2 TAWARIKH 18:7 - WUKE SUSI WATTI'U AL᷊AL᷊USASSA

⁷ Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu taambe saran paassa i tou na'ola'a ira-ira apan mapia si ya'u; sidutu alal᷊eoanne.” “E, arie pabbisara aroddi!” sasimbakki Yosafat.

2 TAWARIKH 18:7 ပူးပေါင်းရင်းမြစ်များ

1 MARARATU 18:17

Sutempo i Ahab naasilo si Elia, i Ahab nangintul᷊i, “Indete i tou mangangal᷊iba'ukka su Israel!”

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

1 MARARATU 21:20

Sutempo i Ahab naasilo si Elia, i tou nabbisara, “Ei seetta, panginsueanne i'o naasangkalla si ya'u!” “Atonna,” sasimbakki Elia. “Ana waugu i Tuangnga ringannu na'utulla na'ola'a al᷊al᷊eo su aellegu Mawu,

1 MARARATU 22:8

I Ahab sinumimbakka, “Ta'e pia sangkatou, i Mikha ana'i Yimla. Arawe i ya'u maddantinni tou, ana waugu tawe saran paassa i tou maramallu apa apan mapia si ya'u; sidutu apan dal᷊eo.” “Eh, arie pabbisara aroddi!” sasimbakki Yosafat.

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

2 TAWARIKH 18:13

Arawe i Mikha sinumimbakka, “Ringannu arannu Mawu apan wiakka, i ya'u tumba'u mamasingkatta apa apan niapasingkattu Mawu si ya'u!”

2 TAWARIKH 18:6

Arawe i Yosafat naiwal᷊o apia, “Apa isindi tawe nabi waine apan wotongnge maiwal᷊o Mawu?”

2 TAWARIKH 18:8

Ne i Ahab namagote sangkatou mamanaran araratuanne ana see nandolokki tou mal᷊iha-l᷊ihakka niapaal᷊appa si Mikha.

DARALO 34:21

Wadangnge sidutu lal᷊u'arannu Mawu, wuassu duṛṛine tawe saran sambua paddianna.

DARALO 55:3

Intannoiwe i ya'u wuṛṛu simbaṛṛewe i ya'u, i ya'u naṛimunsa'a ana waugu asasusa'u.

DARALO 69:14

Arawe i ya'u niumal᷊iomanna Si'o, oh Mawu, oh Ruata, simbaṛṛewe i ya'u sutempo apan mapia. Ontol᷊ewe i ya'u ana waugu darangngu-Nu apan wahewalla wuṛṛu ana waugu paddul᷊i-Nu.

AMSAL 25:12

Tatagun taumata pande su taumata apan mappulu maddaringikka naal᷊ihidda sinsingnga wul᷊awanna ara'e lal᷊oggakka wul᷊awanna.

AMSAL 29:10

Taumata apan masaṛṛionto'a naungnge ipabbinsin taumata apan maroun daṛṛa, arawe lal᷊u'arannu taumata mapia.

AMSAL 9:8

Imbaṛṛangnga mapasal᷊an taumata apan maddiri aṛṛaanna, i tou sarun maisaseennu. Arawe amungkangngu taumata pande ipantingidda pasasal᷊ane, i tou sarun mangaddatta si'o.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

AMOS 5:10

I yamiu maddantinnu taumata apan mannal᷊are atatul᷊idda wuṛṛu apan mabbisara ringannu atonna su pallaṛṛuunganna.

MIKHA 2:7

Imbaṛṛangnga massunna umattu Israel buatte niwontohannu Mawu! Mawu sarun tawe ma'ola'a olangnge aroddi. I Tou saran paassa tawe mawul᷊i asasabbare-Ne. Wal᷊inewe i Tou uahahatto ringannu masaṛṛionto'a su manga taumata apan ma'ola'a apapia?”

MARKUS 6:27

Nariaddi i tou lapiddu namarenta sangkatou mandariagane niapaal᷊appa puan Yohanes Mananaṛṛani. Ne tantara udde inaite su tuttupanna see namonggo'e puan Yohanes.

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

YOHANES 15:24

Unnu wisara su pattangnganni mangitou i Ya'u tawe na'ola'a apa apan taambe niola'u taumata waine, i mangitou tawe dosane. Arawe orassa indi i mangitou suete naasilo apa apan suete niola-U, wuṛṛu i mangitou maddanting-Ku wuṛṛu maddantinnu Iamang-Ku lai.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

GALATIA 4:16

Apa i yamiu orassa indi massunna si ya'u ere seetta, ana waugu i ya'u mabatti'u apapia si yamiu?