahewalla. Napawe tantaran seetta napul᷊ete, ruang katou mamanarane nabbaidda. Itarua mamate si Yoas su tampa atatiil᷊anne ipabbal᷊issa ere lai i tou namate ana'i Imam Yoyada. Ratu Yoas nilabbinga su Soan Daud, arawe tawe su labbingu manga ratu. (

2 TAWARIKH 33:24

Manga mamanaran araratuanni Ratu Amon naammulla nilumawangnga si tou wuṛṛu i tou nipate su wal᷊en araratuanna.

YEREMIA 29:13

I yamiu sarun maddea'a si Ya'u wuṛṛu maasomba si Ya'u, ana waugu i yamiu maddea'a ringannu ahewallu naungnga.