2 TAWARIKH 17:3 - WUKE SUSI WATTI'U AL᷊AL᷊USASSA

³ Mawu nangal᷊amatta si Yosafat ana waugu i tou nangaṛṛussa wal᷊iuddu iamangnge; i tou tawe massubba si Baal,

2 TAWARIKH 17:3 ပူးပေါင်းရင်းမြစ်များ

PANDARIADDI 39:21

Arawe Mawu nantul᷊ungngi Yusuf wuṛṛu sidutu marangngu si tou, na'oman sara tembonannu tutupanna marangngu si tou.

2 SAMUEL 5:10

I Daud mallannu lembon mattohassa, ana waugu Mawu, Ruata Apan Lembontaṛṛino nantul᷊ungnge.

2 SAMUEL 8:15

Etearoddi i Daud namarenta ahewallu Israel wuṛṛu uariaga tadea'u tumanangnge sidutu paparentanna ringannu atatul᷊idda wuṛṛu apapia.

1 MARARATU 11:6

Etearoddi i Salomo na'ola'a rosa su saruannu Mawu. I Daud, iamangngi Salomo uatantalongnga Mawu ringannu ahewallu naungnga, arawe i Salomo tawe ereudde.

1 MARARATU 22:43

Nangaṛṛussa si Asa, iamangnge, Yosafat ma'ola'a apa apan mapia su aellegu Mawu. I tou napaawul᷊i wuassu araratuanne anambon sumasandaga esakka wuṛṛu wawine apan mammanara su manga tampa pasasubbanna paal᷊uanna apan ta'e pia lambene wuassu tempon Asa, iamangnge. Arawe manga tampa pasasubbanna udde sassane tawe nihohakke. Tumana'a ta'e sidutu mangngonggollu sasamba wuṛṛu amania poiaroddi. I Yosafat na'ola'a manga apallu Tarsis inai mangal᷊appa wul᷊awanne wuassu Ofir, arawe manga apalla udde tawe nariaddi nassenggotta ana waugu nahohakka su Ezion-Geber. Ratu Ahazia wuassu Israel naddorongnga lal᷊oṛṛon apalle massenggotta suaddio'a ringannu lal᷊oṛṛon apalli Yosafat, arawe i Yosafat nanola'a salaiwe i tou pia pa'a'aukka mapia ringannu ratun Israel. Wua'udde i Yosafat natete wuṛṛu nilabbinga su labbingu manga ratu su soan Daud. I Yoram anangnge naola'a ratu nallol᷊ossa si tou. Watti'a waine su ola'i Yosafat, su ola'u awawaṛṛanine wuṛṛu manga papangalone niwoṛṛetta sulal᷊ummu wuke Watti'u Mararatun Yehuda. Sutempo udde wanua Edom tawe uatahuanna ratu. Apan uaparenta poiaroddi tumba'u sangkatou bupati.

1 MARARATU 3:3

I Salomo marangngu Mawu wuṛṛu tuttuṛṛutta manga tatantiro wuassu iamangnge, arawe i tou ta'e maṛṛata wuṛṛu mangngonggollu sasamba winatangnga su al᷊awo'u tampa.

2 MARARATU 14:3

I Amazia pallal᷊agune ma'al᷊uassa naungngu Mawu, arawe i tou ere i Daud, al᷊amonane. Nangaṛṛussa iamange,

2 MARARATU 16:2

Sutempo udde uukki tou 20 su tonnane wuṛṛu i tou namarenta su Yerusalem 16 su tonnane al᷊annune. I tou tawe nangaṛṛussa pallal᷊agu apan mapia wuassi Ratu Daud, al᷊amonane, ewe'e inolaane tawe maal᷊uassa naungngu Mawu, Ruatane.

2 MARARATU 18:3

I Hizkia pallal᷊agune ma'al᷊uassa naungngu Mawu ere lai i Daud al᷊amonane.

2 MARARATU 22:2

I Yosia pallal᷊agune maal᷊uassa naungngu Mawu. I tou nangaṛṛussa pallal᷊agun Ratu Daud al᷊amonane, wuṛṛu mappaamattu titan Duata ringannu ahewallu naungnge.

1 TAWARIKH 22:18

Wisarane, “Mawu Ruatanu buatte nantul᷊ungngi yamiu, nangonggolu paddarame wuṛṛu atatammudda su ahewallu wanua. I tou buatte namala'u namaddon anambon walahanna apan dorone uatana'a su wanua indi. Orassa indi i mangitou uasuṛṛubbawate si'o wuṛṛu su Mawu.

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 17:2

I tou napariagan tantara su anambon soa pia tanda'a watune su Yehuda, wuṛṛu su wageangngu leta'a su liuddu soan Yehuda, see lai manga soa apan buatte niaṛṛon iamangnge su wageangngu leta'u Efraim.

2 TAWARIKH 17:4

ewe'e tumba'u mattaṛṛamawu Ruata. I tou matuṛṛutta manga parentan Duata, wuṛṛu i tou mabbiakka wal᷊ine ere manga ratun Israel.

2 TAWARIKH 20:32

Ere lai i Asa iamangnge, Yosafat buatte na'ola'a apapia su aellegu Mawu.

2 TAWARIKH 21:12

Ana see i Yehoram naasomba sangkul᷊appa suratta apan niwoṛṛetti Nabi Elia sutempo ta'e wiakka. Arendi tingikku suratta udde, “Mawu, Ruata apan sassubbanni Daud, sarun makkuumanni Tuangnga ana waugu i Tuangnga tawe nangaṛṛussa wal᷊iuddu iamangnga wuṛṛu iupungngi Tuangnga.

2 TAWARIKH 22:9

Wua'udde i tou nandolokku taumata niaparea'a si Ahazia apan sutempo udde uaimbuni su Samaria. Napawe i Ahazia niasombangante, i tou niapidda ringanni Yehu wua'udde nipate. Salaiwe aroddi i tou nilabbingi mangitou lai ana waugu i mangitou mangngaddata si Ratu Yosafat, iupungnge apan mangngaddata Mawu ringannu ahewallu naungnge. Wuassu amonanni Ahazia tawe saran sangkatou apan wotongnge mamarenta.

2 TAWARIKH 27:6

Yotam nabbal᷊i lembon mataṛṛino ana waugu i tou matammudda wuṛṛu matuṛṛutta su Mawu Ruatane.

2 TAWARIKH 29:2

Hizkia inolaanne maal᷊uassa naungngu Mawu ere lai i Ratu Daud iupungnge.

2 TAWARIKH 34:2

Inolaanni Yosia maal᷊uassa naungngu Mawu; i tou nangaṛṛussa si Ratu Daud iupungnge, wuṛṛu matuṛṛutta anambon titan Duata ringannu ahewallu naungnge.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

SASABANGNGA 4:12

Orassa indi, roote, i Ya'u sarun mantul᷊ungngu mabbisara wuṛṛu mangaṛṛa'u sarangkanambone apan ṛinone iwisaranu.”

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 8:10

Panngol᷊age, arawe sarangkanambone tawe maola'a. Pakkawesse, arawe tawe gunane, ana waugu Ruata uaṛundinganna si yami.

YEREMIA 2:23

Waṛṛani atonna i'o mabbisara manungku i'o tawe sal᷊ane, wuṛṛu manungku i'o tawe mallaṛṛenggenna si Baal! Pa'ellege pallal᷊agunu su wawal᷊anne, pannaungke al᷊al᷊eonu wuṛṛu panga'ute! I'o naal᷊ihidda unta inangnge apan mappulu mabbawatianna, tuttul᷊angnga uapapal᷊ele tawe tantunne,

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

MATIUS 18:20

Ana waugu suapa pia darua ara'e sire tallu uaammulla ana waugu i Ya'u, i Ya'u isudde su pattangnganni mangitou.”

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

2 TIMOTIUS 4:22

Doronganna Mawu makkundinganna si'o. Doronganna Mawu mangal᷊amatta Manga tuṛṛangnga! Tabea wuassi yami, Paulus

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

MAL᷊AṚṚUUNGNGA 6:12

Mala'ekattu Mawu nattingkapasilo si tou wuṛṛu nabbisara, “Ei umbasanna apan matohassa! Mawu uarundinganna si'o!”

MAL᷊AṚṚUUNGNGA 8:33

Napawe i Gideon natete, taumatan Israel tatewe tumuṛutta Ruata. I mangitou massubbate manga monganni Baal wuṛṛu Baal-Berit niola'a monganni mangitou.

1 SAMUEL 18:12

I Saul naapendamma manungku i Daud rariagannu Mawu, ewe'e i tou sassane tinantangngu Mawu. Ana waugu udde i tou matta'utti Daud.

1 SAMUEL 18:14

I tou mammanara ringannu mapia, ana waugu Mawu mantul᷊ungngi tou.

1 SAMUEL 18:5

I Daud mammanara ringannu mapia al᷊awo'u manara apan nionggolli Saul si tou. Ana waugu udde i tou nitenegi Saul naola'a piaṛṛa'u tantarane, wuṛṛu i Daud nia'un anambon tantara wuṛṛu manga allangngi Saul.