2 TAWARIKH 17:16 - WUKE SUSI WATTI'U AL᷊AL᷊USASSA

¹⁶ Taumata atallune eteudde i Amasia ana'i Zikhri; i tou uapiaṛṛa'u 200.000 su atoune tantara. (Amasia eteudde sangkatou taumata apan uararingikka Mawu.)

2 TAWARIKH 17:16 ပူးပေါင်းရင်းမြစ်များ

1 TAWARIKH 29:14

I ya'u wuṛṛu tumana'u indi atonna-tonna tawe mapangonggolu apa-apa Si'o, ana waugu sarangkanambone uddewe aonggolu Mawu, wuṛṛu apa apan ia'onggoli yami uddewe tatahuanan-Nu lai.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

1 TAWARIKH 29:9

Tunanangnge nangonggolla ringannu naungnga mal᷊uassa su Mawu wuṛṛu i mangitou lullala'a ana waugu manambote aonggoli mangitou. I Ratu Daud lembon lullala'a lai.

2 TAWARIKH 17:15

Taumata aruane eteudde i Yohanan; i tou uapiaṛṛa'u 280.000 su atoune tantara.

2 TAWARIKH 17:17

Tembonannu tantara wuassu manga ṛuanganna sulal᷊ummu ṛuanganni Benyamin eteudde i Elyada, sangkatou tantara apan matohassa. I tou uapiaṛṛa'u 200.000 su atoune tantara apan nariahi ringannu anaanna wuṛṛu allungnga.

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

MAL᷊AṚṚUUNGNGA 5:2

Paddalote Mawu, ana waugu manga awaṛaniannu Israel buatte nabbaidda inai mapapangalo, wuṛṛu tumanangnge ringannu naungnga mal᷊uassa inai mapapngalo.

MAL᷊AṚṚUUNGNGA 5:9

Su manga tembonannu tantaran Israel apan naiwawal᷊in batanganne ringannu naungnga mal᷊uassa, i ya'u mamasingkattu aadiangkamangku manambo-nambo. Paddalote Mawu!