2 TAWARIKH 2:16 - WUKE SUSI WATTI'U AL᷊AL᷊USASSA

¹⁶ Yami sarun manuwangnga alu cemara wuassu leta'u panenteannu Libanon suapan pappandumanni Tuangnga, ana see wa'isanna maola'a ṛumbanna, wuṛṛu iapa'elekka su tahal᷊oangnga maddatingngu Yope. Wua poiaroddi i Tuangnga wotongnge mangapidda watukku Yerusalem.”

2 TAWARIKH 2:16 ပူးပေါင်းရင်းမြစ်များ

1 TAWARIKH 22:2

I Ratu Daud nandolokka niapaammulu anambon taumata raho apan uatana'a su wanuan Israel, ana see nandolokki mangitou niapamanara. Sambageanganna wuassi mangitou mammaangnga watu su Wal᷊en Mawu.

2 TAWARIKH 30:25

Tumana'u Yehuda, manga imam, manga taumatan Lewi, manga taumata apan nirumanta wuassu sawannakka, see manga taumata raho apan namanuate su leta'u Israel wuṛṛu Yehuda, sarangkanambone naapendamma al᷊al᷊uassa.

2 TAWARIKH 8:7

Anambon papapulunnu walahannu Kanaan apan tawe nasuen patene su taumatan Israel sutempo i mangitou napangaṛṛo wanua udde, niwata'i Salomo niapamanara. I mangitou uddewe taumatan Het, Amori, Feris, Hewi wuṛṛu Yebus. Naddatingngu orassa indi papapulunni mangitou ta'e naola'a allangnga.

EZRA 3:7

Tumanangnge nangonggollu roitta ipanewa basen meselle wuṛṛu basen alu. I mangitou lai nangirimmu anna see lanan zaitun watukku manga soa Tirus wuṛṛu Sidon ipanal᷊iu alu cemaran Libanon wuassu manga soa udde. Alu udde niapidda watukku Yafo nilumewessa tahal᷊oangnga. Sarangkanambone udde nimanaran tumanangnge ringannu darolokki Kores, ratun Persia.

YUNUS 1:3

Arawe Yunus ewe'e lai inaite watukku tampa waine tadea'u mangindaun Mawu. I tou nanute watukku Yopa, wuṛṛu inauranna nattapare naasangkalla apalla apan inai watukku Spanyol. Napawe buatte namaekka parakene, i tou sinuma'ete su apalla, ana see massenggote suadio'a ringannu lal᷊oṛṛon apalla watukku Spanyol, tadea'u mangindaun Mawu.

YOHANES 1:3

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou.

WATTI'U MANGA RASUL 10:32

Nariaddi pandolokken taumata watukku Yope pamaggo taumata aranne i Simon Petrus, i tou tantal᷊anna uaintal᷊a su wal᷊en sangkatou mallal᷊aha pisi arannen Simon; wal᷊e udde su winggin tahal᷊oangnga.’

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

WATTI'U MANGA RASUL 9:38

Yope tawe marau wuassu Lida. Nariaddi su tempo manga mallal᷊aṛṛenggennu Mawu Yesus su Yope naaringikka i Petrus uatana'a su Lida, i mangitou nandolokku ruang katou inai ringanni Petrus ringannu tanata indi, “Paal᷊ihakka rumanta isindi.”

WATTI'U MANGA RASUL 9:42

Watti'a su ola'u arariadianna udde nassal᷊iawukke su ahewallu Yope, na'oman sara manambo taumata mangngimanna Mawu Yesus maola'a Ratum Punnu Sal᷊amatti mangitou.

WATTI'U MANGA RASUL 9:43

I Petrus uatana'a isudde manga pira allo lai su wal᷊en sangkatou mallal᷊aha pisi aranne i Simon.

YOSUA 19:46

Me-Yarkon, Rakon, wuṛṛu lai leta'a maranin Yope.

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.