2 TAWARIKH 2:3 - WUKE SUSI WATTI'U AL᷊AL᷊USASSA

³ Salomo nandohon batti'a indi si Hiram ratun Tirus, “Ṛinone i Tuangnga mangatokku paddaragangnga ringangku ere lai niola'i Tuangnga si Daud iamangku. Tuangnga buatte nabbal᷊u'u alun cemaran Libanon si tou niapaola'a wal᷊en araratuanne.

2 TAWARIKH 2:3 ပူးပေါင်းရင်းမြစ်များ

2 SAMUEL 5:11

I Ratu Hiram wuassu wanua Tirus nandolokku manga tembonanne inai ringanni Daud, see alu cemara wuassu Libanon wuṛṛu manga wasen kalu see lai manga wasen batu inai mapararisikku wal᷊en araratuanna.

1 TAWARIKH 14:1

I Ratu Hiram wuassu wanua Tirus nandolokku manga daroloṛanne inai ringanni Ratu Daud, see lai alu cemara wuassu Libanon wuṛṛu manga wasen kalu see lai taṛṛa meselle iapaola'a wal᷊en araratuanna.

2 TAWARIKH 13:11

Suapan marua allo wuṛṛu wawallo i mangitou mannambunnu amania wuṛṛu mangonggollu sasamba itattambunna su Mawu, lapiddu mangngatokku roti ia'imbe. Suapan maṛṛabbi i mangitou mande'omma manga sol᷊o su leddan sol᷊o wul᷊awanna. Yami sidutu uararingikka manga parentan Mawu, arawe i yamiu buatte nanantangngu Mawu.

2 TAWARIKH 24:14

Napawe manara udde nasuete, wul᷊awanna wuṛṛu sal᷊a'a lambene nitantilla su Ratu wuṛṛu si Yoyada. Ana see wul᷊awanna wuṛṛu sal᷊a'a apan nipaatta pina'ola'a manga saranapa su Wal᷊en Mawu, erenai: saranapa ipappaatta su ipallaghu patataṛṛamawu, sasamba itattambunna, manga lama'a pangadoannu amania, wuṛṛu manga mangko. Su al᷊annune Imam Yoyada ta'e wiakka, sasamba itattambunna sidutu ia'onggola su Wal᷊en Mawu.

2 TAWARIKH 4:19

Ratu Salomo lai nandolokka niapal᷊anginnu manga saranapa waine wuassu wul᷊awanna tutune tadea'u iaddo su Wal᷊en Mawu. Indiwe manga saranapa apan nilanginne udde: Mezbah Medda pangimbeannu roti Anambon leddan sol᷊o ringannu sol᷊one wuassu wul᷊awanna tutune tadea'u re'omanna su saruannu Wabbo'a Lembon Susi, ere buatte niṛṛiinna Manga lal᷊ogakka saṛṛene ere bunga Manga sol᷊o Manga sasipitta Wawaresi sumbun sol᷊o Manga mangko Manga lama'a amania Manga lama'a human waṛṛa Anambon ngara suttanna su Wal᷊en Mawu wuṛṛu ngara Wabbo'a Lembon Susi nioosannu wul᷊awanna.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

EZRA 6:3

“Su tonna paarorone sutempo i Ratu Kores uaparenta, i tou napaasabbangngu parenta tadea'u Wal᷊en Mawu su Yerusalem olaanna apia maola'a tampan taumata mangngapiddu sassamba wuṛṛu panambunannu sasamba. Atanggakku Wal᷊en udde ṛinone 27 metere wuṛṛu al᷊alakke 27 metere lai.

NEHEMIA 10:34

I yami, tumana'a, manga imam wuṛṛu manga taumatan Lewi, sarun mandammen undi suapan tonna ipanantunna ṛuanganna suapa apan ṛinone manaddia alu anutungnga ipallaha manga sasamba ionggolla su Mawu Ruatan kami, tumuṛṛuttu atorannu Tita.

SASABANGNGA 25:30

Medda udde ṛinone iaddo su saruannu Wantallu Pa'aire, wuṛṛu su wowon medda udde ṛinone sidutu uaraddo roti annananna.”

SASABANGNGA 29:38

“Miallo-miallo saran mal᷊annu-l᷊annu su wowon mezbah udde ṛinone olaanna sasamba darua domba uukke santonna.

SASABANGNGA 29:39

Sambau maola'a sasamba maru'allo, wuṛṛu waine maola'a sasamba wawallo.

SASABANGNGA 29:41

Ana'u domba olaanna sasamba wawallo ṛinone ionggola ringannu olangnge apan uasul᷊ungnga, raringanannu taponna, lanan zaitun wuṛṛu ua'en anggore. Hal᷊urun sasamba udde naal᷊uassa naung-Ku.

SASABANGNGA 30:7

Suapan marua allo su tempo i Harun dumanta manaddia sol᷊o, i tou ṛinone manutungnga amania mawangngi su wowon mezbah udde.

IMAMATTA 23:2

manga atoranna su ola'u ramean agama, apan ṛinone iapasingkatta maola'a allo wahewa ipattaṛṛamaawu.

IMAMATTA 9:17

Wua'udde i tou nangonggolu sasamba ia'imbe; i tou nanganu taponna sangkangkumma, wuṛṛu nitambunni tou su wowon mezbah. Udde tatambane su sasamba itattambunna mamiallo.

REENGANNA 28:11

Su panattaṛṛannu suapan bul᷊anna ṛinone ionggola su Mawu sasamba itattambunna darua sapi esakka wakku, darua domba esakka, pitu ana domba esakka uukke santonna, sambau-sambau tawe sangkulle.

REENGANNA 28:9

Su allon Sabat ṛinone ionggola darua ana'u domba esakka uukke santonna wuṛṛu tawe sangkule, darua sukilone taponna lal᷊o'annu lanan zaitun maola'a sasamba ia'imbe wuṛṛu sasamba ua'en anggore.