2 TAWARIKH 16:4 - WUKE SUSI WATTI'U AL᷊AL᷊USASSA

⁴ Benhadad inumire darorongnga udde ana see i tou nandolokku manga piaṛṛa'u tantarane suadio'a ringannu tantaran mangitou namangalo manga soan Israel. I mangitou namaddon soa Iyon, Dan, Abel-Bet-Maakha wuṛṛu anambon pangangadoannu anna su leta'u Naftali.

2 TAWARIKH 16:4 ပူးပေါင်းရင်းမြစ်များ

PANDARIADDI 14:14

Napawe i Abram naaringikka manungku ana'u tuṛṛangnge niatawanna, i tou nangammulu anambon taumata sulal᷊ummu rasanne, eteudde mapapanden pangalo, anambone 318 su atoune, ana see nangenggenna siri appata ratu udde naddatingngu soan Dan.

1 MARARATU 15:20

I Benhadad niumire ringannu aahe udde ana see nandolokku manga tembonannu tantarane su addio'a ringannu tantaran mangitou namangalo manga soan Israel. I mangitou namaddon Iyon, Dan, Abel-Bet-Maakha wuṛṛu Kinerot maranin Rano Galilea see ahewallu wageangngu leta'i Naftali.

1 MARARATU 9:19

manga soa pangaddoannu wal᷊unna, see manga soa pangaddoanu keretan pangalo wuṛṛu awal᷊one. Anambon hol᷊agu wal᷊en su Yerusalem, Libanon, wuṛṛu ahewallu wageangngu leta'a paparentanne buatte nimanarane.

2 MARARATU 16:9

I Ratu Tiglat-Pileser naddaringikka sasal᷊anden Ahas, ana see namangalo wuṛṛu nangaṛṛo Damsyik. Tumanange apan niawawi niapidde watukku Kir, wuṛṛu ratune, eteudde i Ratu Rezin, apan nipatene.

2 TAWARIKH 16:3

“Wette i ite makkiinnu pagahahawe ere lai buatte niola'u hagurangngi ite. Ringannu indi lai i ya'u mangirimmu bul᷊awanna wuṛṛu sal᷊a'a maola'a aonggola, wuṛṛu mangahe si Tuangnga mamassutta paa'aukka si Baesa ratun Israel, tadea'u i tou mapawelengngu tantarane apia wuassu leta'a paparentangku.”

2 TAWARIKH 16:5

Sutempo i Ratu Baesa naaringikka olangnge udde, i tou nangillol᷊ote nanohassa soa Rama wuṛṛu nanantangken soa udde.

2 TAWARIKH 17:12

Etearoddi i Yosafat mallannu lembon uataṛṛino. Su ahewallu Yehuda namangunna manga tanda'a watu wuṛṛu manga soa pangangadoannu anna.

2 TAWARIKH 8:6

Ana see lai soa Baalat niola'a apia, wuṛṛu anambon soa pangangadoannu anna, see lai soa panahipunanna keretan pangalo wuṛṛu awal᷊one. Sarangkanambone su Yerusalem, Libanon wuṛṛu su ahewallu leta'u panenteanna apan buatte niolangnge.

SASABANGNGA 1:11

Ne manga taumata Mesir napaatenegu manga mandariaga walahannu Israel, tadea'u mapasusan susan biakki mangitou ringannu mammanara masahadda. I mangitou niwata'a mabbangunna hunan datu Mesir manga soa Pitom wuṛṛu Raamses maola'a punnu pangangadoannu saranapa.

YESAYA 9:1

Walahanna apan mabbiakka sulal᷊ummu ararandumma ma'asilo semakka apan ruddiallo. Apam uatana'a al᷊ungu lintaun papate sasemaṛṛannu semakka.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

MAL᷊AṚṚUUNGNGA 20:1

Ne nirumantate walahannu Israel sarangkanambone wuassu Dan su samba'an sawannakka naddatingngu Bersyeba su timukka, wuṛṛu Gilead su ra'i, su ipangitu'a wawago udde. I mangitou na'ammula wuṛṛu naaukka su Mizpa su saruannu Mawu.