2 TAWARIKH 20:2 - WUKE SUSI WATTI'U AL᷊AL᷊USASSA

² Ne nirumantate taumata uaapiddu watti'a indi si Ratu Yosafat, “Tumaniten manambo tantaran Edom nirumanta wuassu samba'an tahal᷊oangnga Nate mamangalo si Tuangnga. I mangitou napangaṛṛote soa Hazezon-Tamar.” (Hazezon-Tamar eteudde aranne waine wuassu soa En-Gedi.)

2 TAWARIKH 20:2 ပူးပေါင်းရင်းမြစ်များ

PANDARIADDI 14:3

Siri lima ratu udde nabbaidda wuṛṛu nangammullu tantara mangitou su Wawal᷊annu Sidim, apan orassa indi isassago Tahal᷊oangnga Nate.

PANDARIADDI 14:7

Wua'udde manga mangangenggenna nabal᷊i'a apia wuṛṛu nabelengke watukku En-Mispat apan orassa indi isassago Kades. I mangitou nanahuanna ahewallu leta'u Amalek wuṛṛu napaarugin taumatan Amori apan uatana'a su Hazezon-Tamar.

ANTARI MAWANTUGA 1:14

Arangnguangku naal᷊ihidda sampunna bunga soṛṛongu manu'a su manga waillu anggore En-Gedi.

YEHEZKIEL 47:10

Wuassu manga al᷊imatang kua'e su En-Gedi maddatingngu al᷊imatang kua'e su En-Eglaim, manga winggine sarun marame ringannu manga samakka apan mammatin soma mangitou isudde. Al᷊awo'u hatin inassa sarun pia sulal᷊ummu ua'e udde, ere apan pia sulal᷊ummu Tahal᷊oangnga Tangngane.

YEHEZKIEL 47:19

Passaranna su samba'a timukka mabbatukku taṛṛanganna, wuassu Tamar watukku al᷊imatang kua'e Kades-Meriba, ana see i tou watukku pal᷊onna su al᷊o'engngu passarannu Mesir maddatingngu Tahal᷊oangnga Tangngane.

YEHEZKIEL 48:28

Su samba'a timukku leta'u Gad pia passaranna apan nanattakka wuassi taṛṛanganna Tamar sumabbi al᷊imatan kua'e Kades-Meriba, ana see watukku pal᷊onna al᷊o'engngu passarannu Mesir maddatingngu Tahal᷊oangngu Tangngane.

REENGANNA 34:12

wua'udde watukku timukka su al᷊o'engngu Sal᷊ukku Yordan maddatingngu Tahal᷊oangnga Nate. Eteudde wanuanu tumuṛṛuttu manga passaranna apan uapal᷊iwutta.”

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.