2 TAWARIKH 17:4 - WUKE SUSI WATTI'U AL᷊AL᷊USASSA

⁴ ewe'e tumba'u mattaṛṛamawu Ruata. I tou matuṛṛutta manga parentan Duata, wuṛṛu i tou mabbiakka wal᷊ine ere manga ratun Israel.

2 TAWARIKH 17:4 ပူးပေါင်းရင်းမြစ်များ

1 MARARATU 12:28

Napawe buatte naṛṛingiddu olangnge udde, i tou na'ola'a darua paal᷊uanna sapi wulawanna ana see nabbisara su tumanangnge, “Walahannu Israel! Mal᷊annute i yamiu inannai watukku Yerusalem mattaṛṛamawu. Orassa indi, eteindi manga mawunu apan buatte nangapiddi yamiu sinumabbangnga wuassu Mesir!”

1 MARARATU 12:30

Ne tumanangnge na'ola'e rosa, ana waugu i mangitou inaite watukku Betel wuṛṛu watukku Dan inai mattaṛṛamawu.

1 MARARATU 3:3

I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.

1 MARARATU 9:4

Amungkangngu i'o mangngimanna si Ya'u ringannu naungnga mal᷊uassa wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu matul᷊idda ere iamangngu Daud, wuṛṛu i'o matuṛṛutta su manga tita wuṛṛu manga parenta-U,

2 MARARATU 17:19

Manga taumatan Yehuda lai tawe tumuṛṛutta manga titan Mawu, Ruatan mangitou. I mangitou mattanno manga innanaramannu taumatan Israel,

2 MARARATU 8:18

I tou naawingu ana'i Ahab, wuṛṛu ere lai buatte niola'u amonanni Ahab, i tou lai na'ola'a rosa su saruannu Mawu ere manga ratun Israel.

2 TAWARIKH 14:6

na'oman sara i tou wotongnge napa'ola'a tanda'a watu su manga soan Yehuda. Manga pira tonna al᷊annune tawe nariaddi pangalo ana waugu Mawu nangonggolu paddarame si tou.

2 TAWARIKH 17:3

Mawu nangal᷊amatta si Yosafat ana waugu i tou nangaṛṛussa wal᷊iuddu iamangnge; i tou tawe massubba si Baal,

2 TAWARIKH 21:12

Ana see i Yehoram naasomba sangkul᷊appa suratta apan niwoṛṛetti Nabi Elia sutempo ta'e wiakka. Arendi tingikku suratta udde, “Mawu, Ruata apan sassubbanni Daud, sarun makkuumanni Tuangnga ana waugu i Tuangnga tawe nangaṛṛussa wal᷊iuddu iamangnga wuṛṛu iupungngi Tuangnga.

2 TAWARIKH 22:9

Wua'udde i tou nandolokku taumata niaparea'a si Ahazia apan sutempo udde uaimbuni su Samaria. Napawe i Ahazia niasombangante, i tou niapidda ringanni Yehu wua'udde nipate. Salaiwe aroddi i tou nilabbingi mangitou lai ana waugu i mangitou mangngaddata si Ratu Yosafat, iupungnge apan mangngaddata Mawu ringannu ahewallu naungnge. Wuassu amonanni Ahazia tawe saran sangkatou apan wotongnge mamarenta.

2 TAWARIKH 27:6

Yotam nabbal᷊i lembon mataṛṛino ana waugu i tou matammudda wuṛṛu matuṛṛutta su Mawu Ruatane.

2 TAWARIKH 29:2

Hizkia inolaanne maal᷊uassa naungngu Mawu ere lai i Ratu Daud iupungnge.

2 TAWARIKH 34:2

Inolaanni Yosia maal᷊uassa naungngu Mawu; i tou nangaṛṛussa si Ratu Daud iupungnge, wuṛṛu matuṛṛutta anambon titan Duata ringannu ahewallu naungnge.

HOSEA 4:15

Ei i yamiu taumatan Israel, i yamiu tawe satia si Ya'u! Arawe, i Ya'u mangantimma Yehuda tawe ma'ola'a pasasal᷊a apan uasul᷊ungnga! Imbaṛṛangnga mattaṛṛamawu su Gilgal ara'e su Betel. Imbaṛṛangnga massalu poiaroddi ringannu arannu Mawu apan biakka.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

1 TESALONIKA 4:1

Panginsueanne manga tuṛṛangnga, i yami suete nanul᷊ada si yamiu su ola'u ereapa i yamiu ṛinone mabbiakka malluassa naungngu Ruata. Atonna i yamiu suete nabbiakka ereudde. Arawe orassa indi sulal᷊ummu taṛṛinon Mawu Yesus, i yami sumal᷊ande si yamiu wuṛṛu mamata'i yamiu tadea'u i yamiu lembon maddea'a lai olangnge udde!