2 TAWARIKH 2:12 - WUKE SUSI WATTI'U AL᷊AL᷊USASSA

¹² Dalo su Mawu Ruatan Israel, Nandiaddi langitta wuṛṛu runia! I tou nangonggolla si Daud sangkatou ana'a esakka apan lembon pia asingkatta wuṛṛu pande, apan orassa indi tantal᷊anna mattinsahadda mapararisikku Wal᷊en Mawu, wuṛṛu wal᷊en araratuanne.

2 TAWARIKH 2:12 ပူးပေါင်းရင်းမြစ်များ

1 MARARATU 5:7

I Hiram mal᷊uassa atonna napawe naaringikka watti'a udde. I tou nabbisara, “Paddalote Mawu allo indi, ana waugu I tou nangonggolla si Daud sangkatou esakka apan lembon pande maola'a ratu su walahanna apan bahewalla udde.”

1 TAWARIKH 29:20

Napawe buatte niumal᷊iomanna aroddi, i Daud nabbisara su anambon taumata apan uaammulla isudde, “Paddalote Mawu Ruatanu!” Ne awadaalla udde naddalote Mawu Ruata apan sassubbannu al᷊amonan mangitou. Ana see i mangitou niumal᷊intudda nangaddatta Mawu wuṛṛu ratu.

2 TAWARIKH 2:1

I Ratu Salomo buatte nakkawessa mapararisikku Wal᷊en Mawu, wuṛṛu sambau wal᷊en araratuanna.

2 TAWARIKH 2:13

Ringannu udde i ya'u mandolokku taumata ringanni Tuangnga sangkatou pia asingkatta apan pande wuṛṛu taṛṛa manara, aranne i Huram.

DARALO 102:25

Ana see i ya'u nabbisara, “Oh Ruata ariewe mangal᷊appa niawa'u su pattangngannu pabbiaṛṛangku.” Mawu, I'o wiakka saran mal᷊annu-l᷊annu,

DARALO 102:5

I ya'u tinumolangnga ere nannal᷊o naṛṛangu, wuṛṛu niawul᷊iannu apulu umanna.

DARALO 124:8

Aontolla si ite darantane wuassu Mawu apan nandiaddi langitta wuṛṛu runia.

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

LUKAS 1:68

“Wette i ite maddalo Mawu, Ruatam balahannu Israel! I Tou suete nirumanta mantul᷊ungngu pabbawala-Ge wuṛṛu mamallossi mangitou.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

WATTI'U MANGA RASUL 4:24

Napawe manga hawene naaringikka udde, i mangitou suadio'a inumal᷊iomanna ringannu naungnga sambua su Ruata. I mangitou mabbisara, “Mawu, tumba'u I'o nandiaddi langitta wuṛṛu runia wuṛṛu tahal᷊oangnga ringannu al᷊awo'u lal᷊oṛṛone.

1 PETRUS 1:3

Wette i ite maadiangkamanna su Ruata, Iamangngu Mawun kite Yesus Kristus! I Tou lembon marangngu si ite, ana waugu udde i Tou nangonggolu wiakka wakku si ite, ringannu napaawiakku Mawu Yesus Kristus apia wuassu papate. Indi nangonggolu antimma apan matohassa si ite.

SONDAPPA 10:6

I tou nassalu ringannu arannu Ruata apan wiakka saran mal᷊annu l᷊annu, apan nandiaddi langitta wuṛṛu runia wuṛṛu tahal᷊oangnga see lai manga al᷊awo'a apan mabbiakka sulal᷊umme. Mala'ekatta udde nabbisara, “Tempone tate lai iasoṛṛota!

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”