2 TAWARIKH 2:4 - WUKE SUSI WATTI'U AL᷊AL᷊USASSA

⁴ Orassa indi ya'u mapararisikku sambau wal᷊en patataṛṛamawuanna apan tumba'u ipangaddatta Mawu Ruata'u. Su wal᷊en udde i ya'u wuṛṛu tumana'u araratuangku sarun mattaṛamawu si Tou ringannu manambunnu amania mawangngi, lapiddu mangonggolu roti ia'imbe si Tou sumiallo-miallo. Su wal᷊en udde lai yami sarun mangonggolu sasamba itattambunna suapan marua allo wuṛṛu maṛṛabbi, suapan allon Sabata, allo wahewa Wul᷊anna Wakku wuṛṛu allo waine apan buatte niṛṛae tumba'u ipangaddata Mawu Ruatan kami. Ana waugu, i Tou buatte namarenta tadea'u olangnge udde sarun iapaamattu taumatan Israel saran mal᷊annu-l᷊annu.

2 TAWARIKH 2:4 ပူးပေါင်းရင်းမြစ်များ

1 MARARATU 5:5

Mawu buatte naddiandi arendi su iamangku Daud, “Anangngu apan Ta'u itenega maola'a ratu mallol᷊ossa si'o sarun mapararisikku wal᷊en tampa patataṛṛamawuanna si Ya'u.” Ana waugu udde, Tuangnga Hiram Apan Mawantuga, i ya'u, Salomo, buatte nakkawessa mapararisikku wal᷊en udde.

1 MARARATU 8:18

Arawe Mawu nabbisara si tou, ‘Pandumannu udde mapia.

1 MARARATU 8:63

Hunan sasamban paddarame i Salomo nangonggolla 22.000 sapi wuṛṛu 120.000 domba. Etearoddi ratu wuṛṛu anambon tumanangnge na'ola'a lal᷊aghun patatenegu Wal᷊en Mawu.

1 TAWARIKH 22:5

I Daud na'ola'a sarangkanambone udde ana waugu i tou maṛṛingidda arendi; “I ya'u ṛinone mandiahi saranapa apan pappandumanna ipandarisikku Wal᷊en Mawu. Ana waugu i Salomo parinsi-U ta'e dario'a wuṛṛu addio'a asingkanne, arawe Wal᷊en Mawu apan iapararisikke ṛinone apianne wuṛṛu tumelengnga su ahewallu runia.” Ne tantal᷊anna i Daud taambe nate, i tou nanaddia manambo atonna aola'u wangunanna.

2 TAWARIKH 13:11

Suapan marua allo wuṛṛu wawallo i mangitou mannambunnu amania wuṛṛu mangonggollu sasamba itattambunna su Mawu, lapiddu mangngatokku roti ia'imbe. Suapan maṛṛabbi i mangitou mande'omma manga sol᷊o su leddan sol᷊o wul᷊awanna. Yami sidutu uararingikka manga parentan Mawu, arawe i yamiu buatte nanantangngu Mawu.

2 TAWARIKH 2:1

I Ratu Salomo buatte nakkawessa mapararisikku Wal᷊en Mawu, wuṛṛu sambau wal᷊en araratuanna.

NEHEMIA 10:33

I yami sarun manaddia hausannu patataṛṛamawu su Wal᷊en Mawu, eteudde: roti sasaru, sasamba gandumma mamiallo, winatangnga maola'a sasamba itattambunna mamiallo, sasamba susi waine, manga sasamba aampungnga rosan Israel, wuṛṛu al᷊awo'u manga apa pappandummanna hunan Wal᷊en Mawu.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

DARALO 96:4

Ana waugu wahewalle Mawu, wuṛṛu lembon raddaloanna, ṛinone iaata'utta nilumambalanna wuassu al᷊awo'u monganna.

SASABANGNGA 25:30

Medda udde ṛinone iaddo su saruannu Wantallu Pa'aire, wuṛṛu su wowon medda udde ṛinone sidutu uaraddo roti annananna.”

SASABANGNGA 30:7

Suapan marua allo su tempo i Harun dumanta manaddia sol᷊o, i tou ṛinone manutungnga amania mawangngi su wowon mezbah udde.

AMSAL 7:20

I tou uaapiddu manambo roitta, wuṛṛu tawe mapul᷊e sulal᷊ummu daruang kamisa indi.”