2 TAWARIKH 15:8 - WUKE SUSI WATTI'U AL᷊AL᷊USASSA

⁸ Napawe i Asa naaringikka wisaran Azarya ana'i Oded udde, naungnge natohasse apia. I tou nangingkattu anambon paal᷊uanna su wanuan Yehuda wuṛṛu Benyamin, wuṛṛu manga soa apan buatte niwaddone su panenteannu Efraim, ana see i tou nangapia mezbah Mawu apan uaraddo su rallakku Wal᷊en Mawu.

2 TAWARIKH 15:8 ပူးပေါင်းရင်းမြစ်များ

1 MARARATU 11:5

I Salomo massuba si Asytoret, mongannu walahannu Sidon, wuṛṛu lai si Molokh monganna apan ma'arantinna apan sassubannu walahannu Amon.

1 MARARATU 11:7

Roso su wowone su samba'a ra'in Yerusalem, i tou napararisikku tampa passubbanna si Kamos, mongannu taumatan Moab, wuṛṛu si Molokh, mongannu taumatan Amon – itarua udde monganna apan ma'arantinna.

1 MARARATU 15:9

Su tonna ruan pul᷊o pamamarentan Yerobeam su Israel, i Asa naola'a ratun Yehuda.

2 MARARATU 16:14

I Ahas naasilo manungku mezbah witu'a apan niṛṛae su Mawu udde addone suwallatu Wal᷊en Mawu wuṛṛu mezbane apan wakku. Ana waugu udde mezbah witu'a udde niingkatta wuassu saruannu Wal᷊en Mawu su samba'a sawannakku mezbane apan wakku udde.

2 MARARATU 18:22

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

2 MARARATU 23:13

See lai manga mezbah su Yerusalem samba'an ra'i, su samba'a timukku Wuiddu Al᷊al᷊eo nisaparanna. Manga mezbah udde niaparisikki Ratu Salomo ipassubba manga monganna apan ma'arantinna – eteudde Asytoret mongannu walahannu Sidon, Kamos mongannu walahannu Moab, wuṛṛu Milkom mongannu walahannu Amon.

2 TAWARIKH 13:19

Sutempo i Abia mangngenggenna tantaran Yerobeam, i tou nangaṛṛo manga pira soa ringannu manga pira ampungnga maranine. Manga soa udde eteudde Betel, Yesana wuṛṛu Efron.

2 TAWARIKH 17:2

I tou napariagan tantara su anambon soa pia tanda'a watune su Yehuda, wuṛṛu su wageangngu leta'a su liuddu soan Yehuda, see lai manga soa apan buatte niaṛṛon iamangnge su wageangngu leta'u Efraim.

2 TAWARIKH 19:11

Imam Wahewalla i Amarya ta'u nionggol᷊annu taṛṛino apan atanggaṛṛanne su ola'u hatto apan pia sasampangnge su manga titan agama. Zebaya ana'i Ismael, eteudde gubernuren Yehuda, ta'u nionggol᷊annu taṛṛino apan atanggaṛṛanne su ola'u manga hatto waine. Manga taumatan Lewi manarane mallu'adda tadea'u laṛṛawessu mallaṛuungnga udde iapaamatta. Daringiṛṛete manga tatantiro indi wuṛṛu pammamarate ringannu mapia. Antimanna Mawu uatantalongnga taumata apan mammanara ringannu matul᷊idda!”

2 TAWARIKH 19:4

Ratu Yosafat uatana'a su Yerusalem. Arawe i tou masokka mattembo tumanangnge su ahewallu wanua mangngehetta si mangitou tadea'u mabelengnga apia ringannu Mawu, Ruatan al᷊amonan mangitou.

2 TAWARIKH 29:18

Ana see manga taumatan Lewi udde nabbal᷊o si Ratu Hizkia, “Yami buatte napasusin Wal᷊en Mawu sarangkahewalle, nasutta lai mezbah sasamba itattambunna, medda pangangimbeannu roti, wuṛṛu anambon saranapane.

2 TAWARIKH 4:1

Ratu Salomo nandolokka niapaola'a sambau mezbah wuassu witu'a, al᷊o'engnge wuṛṛu alal᷊akke sambau-sambau 9 metere, wuṛṛu atanggakke 4.5 metere.

2 TAWARIKH 8:12

Salomo nangonggolu sasamba itattambunna su Mawu su mezbah apan nilanginne su saruannu Wal᷊en Mawu.

YESAYA 44:14

Asinungka alu apan nipaatta udde alu cemara, eru ara'e terpentin apan nituwangnga su mahurangnge. Asinungka lai i tou nassuannu alu salam see niṛṛaddoanna uranna na'oman sara i tou tinumuwo.

YESAYA 65:4

Sutempo ṛabbi i mangitou inaite watukku manga liangnga wuṛṛu lal᷊abbinganna maddorongnga tatantiro su manga ṛimuuddu taumata nate. I mangitou u'inassa wawi wuṛṛu ma'inumma sawon ṛemessa apan isassingadda.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YEHEZKIEL 8:10

I ya'u lai sinumuttate wuṛṛu na'ellega. Manga darandungngu wabbo'a udde nihambarannu al᷊awo'u hatin atoanna wuṛṛu manga winatangnga apan ipappalli waine, see lai al᷊awo'u hambarannu paal᷊uanna apan sassubbannu manga taumatan Israel.

IMAMATTA 18:30

Ne Mawu nabbisara, “Paatuṛṛutte su manga atoranna apan Ta'u nionggola wuṛṛu imbaṛṛangnga mattanno inolaannu manga taumata uatana'a su leta'u Kanaan tantal᷊anna i yamiu taambe nirumanta. Imbaṛṛangnga i yamiu mandal᷊eo watanganni yamiu sassane ringannu ma'ola'a manga pallal᷊aghu udde. I Ya'u Ruatanu.”

MATIUS 25:16

Mangangimbe apan nanengkamma lima ṛiwu roitta wul᷊awanna udde nal᷊iha-l᷊ihakka inai nabbal᷊u'a, see naasomba auntunganne lima ṛiwu roitta wul᷊awanna.

WATTI'U MANGA RASUL 28:15

Manga tuṛṛangnga su Roma apan mangngimanna Mawu Yesus naaringikka watti'a su ola'i yami, na'oman sara i mangitou nirumanta sara Pasakku Apius wuṛṛu Pangangillol᷊oanna Tatallu see nanal᷊oho si yami. Napawe i Paulus nassomba mangitou, i tou namantugga Ruata wuṛṛu naungnge nabal᷊i matohassa.

TAHIUL᷊E 27:15

Manga taumatan Lewi: ‘Niawontohante taumata apan ma'ola'a paal᷊uanna wuassu watu, alu ara'e atta'a, wuṛṛu massubba si tou ringannu ma'imbuni; Mawu maddantinnu pasasubba paal᷊uanna!’ Anambon tumana'u soa: ‘Amin!’

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

MAL᷊AṚṚUUNGNGA 10:16

Wua'udde anambon paal᷊uanna sassubbanna nirammete si mangitou, ana see nassubbate Ruata. Ne Ruata nompo'a naung-Nge naasilo si mangitou sulal᷊ummu asasusa.