2 TAWARIKH 17:5 - WUKE SUSI WATTI'U AL᷊AL᷊USASSA

⁵ Mawu nangonggola si Yosafat araratuanna apan matohassa su Yehuda. Tumanangnge sarangkanambone nangonggolu manga aonggola si tou, ne i tou nabbal᷊ite ala wuṛṛu aaddatanna.

2 TAWARIKH 17:5 ပူးပေါင်းရင်းမြစ်များ

PANDARIADDI 13:2

I Abram alate atonna, i tou uatahuanna domba, ambingnga, sapi, see lai sal᷊a'a wuṛṛu wul᷊awanna.

1 MARARATU 10:25

I mangitou sangkatou-sangkatou nirumanta ringannu uaapiddu aonggolla hunan Salomo. I mangitou nangonggollu manga saranapa sal᷊a'a, wul᷊awanna, laubba, lutangnga, rampa-rampa, awal᷊o wuṛṛu bagal. Etearoddi suapan tonna mallal᷊isansunna.

1 MARARATU 10:27

Sulal᷊ummu tempon Salomo uaparenta, su Yerusalem sal᷊a'a naola'a ere saranapa wiasa ere lai watu, wuṛṛu alu cemaran Libanon ete pia seregge ere alu cemara wiasa.

1 MARARATU 4:21

Suapan amonanna uatahuanna waillu anggore wuṛṛu waillu ara. Su al᷊o'engngu pabbiaṛṛanni Salomo tumana'a su ahewallu Yehuda wuṛṛu Israel wuassu Dan maddatingngu Bersyeba mabbiakka ringannu matammudda wuṛṛu mal᷊angnganna. Ana waugu, anambon datu su samba'an waṛṛattu Efrat uasuṛṛubawa si tou, wuṛṛu anambon balahanna wuassu manga araratuanna maranin araratuanne uahahawen tou. Leta'a su samba'an waṛṛattu Sal᷊ukku Efrat wuṛṛu Tifsah su wiwikku Sal᷊ukku Efrat masal᷊a su waṛṛata watukku soa Gaza su Filistin maddatingngu passarannu Mesir, sarangkanambone paparentanni Salomo. Manga walahanna su wanua udde uasuṛṛubawa si tou wuṛṛu mammaekka wose. Manga anna apan pappandumanni Salomo suapan allo eteudde 5.000 litere taponna al᷊ussa, 10.000 litere taponna hal᷊agga, 10 sapi sulal᷊ummu tanda'a, 20 sapi su wadda'a, wuṛṛu 100 domba. Wal᷊ine wua isudde lai rusa, kijang, menjangan wuṛṛu manga manu'u winalanganna.

2 TAWARIKH 1:15

Sulal᷊ummu tempo i Salomo uaparenta, wul᷊awanna wuṛṛu sal᷊a'a naola'a saranapa wiasa su Yerusalem, ere lai watu; wuṛṛu alu cemaran Libanon tumaniten manambo ere alu ara wiasa.

2 TAWARIKH 18:1

Sutempo i Yosafat ratun Yehuda naalate wuṛṛu tinumelengke, i tou nangawingngu sangkatou tuṛṛangnge ringannu sangkatou tuṛṛangngi Ahab ratun Israel.

2 TAWARIKH 32:23

Manambo taumata nirumanta watukku Yerusalem uaapiddu sasamba su Mawu wuṛṛu manga aonggola si Hizkia, na'oman sara nanattakka orassa udde i tou aaddatannu anambon walahanna.

2 TAWARIKH 9:27

Sulal᷊ummu tempo i Salomo uaparenta, sal᷊a'a naola'a sambau saranapa wiasa su Yerusalem, ere lai watu, wuṛṛu alu cendana Libanon manambo atonna ere alu ara wiasa.

AYUB 42:12

Ayub nial᷊amatannu Mawu ringannu nilumambalanna sulal᷊ummu lamben pabbiaṛṛanne, wuassu sutempo i tou tantal᷊anna taambe niaṛṛiaannu asasilaka. Ayub uatahuanna 14.000 ambingnga domba, 6.000 unta, 2.000 sapi, wuṛṛu 1.000 keledai.

DARALO 127:1

Aantarin Salomo. Amungkangu wal᷊ine Mawu apan napararisikku wal᷊en, tawe gunane manga basene mammanara. Amungkangu wal᷊ine Mawu apan uariaga soa, tawe gunane mandariagane uataṛṛapa.

DARALO 132:12

Amungkangu manga anangngu matuṛṛutta su paaire-U, wuṛṛu maddaringikka manga parenta-U, ne saran mal᷊annu-l᷊annu papapulunni mangitou mallol᷊ossa si'o maola'a ratu.”

DARALO 68:29

Ruatanu maddea'a atatohannu; oh Ruata, tohassawe sarangkanambone apan buatte niolang-Ngu si yami.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 76:11

Manga taumata apan tumaniten mal᷊aṛṛaga lai maddalo Si'o, wuṛṛu apan ta'e massa'u ual᷊uṛen nasa tatiala lullal᷊o.

AMSAL 16:12

Su tembonanne, ma'ola'a al᷊al᷊eo uddewe ipabbinsi, waugu araratuanne matohassa ana waugu atatul᷊idda.

MATIUS 2:11

I mangitou sinumutta sulal᷊ummu wal᷊e udde wuṛṛu naasilote Ana'a udde ringanni Maria, inangngene. I mangitou inumal᷊intuda wuṛṛu nassubbate ana'a udde see namu'ate tampan darotongngi mangitou wuṛṛu nangonggollen sasamba si Tou wul᷊awanna, amania wuṛṛu mur.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

1 SAMUEL 10:27

Arawe manga pira taumata lal᷊eo nabbisara, “Ereapa wotongnge taumata indi pia gunane si ite?” I mangitou mangngadio'a si Saul wuṛṛu tawe mangapiddu aonggolla si tou. Arawe i tou mangngawusu wagga.